news on VOA

မြန်မာပြည် အေအိုင်ဒီအက်စ် ရောဂါသည်နဲ့ ဆေး မမျှသေး
01 December 2009 VOA

မြန်မာနိုင်ငံမှာ HIV/AIDS ရောဂါဖြစ်ပွားမှုနှုန်းနဲ့ ကြည့်ရှုစောင့်ရှောက်နိုင်မှုနှုန်း မမျှမတ ဖြစ်နေတဲ့အကြောင်း ရောဂါ ဝေဒနာရှင်တွေကို ကြည့်ရှုစောင့်ရှောက်ပေးနေတဲ့ စေတနာ့ဝန်ထမ်းတွေက ပြောပါတယ်။ ဒီကနေ့ ကျရောက်တဲ့ ကမ္ဘာ့ AIDS နေ့ အထိမ်းအမှတ်နေ့မှာ အခုလို ပြောဆိုလိုက်တာ ဖြစ်ပါတယ်။ အပြည့်အစုံကို ဆက်သွယ်စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

HIV/AIDS ရောဂါ ပပျောက်ရေးအတွက် စစ်အစိုးရ အနေနဲ့ ပြည်တွင်း ပြည်ပက လူမှုအဖွဲ့အစည်းတွေနဲ့ ပူးပေါင်း လုပ်ဆောင်နေတဲ့အကြောင်း သတင်းစာ ခေါင်းကြီးပိုင်းတွေမှာ အကျယ်တ၀င့် ရေးသားဖော်ပြနေပေမဲ့ တကယ် ရောဂါကူးစက် နေသူတွေကို လုံလောက်တဲ့ ဆေးဝါးကုသမှု ပေးနိုင်ခြင်း မရှိဘူးလို့ ဝေဒနာရှင်တွေကို နှစ်ရှည်လများ ကြည့်ရှုစောင့်ရှောက်ပေးနေသူ စေတနာ့ဝန်ထမ်း မဖြူဖြူသင်းက ပြောပါတယ်။

“တကယ့် တကယ် ပြောရမယ်ဆိုရင်တော့ ရောဂါဖြစ်ပွားမှုနဲ့ ဆေးဝါးကုသမှု ခံရတဲ့နှုန်းက အများကြီးကို ကွာဟချက် ရှိနေသေးတယ်။ တကယ်တမ်း တိုင်းနဲ့ပြည်နယ် အသီးသီးက လက်လှမ်းမမီတဲ့ ဒေသတွေမှာ ရောဂါဝေဒနာ ခံစားနေရတဲ့သူတွေ တော်တော်များများ နေ့စဉ်နဲ့အမျှ သေဆုံးနေကြရတာတွေလည်း ရှိနေတယ်။ အဲလိုပဲ နေ့စဉ်နဲ့အမျှ မသိဘဲနဲ့ကို၊ ကွန်ဒုံးဆိုတာလည်း မသိဘူး၊ ဘယ်လို ကာကွယ်ရမလဲ ဆိုတာလည်း မသိဘဲနဲ့ ဒီရောဂါ ကူးစက်နေတာတွေလည်း အများကြီးရှိနေတာ တွေ့နေရတုန်းပဲ။

“အခု လက်ရှိအခြေအနေမှာ ဆိုရင် လွန်ခဲ့တဲ့ လေးငါးခြောက်နှစ် ခုနှစ်နှစ်လောက်က ၀င်ထားတဲ့ ရောဂါတွေက အခုဆိုရင် ARV ဆေးဝါးတွေ လိုအပ်နေတာ တွေ့နေရတယ်။ အဲဒီလိုလူတွေကလည်း ဒီမှာ ARV ဆေးဝါး ရရှိဖို့အတွက် ကြိုးစားတဲ့နေရာမှာ ARV ဆေးဝါး လုံလောက်မှု မရှိဘူး။ ပြီးတော့ ဆေးပေးနိုင်တဲ့ အင်အားက အရမ်းနည်းပြီးတော့ လိုနေတဲ့ အင်အားက များနေတာကို တွေ့ရတယ်။”

မင်္ဂလာဒုံနဲ့ မြောက်ဥက္ကလာ ဝေဘာဂီတို့မှာ HIV ဆေးရုံတွေ သီးသန့်ဖွင့်ထားပေမဲ့လည်း လူနာတွေကို ARV ဆေးပြားတွေ အလုံအလောက် မပေးနိုင်တဲ့အတွက် ကိုယ့်အိတ်ကိုယ်စိုက်ပြီး ၀ယ်ယူသုံးစွဲကြရတာက များတယ်လို့ ဆိုပါတယ်။

“အဲဒီမှာ ဘာလုပ်ရလဲဆိုတော့ ဒီရောဂါရှင်တွေက မဖြစ်မနေ ဆေးရုံတက်ရမယ်ဆိုလို့ ဆေးရုံရောက်ပြီဆိုရင် အားလုံးက လူနာရှင်တွေက ကုန်ကျရတာပဲ။ အကုန်လုံး ဆေးရုံက ပေးတာမျိုးတွေ မရှိဘူး။ ပထမပိုင်းတော့ သွေးစစ်တာတွေ ဘာတွေက အလကား ရသေးတယ်။ အခုနောက်ပိုင်းတော့ သွေးစစ်တာတွေကအစ စရိတ်မျှပေးဆိုပြီး တ၀က်ခံရတာ ပေးရတာတွေတောင် ရှိတယ်။

“နောက်တခုက ARV ဆေးဝါးတွေကို ဒီဆေးရုံ ၂ ရုံက ပေးနေတာတွေ ရှိပါတယ်။ ဒါပေမဲ့ တော်တော်များများ ကျမတို့ တွေ့ရသလောက်တော့ အနည်းအကျဉ်းပဲ ပေးနိုင်တယ်။ တော်တော်များများ ပေးနိုင်တာကို မတွေ့ရသေးဘူး။ အနည်းအကျဉ်း ဆိုတဲ့နေရာမှာ ရာဂဏန်းလောက်ပေါ့၊ အဲဒါမျိုးတွေ ပေးနေတာတော့ တွေ့ရတယ်။

“တကယ့်တကယ် ပြောရမယ်ဆိုရင်တော့ တခြား NGO ဆေးခန်းတွေပေါ့၊ အခု နယ်စည်းမခြား ဆရာဝန်များအဖွဲ့ ရှိတယ်၊ AZC တို့လို အဲလိုဆေးခန်းတွေကတော့ တော်တော်များများ လူနာတွေကို ပေးထားနိုင်တယ်။ အစိုးရဆေးရုံတွေ အနေနဲ့ကတော့ ပေးတာ သိပ်နည်းပါးနေတာကို တွေ့ရတယ်။”

နယ်ဆေးရုံတွေမှာဆိုလည်း HIV ရောဂါ ရှိတယ်လို့ တွေ့တာနဲ့ ကြည့်ရှုစောင့်ရှောက်ခြင်း မလုပ်တဲ့အပြင် ပြန်လွှတ်လိုက်တာတွေအထိ ရှိတယ်လို့ မဖြူဖြူသင်းက ဆက်ပြောပြပါတယ်။

“ကျမတို့ ဒီမှာ လုပ်ကိုင်ဆောင်ရွက်နေတာတော့ ဒီဒေသတွေပေါ့၊ မန္တလေးတို့ မကွေးတို့ အဲဒီရွာတွေမှာ အစိုးရ ဆေးရုံတွေတော့ ရှိတယ်။ ဒါပေမဲ့ အဲဒီဆေးရုံတွေက HIV Positive ဆိုရင် ပြန်လွှတ်လိုက်တာပဲ၊ ဘာမှ လုပ်ပေးတာ မရှိဘူးဆိုတော့၊ အဓိက ပြောရမယ်ဆိုရင်တော့ ဒီဆေးရုံ ၂ ရုံပဲရှိတယ်၊ HIV နဲ့ ပတ်သက်ပြီးတော့။”

မဖြူဖြူသင်း ဦးဆောင်တဲ့ စေတနာ့ဝန်ထမ်းတွေဟာ တောင်ဥက္ကလာ၊ တောင်ဒဂုံ၊ မြောက်ဒဂုံ စတဲ့နေရာတွေမှာ လူနာတွေကို ရာနဲ့ချီပြီး ညအိပ်ညနေထားပြီး အမြဲတမ်း ကြည့်ရှု စောင့်ရှောက် ပေးနေတာ ဖြစ်ပါတယ်။ အစိုးရက ဖွင့်ထားတဲ့ ဆေးရုံတွေကို သွားပေမဲ့လည်း ကိုယ့်စရိတ်ကိုယ် အကုန်အကျ ခံရတာကြောင့် မတတ်နိုင်တဲ့သူတွေကို ပြန်လွှတ်တယ်လို့ HIV ဝေဒနာရှင်တဦးက ပြောပါတယ်။

“အခု မကြီးဖြူဖြူသင်းဆိုရင် တောင်ဒဂုံအိမ်မှာ လူနာတွေကို ထားတယ်။ ထမင်းကအစ၊ မုန့်ဖိုးကအစ ပေးရတယ်။ တချို့လူနာတွေဆိုရင် ဒီရောဂါရှိလို့ မိဘတွေက စွန့်ပစ်ထားတယ်။ သမီးတို့ဆိုရင်လည်း မိဘ ဆွေမျိုးတွေက စွန့်ပစ်ထားတာ။ မကြီးဖြူဖြူသင်းကပဲ ကျွေးမွေး စောင့်ရှောက်ထားရတယ်။ နေမကောင်းတာက အစ၊ ဆေးထိုးပေးတာ၊ ဆေးသွင်းပေးတာလည်း တောင်ဒဂုံအိမ်မှာ လုပ်ပေးပါတယ်။

“အစိုးရဆေးရုံတွေမှာလည်း သွားပြီးတော့ ကုပါတယ်။ ဒါပေမဲ့ အစိုးရဆေးရုံတွေက ဒီလိုမျိုး မကြီးဖြူဖြူသင်းလို ကုသမှု မပေးဘူး။ သူတို့က ပိုက်ဆံရှိမှပဲ။ ဟိုနေ့က ဝေဘာဂီဆေးရုံက တယောက်ဆိုရင် ဆေးရုံမှာ ပိုက်ဆံမရှိတော့လို့ဆိုပြီး မထားတော့ဘဲနဲ့ ဆင်းလာခဲ့ရတယ်။ အဲဒီလူက ဖားကန့်ကနေ လာတာ။ သူ့မိန်းမဆို တော်တော် အခြေအနေ ဆိုးတယ်။”

အာဏာပိုင်တွေဘက်က ရောဂါပပျောက်ရေးကို အထောက်အကူ ပြုစေတဲ့ ဆေးဝါးတွေကို လုံလုံလောက်လောက် မဖြန့်ပေးနိုင်တာ၊ ပညာပေး လုပ်ငန်းတွေ ထိထိရောက်ရောက် လုပ်ဆောင်ပေးနိုင်ခြင်း မရှိတာတွေကြောင့် ရောဂါ ဝေဒနာရှင် အရေအတွက် တိုးပွားမှုနှုန်း မြန်ဆန်နေတယ်လို့ ဆိုပါတယ်။ ဒါ့အပြင် ပရဟိတ ဆေးခန်းတွေမှာ နယ်ကနေ ဆေးလာကုကြတဲ့ သူတွေကို အဆောင်တွေမှာ စစ်ဆေးမေးမြန်းမှုတွေ လုပ်လာတဲ့ အတွက်လည်း လူနာတွေအနေနဲ့ ရန်ကုန်မှာ ဆေးလာကုရမှာ စိုးရိမ်ကြောက်လန့် နေကြတယ်လို့ စေတနာ့ဝန်ထမ်းတွေက ပြောပါတယ်။

Two persons living with HIV

HIV နဲ့ လူနာ နှစ်ယောက်
ဖြူဖြူသင်း
from - http://www.mizzimaburmese.com/edop/songpa/4266-hiv---.html

သနားစရာ ကောင်းတဲ့၊ အကာအကွယ်မဲ့ခဲ့တဲ့ လူနာလေးတွေထဲက နှစ်ယောက်အကြောင်း ပြောပြချင်ပါတယ်။ သူတို့က မတူညီတဲ့နေရာကနေ လာကြတာပါ။

တဦးက မကွေးတိုင်းက တောင်သူလုပ်ငန်း လုပ်ကိုင်သူ အမျိုးသမီးဖြစ်ပါတယ်။ သူ ကိုယ်ဝန်ပျက်ကျပြီးတဲ့နောက် သွေးသွင်း ကုသခံရာကနေ HIV ပိုး ကူးစက်ခဲ့ပါတယ်။ သူ ဘယ်လိုကြောင့် ဒီရောဂါပိုး ရခဲ့သလဲဆိုတာ သူ မသိဘူး။ သူ့ယောက်ျားကို အထင်လွဲတယ်။ သူ့ယောက်ျား အပျော်အပါး လိုက်စားလို့ သူ့ယောက်ျားဆီက ကူးတာလို့ တောက်လျှောက် စွပ်စွဲပြီး ရန်တွေ့နေတော့တာပါပဲ။ ယောက်ျားဖြစ်သူက ရှင်းပြတာကို လက်မခံ၊ ရန်လုပ်နဲ့ သံသရာ လည်နေတာပါ။

အဖြစ်မှန်ကို သိသွားကြတာကတော့ သူတို့ အိမ်ကို မိတ်ဆွေနှစ်ယောက် ရောက်လာတဲ့နေ့မှာ ဖြစ်ပါတယ်။ ဒီလူတွေရောက်လာတော့ ပြဿနာတက်နေတဲ့ သူတို့ လင်မယား အတော်လေး ထိတ်လန့်သွားတယ်လို့ ဆိုပါတယ်။ မိတ်ဆွေနှစ်ယောက်လုံး ယားနာတွေ တကိုယ်လုံး ပေါက်နေကြပြီး အတော်လေး ပိန်လှီနေတယ်တဲ့။ AIDS အဆင့် ရောက်သွားတယ် ပြောရမှာပါ။ ဒီမိတ်ဆွေနှစ်ယောက်က လာတောင်းပန်တာပါ။ သူတို့ မသိလို့ သွေးလှူမိတယ် သူတို့မှာ AIDS ဖြစ်နေပါတယ်ဆိုပြီး လာတောင်းပန်တော့ လင်မယား ဘာလုပ်လို့ လုပ်ရမယ်ကို မသိ ဖြစ်သွားတယ်။ သူတို့ သတင်းကို ကြားရတဲ့ ကျမတို့ အဖွဲ့ဝင်တယောက်ဖြစ်တဲ့ ကိုပါလေးက သူတို့ဆီကို သွားပြီး ပညာပေး ဆွေးနွေးတယ်၊ ပြီးတော့ ကျမဆီ ပို့လိုက်ပါတယ်။

ဒီလိုနဲ့ ဒီအမျိုးသမီးလေး ရန်ကုန်ရောက်လာတယ်။ ကျမဆီ လာတယ်။ သူ့မှာ နေစရာမရှိ။ ဘုန်းကြီးကျောင်းတွေမှာ ထားရတာလည်း အဆင်မပြေ။ ဒါနဲ့ ကျမ အဖေပိုင်တဲ့ အိမ်ကလေးမှာ သူ့ကို ထားတယ်။ နယ်ခြားမဲ့ ဆရာဝန်များ အဖွဲ့က ဖွင့်ထားတဲ့ AZG ဆေးခန်းကို သွားပြတယ်။ နောက်တော့ သူ ARV ဆေး ရပါတယ်၊ ဒီဆေးက HIV ပိုးကို တိုက်ဖျက်တဲ့ဆေးပါ။

ဒါပေမဲ့ အစောပိုင်းကာလမှာ သူဟာ ဆေးအရှိန်ကြောင့် စိတ်ပိုင်းဆိုင်ရာ ထိခိုက်သွားတယ်။ တကိုယ်လုံး ချွတ်ပြီး အရပ်ထဲ ပတ်ပြေးတဲ့ အဆင့်ထိ ဖြစ်သွားတာပါ။ မျိုးရိုးကြောင့် စိတ်ရောဂါဖြစ်တာတော့ မဟုတ်ပါဘူး။ အခုတော့ သူက ပြန်ကောင်းလာပြီးတော့ ပုံမှန် လုပ်ငန်းခွင် ဝင်နေပါပြီ။

သူ ကိုယ်ဝန်ပျက်ကျတော့ သွေး ၆ ပုလင်း သွင်းရတယ်လို့ ဆိုပါတယ်။ လိုတဲ့သွေးအတွက် အထက်မှာ ပြောခဲ့တဲ့ သူ့မိတ်ဆွေ နှစ်ဦး အပါအဝင် သွေးလှူရှင် ၆ ဦးက လှူကြတယ်။ ဒါပေမဲ့ ဆေးရုံမှာ သွေးစစ်ခဆိုပြီး နှစ်သောင်း တောင်းတယ်လို့ ဆိုပါတယ်။ ဒီတော့ သူက တသိန်းနှစ်သောင်း ပေးခဲ့ရပါတယ်တဲ့။ မှတ်မှတ်ရရ သူပြောသွားတဲ့အတိုင်း ပြန်ပြောပြချင်ပါတယ်။ သူက စကားပြောရင် ‘သ’ တွေကို ‘တ’ လို့ အသံထွက်ပါတယ်။

“ဆရာမရယ် ကျမလည်း နားလည်ပါဘူး။ တိလည်း မတိဘူးလေ။ ခုတော့ တွေးတွင်းလို့ ဖြစ်တယ်ဆိုတာ ကျမ နားမလည်ဘူး။ ခု ဆရာမ ပြောပြတော့ သွေးသွင်းလို့ ဖြစ်တွားတာဆို။ ကျမက ဒီရောဂါကို တတိန်းကျော် ပေးပြီး ဝယ်လိုက်ရတာပေ့ါ” တဲ့။ သူ့ စကားကို ကျမ ခုချိန်ထိ ကြားယောင်နေပြီး စိတ်မကောင်း ဖြစ်ရတုန်းပါပဲ။

ကျမလည်း ပြန်လည် သုံးသပ်ပါတယ်။ သူ့မိတ်ဆွေ နှစ်ယောက်ကလည်း သူတို့မှာ ပိုးရှိမှန်း မသိလိုက်လို့ သွေးလှူမိတယ်။ ဆေးရုံကလည်း ဒီသွေးကို စစ်ဆေးပါတယ်။ စစ်ဆေးခ တသိန်းကျော် ယူလိုက်တာပဲ။ ဝင်းဒိုးကာလလို့ ခေါ်ကြတဲ့ စစ်ဆေးချိန်မှာ လူ့ကိုယ်ခန္ဓာက HIV ပိုးကို တုံ့ပြန်တဲ့ ပဋိပစ္စည်း မထွက်သေးတဲ့ အချိန်ကာလကြောင့် ဖြစ်နိုင်ပါတယ်။ နောက်ဆုံးတော့ သူပြောသလို ရောဂါဆိုးတခုကို ငွေပေးပြီး ဝယ်လိုက်ရသလို ဖြစ်သွားတော့တာပေါ့။ လူတဦးချင်း ပေါ့ဆမှုကနေ အများ ဒုက္ခမရောက်အောင်ကတော့ တတိုင်းပြည်လုံးကို သွေးစစ်ထားရမလို ဖြစ်နေတာပေါ့။

သူကတော့ ပြောပါတယ်၊ သူတို့အကြောင်း စာတွေရေးပါ၊ နာမည်ရင်းတွေ သုံးပါ။ ဒါမှ သူတို့ကို လာမေးတဲ့အခါ ပြောပြနိုင်မယ်၊ သင်ခန်းစာ ယူနိုင်ကြမယ်လို့ ဆိုပါတယ်။

နောက်တယောက်ကတော့ ကလေးလေးပါ။ ကျမနဲ့ တွေ့ချိန်မှာ ၅ နှစ်ကျော် အရွယ်ပဲ ရှိပါသေးတယ်။ သူလည်း သွေးသွင်းရာကနေ ကူးစက်ခံရသူပါ။ ကလေးက အလွန်ပဲ ချစ်ဖို့ကောင်းပါတယ်။ အဖေက ဒုတပ်ကြပ်၊ အမေက ကျောင်းဆရာမ ဖြစ်ပါတယ်။ ကလေး သွေးလွန်တုပ်ကွေးဖြစ်တော့ မင်္ဂလာဒုံ စစ်ဆေးရုံကို ပို့ကြတယ်တဲ့။

အဲ့ဒီမှာ ကလေးအတွက် သွေး အကူအညီ ပေးတာကလည်း ကလေးအဖေရဲ့ မိတ်ဆွေ ရဲဘော် ပုံမှန် သွေးလှူရှင်ပါပဲ။ အကြိမ် ၆ဝ ကျော်နေပြီ ပြောပါတယ်။ ဒါပေမဲ့ လူတွေ မသိလိုက်တာက ဒီလူက နောက်ဆုံးအကြိမ် သွေးလှူပြီး သိပ်မကြာခင်မှာ အကာကွယ်မပါဘဲ အပျော်အပါး လိုက်စားခဲ့တယ် ဆိုတာပါပဲ။ ဒါကို ကာယကံရှင်ကလည်း ထုတ်မပြောဘူး။ ဆေးစစ်ချက်ယူသူ ဆရာဝန်တွေကလည်း မမေးလိုက်မိဘူး။ အကြိမ် ၆ဝ ကျော် သွေးလှူထားတဲ့သူဆိုတဲ့ အချက်ကြောင့် မမေးဖြစ်တာလို့ ယူဆရပါတယ်။

ကောင်းမွန် ခေတ်မီတဲ့ စက်ကြီးတွေနဲ့လည်း သေချာစစ်ဆေးတယ် ဆိုပါတယ်။ ဒါကတော့ သေချာပါတယ်၊ ဝင်းဒိုးကာလ သွားမိနေတာပဲ ဖြစ်ပါတယ်။ ဒီတော့ ကလေးအဖေနဲ့ ဆေးရုံက ဆရာဝန်ကြီးတွေ အပြန်အလှန် အပြစ်တင်တာပေါ့၊ ဆေးရုံက သွေးစစ်တာ မသေချာလို့ ကလေးကို ကူးတယ်လို့ ကလေးအဖေက ပြောတယ်။ ဆေးရုံကလည်း ကလေးဟာ မိဘဆီက ကူးတာဖြစ်လိမ့်မယ်ဆိုပြီး အပြန်အလှန် စွပ်စွဲကြပါတယ်။ သူတို့ကို သွေးဖောက်စစ်မယ်ဆိုပြီး သွေးဖောက်ယူထားချိန် ကျမဆီ ရောက်လာပါတယ်။

ကျမလည်း ကမန်းကတန်းပဲ သူတို့ကို အမျိုးသား သွေးစစ်ဌာနဆီ ခေါ်သွားပြီး သွေးစစ်တာတွေ လုပ်ပေးထားရပါတယ်။ ပြဿနာတက်လာရင် ဆေးရုံက မမှန်ကန်တဲ့ သွေးစစ်ချက်တွေ ထုတ်ပေးပြီး ရှင်းမှာ စိုးလို့ပါ။ အဲ့ဒီလို စစ်လိုက်ရာမှာလည်း ပိုးမတွေ့ပါဘူး။ ဆေးရုံက မှားနေတာ သေချာသွားပါတယ်။

ဒါပေမဲ့ သူကလည်း တာဝန်ထမ်းဆောင်ဆဲ တပ်ကြပ်လေး တယောက်။ ဆေးရုံက ဆရာဝန်ကြီးတွေကလည်း ဗိုလ်မှူး၊ ဒုဗိုလ်မှူးကြီးတွေဆိုတော့ ဘယ်လိုမှ မတုံ့ပြန်ရဲဘူး။ အစောပိုင်းကတော့ တရားစွဲမယ်၊ ကလေးသူငယ် အခွင့်အရေး စောင့်ရှောက်တဲ့ အဖွဲ့တွေဆီ တိုင်မယ်တောမယ်ဆိုတော့ ကျမ ဘက်ကလည်း လိုအပ်တာတွေ လိုက်လုပ်ပေးနိုင်အောင် ပြင်ထားရတာပေါ့။

ဒီအချိန်မှာပဲ ဒီကလေးရဲ့ အဖွားဖြစ်သူ မယ်သီလရှင်က ဒါတွေဟာ ကံ ကံရဲ့ အကျိုးတွေ၊ ဘာမှ ပူလောင်မနေနဲ့၊ ကလေး အတိတ်ကံ မကောင်းလို့ ဖြစ်တာဆိုပြီး လာခေါ်သွားပါတယ်။ ကျမလည်း အတော်လေး အံ့သြမိတယ်။ ကျမတို့ လူမျိုးရဲ့ စိတ်နေစိတ်ထားဟာ ကြောက်စရာ ကောင်းလှအောင်ကို အေးချမ်းတယ် ပြောရမလား၊ ကြောက်တာလို့ ပြောရမလား၊ ဘယ်လို ပြောရမယ်မှန်းကို မသိ၊ ဝေခွဲမရတော့ပါဘူး။
ကျမကတော့ ကျမဆီ ရောက်လာကြတဲ့ သူတွေထဲက သူတို့ နှစ်ယောက်ကို အမှတ်ရနေမိပါတော့တယ်။ ။

(စာရေးသူ မဖြူဖြူသင်းသည် အမျိုးသားဒီမိုကရေစီ အဖွဲ့ချုပ်ဝင်ဖြစ်ပြီး၊ ပါတီ၏ HIV/AIDS ကာကွယ်ရေးနှင့် ကုသရေးအဖွဲ့တွင် လက်ရှိ ဦးဆောင်နေသူတဦး ဖြစ်သည်။ ပါတီခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် တောင်းဆိုဆန္ဒပြသဖြင့် ၂ဝဝ၇ ခုနှစ် မေလတွင် အာဏာပိုင်များက ဖမ်းဆီးခဲ့ရာ HIV ဝေဒနာသည်များက သူမကို ပြန်လွှတ်ပေးရန် ဆန္ဒပြခဲ့ကြသည်။)

opinion piece from the Irrawaddy

အကူအညီတွေ ထိရောက်ပါရဲ့လား…
ဖြူဖြူသင်း ဧရာဝတီ

ဒီနှစ်ထဲမှာ ဆူဒန်နိုင်ငံသမ္မတ မစ္စတာ အိုမာက ခုခံအားကျရောဂါ တိုက်ဖျက်ရေး ကူညီနေတဲ့ NGO များ အပါ အ၀င် NGO ၁၃ ခုကို နိုင်ငံကနေ နှင်ထုတ်လိုက်တဲ့ သတင်းကြောင့် ကျမ အများကြီး အံ့သြ တုန်လှုပ်သွားပါ တယ်။

NGO တွေ ဆူဒန်နိုင်ငံရေးမှာ ၀င်ရှုပ်တယ် ဆိုတဲ့ သူ့စွပ်စွဲချက်တွေ ဘယ်လောက် ခိုင်လုံတယ် ဆိုတာတော့ ကျမ မသိနိုင်ပါဘူး။ ဆေးသောက်လက်စ လူနာတွေ ဘယ်လောက်များ ဒုက္ခ ရောက်သွားသလဲ ဆိုတာကို စဉ်းစား နေမိတာပါ။

NGO တွေက ကျမတို့ နိုင်ငံမှာလည်း ရှိပါတယ်။ စစ်အစိုးရကလည်း NGO တွေကို အကန့်အသတ်နဲ့ လုပ်ကိုင်ခွင့် ပြုထားပါတယ်။ ၂၀၀၈ မေလ နာဂစ်မုန်တိုင်း တိုက်ခတ်ပြီးချိန်မှာတော့ ပြည်တွင်း NGO၊ တနည်း ပြောရရင် ခါတော်မီ NGO တွေ မှိုလို ပေါက်လာပါတယ်။ မှိုလိုပေါက်တယ် ဆိုတဲ့ အသုံးနှုန်းကို တချို့ကတော့ ကြိုက်မယ် မထင်ဘူး။ ဒီတိုင်းပြည် လူဦးရေ ၅၆ သန်းကျော်အတွက် ဒီ NGO လေးတွေပဲ ရှိတာ မှိုလိုပေါက်တယ်လို့ ပြောရမလား ဆိုပြီး အပြစ် မြင်နိုင်ပါတယ်။

မှိုလိုပေါက်နေတယ် ဆိုတဲ့ စကား မမှားဘူးလို့ဘဲ ပြောရပါမယ်။ သူတို့တွေဟာ တကယ့် လိုအပ်ချက်ကို မဖြည့်နိုင်လို့ ဒီစကား ပြောရတာပါ။ သူတို့ဟာ ဝေးလံ သီခေါင်တဲ့ နေရာတွေကို မသွားနိုင်ပါဘူး။ သွားလို့ မရတာလည်း အကြောင်းအချက် တခု ဖြစ်မယ်လို့ ကျမ စဉ်းစားမိပါတယ်။ ရန်ကုန်မြို့မှာတော့ NGO တွေ များတယ် ဆိုရမှာပါ။

စဉ်းစားမိတဲ့ နောက်တချက်က အလှူရှင်နဲ့ လုပ်ကိုင် ဆောင်ရွက်သူတွေကြား နားလည်မှုပါပဲ။
အလှူငွေတွေဟာ 3D Fund လို့ ခေါ်တဲ့ တီဘီ၊ ငှက်ဖျား၊ ခုခံအားကျ ရောဂါ တိုက်ဖျက်ရေး အတွက် ကူညီတဲ့ နိုင်ငံတကာ အဖွဲ့ဆီက လာပါတယ်။

3D Fund အဖွဲ့ကြီးဟာ ရောဂါ သုံးမျိုးအတွက် မြန်မာနိုင်ငံကို ၅ နှစ်ထောက်ပံ့မယ့် အဖွဲ့ဖြစ်ပါတယ်။ အဲဒီလို ထောက်ပံ့ဖို့အတွက် စုစုပေါင်း အမေရိကန်ဒေါ်လာ သန်း ၁၀၀ သုံးစွဲဖို့ရာထားပါတယ်။ ဒီနှစ်အတွက် ဒေါ်လာ ၆ သိန်း ၃သောင်း သုံးစွဲမယ်လို့လည်း အဖွဲ့အစီရင်ခံစာမှာ ဖော်ပြထားပါတယ်။

အဲဒီ 3D Fund က မြန်မာနိုင်ငံကို မူဝါဒ အမှားကြီးနဲ့ ၀င်လာတာကြောင့် ဒေသခံ NGO တွေ ပွားများ လာစေတာပါ။ သူတို့ မူဝါဒ အမှားကြီးက ကျမတို့ နိုင်ငံက ဒေသခံ NGO တွေကို ပျက်စီးစေတဲ့ လမ်းကြောင်း ဘက်ဆီ တွန်းပို့သလို ဖြစ်နေတာပါ။ 3D Fund ကို ကျမ မြင်တာကတော့ ဒီအတိုင်းပါပဲ။

သူတို့ရဲ့ ယေဘုယျမူကတော့ သူတို့ ကိုယ်တိုင်ကိုယ်ကျ အကူအညီ မပေးနိုင်ဘူး။ ဒါပေမယ့် ကြားခံ တခု ထားပြီးတော့ ပေးမယ်။ ပေးမယ့် နေရာမှာလည်း အားလုံးကို ပေးမယ်၊ ကျမတို့လိုမျိုး နိုင်ငံရေးအဖွဲ့အစည်းက လွဲလို့ပေါ့။ ဒါ ကျမတို့ကို မပေးလို့ ဝေဖန်နေတာလည်း မဟုတ်ဘူး။ ကျမတို့ အနေထားက သူတို့ ပေးမယ် ဆိုရင်တောင် လက်မခံနိုင်တဲ့ အခြေအနေပါ။

အာဏာပိုင်တွေနဲ့ NGO တွေရဲ့ သဘောတူညီချက်တွေ အရ နိုင်ငံရေးနဲ့ ပတ်သက်တဲ့ အဖွဲ့တွေ၊ အစိုးရနဲ့ ပတ်သက်တဲ့ အဖွဲ့တွေကို သူတို့ ကူညီလို့ မရဘူး။ ဒါပေမယ့် အငြင်းပွားစရာ ဖြစ်နေတဲ့ ကြံ့ခိုင်ဖွံ့ဖြိုးရေးအသင်း၊ မိခင်နဲ့ကလေး စောင့်ရှောက်ရေး အသင်းလိုမျိုးတွေကို ကူညီနေတာ တွေ့ရတယ်။

ဒီလို အကူအညီတွေနဲ့ ပတ်သက်ပြီး စောင့်ကြည့်မယ့်သူ ဘယ်သူဖြစ်မလဲ၊ စောင့်ကြည့်တာကိုရော ခံနိုင်သလား ဆိုတာ လေ့လာပြီးတော့မှ အကူအညီပေးသင့်တယ် ဆိုတဲ့ ဒေါ်အောင်ဆန်းစုကြည် တခါတုန်းက ပြောခဲ့တဲ့ စကားဟာ အလွန်ကိုပဲ တန်ဖိုးရှိပါတယ်။

3D Fund က NGO တွေကို ထောက်ပံ့တယ်။ ငွေသာ ၀င်သွားတယ် NGO တွေက ဘာတွေလုပ်နေတယ်ဆိုတာ ပြည်သူလူထု မသိလိုက်ကြဘူး။ ထိရောက်မှု ဘယ်လောက် ရှိတယ်ဆိုတာ မေးခွန်းထုတ်စရာ ဖြစ်နေပါတယ်။

3D Fund က တကယ် ထိထိရောက်ရောက် လုပ်နေသူတွေနဲ့ လက်တွဲမှ အောင်မြင်မှာ ဖြစ်ပါတယ်။ တကယ်လုပ်နေတဲ့ အဖွဲ့တွေက အကူအညီ မရတာတွေ ရှိပါတယ်။

တဘက်မှာလည်း အာဏာပိုင်တွေက ထိန်းချုပ်မှု သိပ်များရင် ဒီငွေတွေက ထိရောက်မှာ မဟုတ်ဘူး။ HIV နဲ့ ပတ်သက်ပြီး တနိုင်ငံလုံး အတိုင်းအတာနဲ့ ထိထိရောက်ရောက် လုပ်မှ အောင်မြင်မှာပါ။ အာဏာပိုင်တွေက NGO တွေကို လွတ်လွတ်လပ်လပ် လုပ်ပိုင်ခွင့်ပေးဖို့လည်း လိုအပ်ပါတယ်။

3D Fund လိုပဲ အဲဒီ ရောဂါသုံးမျိုးအတွက် လှူဒါန်းနေတဲ့ နောက်ထပ် နိုင်ငံတကာ ရန်ပုံငွေ အဖွဲ့အစည်းကြီး တခုဖြစ်တဲ့ Global Fund ဆိုတဲ့အဖွဲ့ကြီးဆိုရင် စစ်အစိုးရက လွတ်လွတ်လပ်လပ် သွားလာလှုပ်ရှားခွင့်ကို ချုပ်ချယ် ကန့်သတ်ထားလို့ ဆိုတဲ့ အကြောင်းပြချက်နဲ့ ၂၀၀၅ ခုနှစ်က မြန်မာနိုင်ငံကနေ ထွက်ခွာသွားခဲ့ပါတယ်။

မနေ့တနေ့ကတော့ အဲဒီ Global Fund အဖွဲ့ကြီးဟာ မြန်မာနိုင်ငံကို လာမယ့် တနှစ်အတွင်း အမေရိကန် ဒေါ်လာ သန်း ၁၁၀ ကူညီသွားမယ်ဆိုတဲ့သတင်း ထုတ်ပြန်ခဲ့ပါတယ်။ အခုလို လိုအပ်နေတဲ့ အကူအညီကို ပြန်ပေးတဲ့ အတွက် ကြိုဆိုရမှာပါ။ ဒါပေမယ့် ဒီအလှူတွေက တကယ် လိုအပ်နေတဲ့ သူတွေရဲ့ လက်ထဲကို ရောက်နိုင်တဲ့ အစီအစဉ်တွေလည်း သေသေချာချာ ရှိသင့်ပါတယ်။

လက်တွေ့ လိုအပ်ချက်ကို မပေးနိုင်ဘဲနဲ့ သူ မလိုအပ်တာ ပေးမိပြန်ရင်လည်း ပေးကားပေး၏ မရ ဆိုတာလိုမျိုး ဖြစ်မှာပါပဲ။

ဥပမာနဲ့ မြင်သာအောင် ပြောရရင် ကျမ လူနာတချို့ကို NGO တခုက လာခေါ်ပါတယ်။ စက်ချုပ် သင်တန်း ပေးမယ်လို့ ပြောပါတယ်။ အသက်မွေးမှု ပညာ တတ်မြောက်ထားရင် မဆိုးဘူး ဆိုပြီး သင်တန်း လွှတ်လိုက် ပါတယ်။ သင်တန်းလည်း ပြီးလာရော သူတို့ ပညာအနည်းငယ်တော့ တတ်လာပါပေရဲ့။ ဒါပေမယ့် လက်တွေ့ လုပ်ကိုင် ဆောင်ရွက်ဖို့ စက်က ဘယ်မှာလဲ လို့ သင်တန်းပေးသူတွေကို မေးကြည့်တော့ “အဲဒါတော့ မတတ်နိုင် ဘူး၊ ဒီ စက်ချုပ် သင်တန်း ပေးတဲ့ စက်တွေတောင် ငှားထားရတာ” ဆိုတော့ ကျမလည်း သက်ပြင်းချရုံ မှတပါး မတတ်နိုင်တော့ဘူးပေါ့။

ဒီသင်တန်းကို လူ ၃၅ ယောက် အတွက် ပေးတာပါ။ ကျမ စဉ်းစားမိတာက သင်တန်းကို ၅ ယောက်လောက် အတွက်ပဲ ပေး၊ ပြီးတာနဲ့ စက် ၅ လုံး ၀ယ်ပြီး ဆင်ပေးလိုက်ရင် မဖြစ်ဘူးလား ဆိုတာမျိုးပါ။ တကယ်ဆို လူ ဒီလောက်များများ ဘာလို့ သင်တန်းပေးသလဲ မေးရင် အလှူရှင် ဘက်ကနေ ကြည့်ကောင်းအောင် ပေးတယ် ဆိုတဲ့ အဖြေပဲ ထွက်ပါတယ်။ လူနည်းနေရင် ထောက်ပြ ပြောဆိုခံရမှာ စိုးရိမ်ပုံ ရပါတယ်။ ဒီတော့ သင်တန်းတခု ပေးလိုက်၊ ဒေသခံ NGO လေးတွေက ငွေသုံးလိုက်၊ လူနာတွေ တကယ် ထိရောက်မှု ရှိမရှိ ဆိုတာလိုမျိုး ဘယ်သူမှ မသိနိုင်တော့တဲ့ အနေအထားတွေ မြင်နေရပါတယ်။

တလောက HIV/AIDS ဆိုင်ရာ အကူညီပေးရေး ဆွေးနွေးပွဲကြီး တခုအတွက် ကျပ် သိန်း ၂၄၀ လောက် သုံးလိုက်တယ်တဲ့။ လုပ်ငန်း မစနိုင်သေးခင် ကုန်သွားတဲ့ ပိုက်ဆံပါ။ အရမ်းပဲ နှမြောမိပါတယ်။

ဆွေးနွေးပွဲကို ဟိုတယ်ကြီးမှာ လုပ်မယ့်အစား ဈေးသက်သာတဲ့ ခန်းမ တခုမှာ လုပ်လိုက်ပေါ့။ ဈေးကြီးတဲ့ အစားအစာတွေနဲ့ ဧည့်ခံမယ့်အစား ငွေကုန်ကြေးကျ သက်သာမယ့် လက်ဖက်ရည် တခွက်စီလောက် တိုက် လိုက်ပေါ့။ ဒါဆို ကုန်ကျစရိတ်က နည်းသွားပြီး လုပ်ငန်းစချိန်မှာ ဒါတွေထည့်သုံးရင် လူနာတွေအတွက် ပိုမို အကျိုးရှိမယ်လို့ တွေးမိနေတာမျိုးပါ။ နိုင်ငံတကာစံ ဆိုတာလည်း ဒီလောက်ကြီး အကုန်ကျခံပြီး လုပ်ပြမှ မဟုတ်လောက်ပါဘူး။

ဒါက ထင်သာမြင်သာရှိတဲ့ ကိစ္စရပ်ပါ။ မမြင်သာတာတွေလည်း ရှိပါတယ်။ လူနာတွေကတော့ ဘာမှ မသိသလို အလှူရှင်တွေလည်း ဘာမှ သိမယ် မထင်ပါဘူး။

ဒီလုပ်ငန်း လုပ်ကိုင်နေတိုင်း ချီးမွမ်း ထောမနာပြု၊ သူရဲကောင်း တယောက်လို ဆက်ဆံနေတာဟာ မြန်မာပြည် မှာတော့ အတော့်ကို လွဲမှားနေတယ်လို့ ပြောချင်ပါတယ်။ အလှူရှင်တွေလည်း သတိရှိရှိ ကူညီ ဆောင်ရွက်ပါလို့ ကျမ အလေးအနက်ထား သတိပေး ပြောဆိုလိုက်ရပါတယ်။ ။

comments and hits counting on Nov 23, 2009

Hits: 1696
Comments (6)Add Comment

Oneof the sutibable Point Of View
written by koyelay, November 23, 2009
In these days, we should ask this is question!!!!!!
Should learn more
written by Phoe Auu, November 23, 2009
Seems like author doesn't know well about the donors organizations and how they do it.
One thing for sure is that money doesn't come that easy from these international donors. They have well-crafted check and balance system and monitoring and evaluation systems for the recipient organizations to be accountable as much as possible. I agree with author about the fact that intended amount of these aids should reach the beneficiaries. But some points opinions in the article are not well-thought and professional.
မှန်တယ်
written by MHM, November 22, 2009
မြန်မာတွေက ငါးပွက်ရာ ငါးစာချဖို့ လုပ်ကြတာ များတယ်။ အန်ဂျီအိုကို စစ်အစိုးရက သူ့အတွက် အသုံးချဖို့လောက်ပဲ ကြည့်နေတာပါ။ ပြည်တွင်း အန်ဂျီအို အတော်များများကလည်း အစိုးရနဲ့ ပလူးပလဲ လုပ်ပြီး၊ စီးပွားရေးလုပ်ငန်း တခုလို ၀င်လုပ်နေကြတာလို့ပဲ မြင်ပါတယ်။ NGO Business ပေါ့။
ဒီလိုမျိုးလည်း ရှိတယ်လား?
written by Phoenix, November 21, 2009
ဒီလိုအဖြစ်မျိုးလည်း ရှိတယ်ပေါ့? ကျနော် အရင်က သေချာမသိဘူးဗျာ။ NGO တိုင်းက သူ့ Donor နဲ့သူ တကယ်ထိထိရောက်ရောက် လုပ်နေတယ်ပဲ ထင်ခဲ့မိတာ။ Fund တွေ အလဟသတ် ကုန်သွားတာ နှမြောဖို့ကောင်းတယ်ဗျာ။ ပြုပြင်သင့်ပါတယ်။
HIV & Burma
written by Mi Mi Linn, November 21, 2009
You are right. I am currently working in one of the LNGOs in Burma. Yes. we are spending too much money but we don not know what the results are. We need to produce more efforts. Of course, this military regime should be changed. With this regime, no efforts can be made. This is politics. Everything in Burma is related to politics. Love live Burma.
welcome to all INGOs
written by myo, November 21, 2009
We should welcome to all of INGOs because they are helping our people as much as they can.There may have some error in their management because they are led by foreigners and they don't know well about the country.Inernational donors trust to them only.They know the regulations how to get the funs from donors. "Welcome to all INGOs who helping our people".

Defeating HIV/AIDS, Preserving the Future

Opinion and comments in http://www.irrawaddy.org/opinion_story.php?art_id=17021

Defeating HIV/AIDS, Preserving the Future
By PHYU PHYU THIN

Monday, October 19, 2009

When the immune deficiency syndrome disease (HIV/AIDS) first appeared in Burma in 1988, it was said that the first case was that of a sailor who was infected with the disease.

Possibly for that reason, after 1990 the syndrome was commonly known as "sailors' disease." Then the disease spread among the homosexual community in 1994-95, and it was called the "gays' disease."

I learned a little about the disease in school, but personally, I wasn’t very interested in the issue.

When I joined the National League for Democracy (NLD) in 1996, I became involved in various social issues, but HIV / AIDs still wasn’t high on my list.

By that time, it was well-known as the "4-alphabet disease" among Burmese youth, or "Lay lone disease” in Burmese. Many people were afraid when the government launched its first awareness campaign with billboards saying, "AIDS has no cure and there is no medicine for it."

Apart from awareness campaigns, the government had no program to give blood tests to people in vulnerable communities such as drug users or sex workers, and it neglected the spread of the disease.

As the situation worsened, many people died from HIV/AIDS. In my small community, adults and youths died from the disease, their bodies shrinking into the form of a skeleton. If someone asked, their relatives might say that they died from tuberculosis (TB) or cerebral malaria.

When she was free for a brief period, Aung San Suu Kyi, a leader of vision, said during a speech in 1998 at the 13th International AIDS conference in Durban that openness will help control the spread of HIV, since people can discuss how it is contracted, how to control its spread and how to help those who already have the virus.

She said "containing the spread of HIV/AIDS is preserving our future," and, "If we could develop more compassion in this world then we would all have achieved a happier, more peaceful world."

Suu Kyi selected 19 NLD youth members to be trained in HIV prevention and care at the United Nations Development Program office in Rangoon. After the training, all 19 members started working in a NLD prevention and care program for HIV/AIDS patients. Since then, without financial assistance or salaries, we have worked to deliver care and raise HIV/AIDS awareness.

Meanwhile, the authorities are always looking at what we do, and they sometimes harass us because we are NLD members. It’s hard to keep the work going. The program continues with a small group of workers, including me and Khin Htar Yee, who is liked my elder sister. With meager resources, we keep the program going amid many uncertainties and great anxiety.

I recall that our first HIV/AIDS patient was a police officer. Since then, we have cared for almost 2,000 infected patients. Many of our patients died while receiving our care. Many stories are tragic, but others are heart warming.

In our early days, we treated patients unsystematically, and we learned as we did our work. We went to patients' homes and offered help such as washing clothes, cleaning a room or cooking. We were not familiar with HIV/AIDS medicines, and we had no source for knowledge or supplies. The patients were thankful for our support, but we couldn’t provide medical care, and they died.

At first, we faced tremendous hardships because of the stigma attached to HIV/AIDS. Most patients didn’t want others to know of their illness. In some cases, families welcomed us. But many families rejected us, not wanting to be associated with the disease.

At that time, most people believed HIV/ AIDS was a disease of bad moral character or shameful behavior. The problem was compounded by the military government’s fear-driven campaign. Many patients would not go to hospitals or health services, and they wanted to keep their infection secret, which could sometimes lead to reckless lifestyles and more infections.

Many patients arrived too late to be treated at the Wai Bar Gi Infectious Disease Hospital. Those who could be treated often couldn't afford to buy drugs in the government’s ill-equipped hospitals.

Now many of our patients are given ARV (anti-retroviral drugs) medicine and support, and most can continue their lives.

However, while cheaper and affordable drugs are now available, some patients still go to faith healers or take herbal medicines or dangerous concoctions, seeking a cure. Some even eat dog meat once a day, believing it can cure them. We have a long way to go to remove misguided beliefs and deep-seated fears.

If Suu Kyi were free and able guide us, we could work to support our patients and treat the disease even more effectively.

I have committed my life to help people with the disease and to eliminate the spread of HIV/AIDS in Burma.
I urge people to join in the fight to prevent this catastrophic disease.

Phyu Phyu Thin, a member of the National League for Democracy, is a key organizer of the NLD’s HIV / AIDS outreach program

COMMENTS (3)

Kyaw Win Wrote:

21/10/2009
Our Burmese leaders have no distinction between politics and social issues. What a pity! People in Burma have been suffering from all kinds of physical and mental abuses and maltreatment under these leaders.

pLan B Wrote:

21/10/2009
Jeffrey Helllman,

"Why no help?"

People like Turnell and BEW with these articles as proof have long shut down the help for health matters so tightly supported by groups of expats:

http://www.burmaeconomicwatch.blogspot.com/

Just read the first few articles and you will know how the flippant attitude of these people convinced the world that it is useless and not worth the $ to deal with SPDC in health care matters or otherwise.

Consider that none of these "authors" has ever even been to the country.

Burma is the country that received the least help even without considering the lack of aid for Nargis after the initial SPDC blunder.

MSF is the only know organization that is indirectly involved inside Myanmar.

Until people stop politicizing health matters, the most vulnerable ones, the children and the poor, will bear the brunt.

It has come to a point where the prevalence of children with TB, which used to be rare, is now the norm due to the degradation of education, nutrition, etc.

Jeffrey Hellman Wrote:

19/10/2009
Why hasn't there been more financial support provided to Burma to help ameliorate the AIDS epidemic?

According to Doctors Without Borders, "An estimated 240,000 people are currently infected with HIV in Myanmar. 76,000 of these people are in urgent need of ART, yet less than 20% of them receive it through the combined efforts of MSF, other international non-governmental organizations (NGOs) and the Government of Myanmar.

For the remaining people, the private market offers little assistance as the most commonly used first-line treatment costs the equivalent of a month’s average wage.

The lack of accessible treatment resulted in 25,000 AIDS related deaths in 2007 and a similar number of people are expected to suffer the same fate this year, unless HIV/AIDS services - most importantly the provision of ART - are urgently scaled-up."

http://doctorswithoutborders.org/publications/topten/story.cfm?id=323

working for the future

ယနေ့ ဧရာဝတီတွင် ဖော်ပြထားသော ဆောင်းပါး

အနာဂတ်ကို ထိန်းသိမ်းခြင်း
ဖြူဖြူသင်း

ကျမတို့ တိုင်းပြည်ကို HIV/Aids ရောဂါဆိုး တိတ်တဆိတ် ဝင်ရောက်လာတာဟာ ၁၉၈၈ ခုနှစ်မှာ ဖြစ်ပါတယ်။ စတင် ဖြစ်ပွားစဉ်ကတော့ နိုင်ငံခြား သဘောင်္သား တယောက်က စဖြစ်တယ်လို့ ဆိုပါတယ်။

၁၉၉ဝ နောက်ပိုင်းမှာ သဘောင်္သားရောဂါ ဆိုပြီး ခေါ်ကြပါတယ်။ အဲ့ဒီက တဆင့် ၁၉၉၄-၉၅ လောက် ရောက်တော့ ဒီရောဂါဟာ လိင်တူ ဆက်ဆံသူတွေ အဖြစ်များလာပါတယ်။ အဲ့ဒီအချိန်ကျတော့ ဒီရောဂါကို အခြောက်ရောဂါ ဆိုပြီး ထပ်မံ ကင်ပွန်းတပ်ပါတယ်။

ကျောင်းမှာ ဒီရောဂါအကြောင်းသင်နေရပေမယ့် သင်တဲ့ဆရာကလည်း အလေးနက်မရှိ၊ အပွင့်လင်းဆုံး ပြောရ မယ်ဆိုရင် ကျမတို့ကိုယ်တိုင်လည်း စိတ်မဝင်စားခဲ့ပါဘူး။ ၁၉၉၆ ကျမကျောင်းပြီးလို့ အမျိုးသားဒီမိုကရေစီ အဖွဲ့ ချုပ်ကိုရောက်တော့လည်း တခြားသော လူမှုရေး လုပ်ငန်းတွေကိုသာ လုပ်ဖြစ်ပြီးတော့ ဒီရောဂါနဲ့ ပတ်သက်လို့ သိပ်မသိခဲ့ပါဘူး။

မဖြူဖြူသင်း (ဓာတ်ပုံ - အေအက်ဖ်ပီ)

လူငယ်ထုကြားထဲမှာတော့ လေးလုံးရောဂါ၊ လေးလုံးရောဂါ ဆိုပြီးတော့ အတော်လေးတော့ အပြောများလာပါ တယ်။ အစိုးရကလည်း ကုရာနတ္ထိဆေးမရှိဆိုတဲ့ ဆိုင်းဘုတ်ကြီးတွေကို လမ်းဆုံလမ်းခွတွေမှာ လိုက်တင်ပါတယ်။ ပြည်သူလူထုကလည်း အတော်လေး အထိတ်တလန့် ဖြစ်ကုန်ပါတယ်။

အခြေအနေတွေကတော့ အတော်ဆိုးဝါးလာပြီ ဖြစ်ပါတယ်။ မူးယစ်ဆေးသုံး လူငယ်များ၊ ပြည့်တန်ဆာများ အားလုံးကို သွေးစစ်ပေးမယ့် အစီအစဉ်မျိုးလည်း အစိုးရမှာ ရှိပုံမပေါ်ပါဘူး။ သူ့အုပ်ချုပ်ရေးယန္တရား ခိုင်မြဲရေး တခုသာ ကြည့်ပြီးတော့ ကျန်းမာရေးကိစ္စကို လှည့်တောင်မကြည့်သလို ဖြစ်နေပါတယ်။

ဒီလို ဖြစ်သလိုသွားနေရင်းနဲ့ လူအတော်များများကလည်း သေကုန်ပါတယ်။ ကျမတို့ ပတ်ဝန်းကျင် အနီးနားက လူငယ်တွေ၊ လူလတ်တွေ ပိန်လှီပြီး သေကုန်တာမျိုးပါ။ မေးကြည့်လိုက်ရင် တီဘီကျွမ်းတယ်၊ ငှက်ဖျားပိုး ခေါင်း ထဲရောက်တယ် ပြောပါတယ်၊ ဒါကတော့ ကျမ ပတ်ဝန်းကျင် ကွက်ကွက်ကလေးက အခြေအနေပါ။ တတိုင်း ပြည်လုံးအခြေနေက ဘယ်လောက်ဆိုးဝါးနေပြီလဲ ဆိုတာတော့ သိပ်ပြောစရာ မလိုတော့ဘူး ထင်ပါတယ်။

ဒီလိုအခြေနေဆိုး ကြားထဲမှာပဲ ၂ဝဝ၂ ခု မေလခြောက်ရက်နေ့မှာ နေအိမ်အကျယ်ချုပ် ခံထားရတဲ့ လူထု ခေါင်းဆောင် ဒေါ်အောင်ဆန်းစုကြည် ပြန်လည်လွတ်မြောက်လာပါတယ်။

စစ်အစိုးရကလည်း သမိုင်းစာမျက်နှာသစ် ဖွင့်လှစ်လိုက်ပြီဆိုတဲ့ စကားလုံးလှလှလေး သုံးပြီးကမ္ဘာကို ရုတ် တရက် ဖမ်းစားလိုက်ပါတယ်။ ဒါပေမယ့် ပြည်သူလူထုရဲ့ အခြေခံပညာရေး၊ ကျန်းမာရေး၊ စီးပွားရေး အစရှိ တာတွေကတော့ ဘယ်ခေတ်ကနဲ့မှ နှိုင်းမရအောင် ဆိုးဝါး ဆုတ်ယုတ်နေတာပဲ ဖြစ်ပါတယ်။

ဒေါ်အောင်ဆန်းစုကြည်ဟာ တကယ့်အမြော်အမြင်ရှိတဲ့ ခေါင်းဆောင်ပါ။ “HIV ပိုးကို ထိန်းချုပ်ခြင်းသည် ကျမ တို့အနာဂတ်ကို ထိန်းသိမ်းခြင်းပင်ဖြစ်သည်” လို့ ဒေါ်အောင်ဆန်းစုကြည်က ၁၉၉၈ တောင်အာဖရိကနိုင်ငံ ဘန်ဒေါင်းမြို့မှာ ကျင်းပပြုလုပ်တဲ့ ခုခံအား ကျဆင်းမှုဆိုင်ရာ ညီလာခံကြီးအတွက် ပေးပို့တဲ့မိန့်ခွန်းထဲမှာ ပြောခဲ့ပါတယ်။

အာဏာပိုင်တွေက ကျန်းမာရေးလုပ်ငန်းတွေကို ဦးစားမပေးပေမယ့် ဒေါ်အောင်ဆန်းစုကြည်ကတော့ တိုင်းပြည် အတွက် ဆောင်ရွက်ရမယ့် ကိစ္စရပ်တွေကို စတင် လုပ်ဆောင်ပါတယ်။ အဲ့ဒီထဲမှာမှ ကျမတို့ လူငယ် ၁၉ ဦး စိစစ် ရွေးချယ်ပြီး UNDP ရုံးမှာ HIV ကာကွယ်တားဆီးရေးနဲ့ ပြုစုစောင့်ရှောက်ရေး သင်တန်း တက်ရောက်ဖို့ ပို့လွှတ် တာလည်း တခုပါဝင်ပါတယ်။

သင်တန်းကာလပြီးချိန်မှာတော့ ကျမတို့ လူငယ် ၁၉ ဦးစလုံး တက်ကြွစွာ ပါဝင် ဆောင်ရွက်ကြပါတယ်။ အဖွဲ့ချုပ် ရုံးမှာလုပ်တဲ့ ပညာပေး ဟောပြောပွဲတခု အမေရိကန်ပြည်ထောင်စုက ရောဂါဝေဒနာ ခံစားနေရသူ တယောက်၊ ဒေါ်အောင်ဆန်းစုကြည်နဲ့ ကျမ အတူတူ ဟောပြောကြပါတယ်။ အဲ့ဒီအချိန်ကစပြီး ဒီရောဂါဆိုးကြီး စွဲကပ်ခံနေရ သူတွေနဲ့ ကျမတို့ အဖွဲ့ချုပ်ဝင်တွေကြားမှာ လုံးထွေးပြီး လုပ်ကိုင်နေတာ ဒီနေ့ထက်တိုင်ပဲ ဖြစ်ပါတယ်။

ဒီအလုပ်ကိုလုပ်လို့ တခြား NGO တွေလို ငွေကြေး မရပါဘူး။ ဒီလောက်ကြီးကျယ်တဲ့ အလုပ်ကို လုပ်ကိုင်နေရ ပေမယ့် ရန်ပုံငွေလည်း ခုထက်ထိ မရှိပါဘူး။ အလျဉ်းသင့်သလို လုပ်ကိုင်ဆောင်ရွက်နေတာပါ။ ဒီတော့ ကျမတို့ အဖွဲ့လုပ်ကိုင်နေတာကိုကြည့်ရင် စည်းစနစ်တကျမရှိ ဆိုသလိုဖြစ်နေမှာပါ။

တဘက်မှာ အာဏာပိုင်တွေကလည်း အစဉ်တစိုက် ဒုက္ခပေးဖို့ စောင့်ကြည့်နေပါတယ်။ ဒီအကြောင်းချက်တွေကို တော်ရုံ လွတ်လပ်တဲ့နိုင်ငံက လူတွေ နားလည်မယ် မထင်ပါဘူး။ လူငယ်တွေဟာ ငွေကြေး တပြားတချပ်မှ မရ တာ ကြာလာတော့ သိပ်မလုပ်နိုင်တော့ပါဘူး။ ၂ဝဝ၃ ခုနှစ် နောက်ပိုင်းကျတော့ ကျမရယ်၊ အစ်မလို ခင်မင်ရတဲ့ မခင်ထားရီရယ် မိန်းမသား နှစ်ဦးတည်း လုပ်ကိုင် ဆောင်ရွက်ရပါတော့တယ်။

ကျမတို့မှာ စတင် လုပ်ကိုင်စဉ်ကတည်းက ငွေကြေး ရန်ပုံငွေကလည်း မရှိ။ မိန်းမသားနှစ်ဦးတည်းလည်း ဖြစ်ပြန် ဆိုတော့ အစစ အရာရာဟာ စိတ်မချစရာနဲ့ စိုးရိမ် ပူပန်စရာ ဖြစ်နေတာပါ။ မှတ်မှတ်ရရ ကျမတို့ကို စတင် လာ ရောက် ဆက်သွယ်တဲ့ လူနာဟာ အာဏာပိုင်တွေဘက်က ရဲဝန်ထမ်းတဦး ဖြစ်နေတာပါ။ သူ့ကို စတင်ပြီး ကူညီ ဆောင်ရွက်ပေးခဲ့တာ ခုဆို လူနာ ၂ဝဝဝ ကျော်သွားပါပြီ။

ကံမကောင်း အကြောင်းမလှလို့ အသက်ဆုံးရှုံးခဲ့ရတဲ့ လူနာတွေကလည်း အများကြီးပါပဲ။ နောက်ပိုင်းမှာတော့ စိတ်ဝင်စားစရာကောင်းတဲ့ လူနာတွေအကြောင်း ရေးသားပါဦးမယ်။

နည်းမှန်လမ်းမှန်နဲ့ ကျမတို့ဆီရောက်ရှိလာတဲ့ လူအတော်များများကိုတော့ အေအာဗွီဆေး အကူအညီ၊ ကျမတို့ရဲ့ အားပေးမှုတို့နဲ့ အသက်ဆက်ပေးနိုင်ခဲ့ပါတယ်။ ဒီရောဂါ တိုက်ဖျက်ရေးအတွက် ခုချိန်မှာ ကျမကိုယ်စွမ်းဉာဏ်စွမ်း ရှိသမျှ တိုက်ဖျက်နေပါတယ်။ အကယ်၍ လူထုခေါင်းဆောင် ဒေါ်အောင်ဆန်းစုကြည် လွတ်မြောက်လာပြီးတော့ လမ်းညွန်၊ ဦးဆောင်မှုပေးမယ်ဆိုရင် ဒီရောဂါဆိုးတိုက်ဖျက်ရေး ပိုမိုအားကောင်းလာမှာ မုချပါ။

ဒီရောဂါ အမြစ်ပြတ်ဆေး မပေါ်သေးသရွေ့ ကျမကတော့ HIV/Aids ကာကွယ်တားဆီးရေး၊ လူနာတွေကို ပြုစု စောင့်ရှောက်ရေးတွေ ဆောင်ရွက်ပေးနေမှာ ဖြစ်ပြီးတော့ ပြည်သူအားလုံးလည်း ကျန်းမာရေး သတိရှိရှိနဲ့ ဒီရောဂါ ဆိုးကြီး တိုက်ဖျက်ရေးမှာ အဖွဲ့တဖွဲ့နဲ့ ပူးပေါင်းလို့ဖြစ်စေ၊ တဦးချင်းဖြစ်စေ ပါဝင်ဆောင်ရွက်ကြပါလို့ တိုက်တွန်း ချင်ပါတယ်။

အစောပိုင်းမှာ အထက်က တင်ပြခဲ့သလို ကျမတို့မှာ နည်းလမ်းလည်းမသိ ဆေးဝါးလည်းမသိ ယောင်ဝါးဝါး လျှောက်လှမ်းရတာပါ။ ဒီတော့ လူနာတွေအိမ်တွေကို လိုက်ပြီး ပြုစုကုသပေးတာ အဝတ်လျှော်၊ ကြမ်းတိုက်၊ ထမင်းဟင်းချက်ပြုတ် ကျွေးမွေးတာတွေကို လိုက်လုပ်ပေးရုံက လွဲပြီး တခြားသော ဆေးဝါးကိစ္စတွေ မလုပ်ကိုင် နိုင်ဘူး ဖြစ်နေလေတော့ အစောပိုင်းလူနာတွေဟာ စိတ်ပိုင်းဆိုင်ရာ မြင့်တက်လာပေမယ့် ကိုယ်ခန္ဓာက မလိုက် နိုင်ဖြစ်ပြီး သေဆုံးကုန်ပါတယ်။

စလုပ်ကိုင်စဉ် အခက်အခဲ တခုကတော့ ကာယကံရှင်ကလက်ခံပါရဲ့ မိသားစုက လက်မခံဘဲ ကျမတို့ကို ဆဲဆို မောင်းထုတ်တာမျိုး လုပ်ပါတယ်။ တချို့ကျတော့လည်း မိသားစုကသိပြီး စိုးရိမ်၊ ကာယကံရှင်က လက်မခံတာ မျိုးတွေ အများကြီး ကြုံတွေ့ရပါတယ်။

ဒီရောဂါဟာ အကျင့်ပျက်လို့ဖြစ်တာ၊ စာရိတ္တချွတ်ယွင်းလို့ဖြစ်တာ ဆိုပြီး တလွဲအယူတွေ ရှိနေတာပါ။ အစိုးရက လည်း ကုရာနတ္ထိဆေးမရှိလို့ ပြောလိုပြော၊ ဘေးပတ်ဝန်းကျင်ကလည်း ဒီရောဂါဖြစ်ရင် ခြောက်လပဲ ခံတော့မယ်၊ သေမယ်၊ ဆေးရုံတင်လို့လည်း မဖြစ်ဘူး၊ ဆေးရုံက ဆေးထိုးသတ်တယ် ဆိုတာလိုမျိုး သတင်းမှားတွေကလည်း အများကြီး ထွက်နေတာပါ။

ဒီလိုကောလာဟလတွေကြောင့် လူတွေ အတော်များများက သူတို့မှာ ဒီရောဂါလက္ခဏာရှိကြောင်း ပြနေစေဦး တော့ ဒီရောဂါဖြစ်နေတာ မဟုတ်ပါဘူး ဆိုပြီး ခါးခါးသီးသီး ငြင်းဆန်တော့ပါပဲ။ ဒီတော့ ဆင့်ပွားကူးစက်တာတွေ၊ အရက်သေစာ သောက်စားပြီး နေချင်သလို နေလိုက်တာမျိုးတွေ အများကြီး ဖြစ်ကုန်တာပါ။

ကနဦး အစတုန်းက ကုရာနတ္ထိဆေးမရှိလို့ အစိုးရက ပြောမယ်ဆိုလည်း ပြောစရာပါ၊ ကျမတို့နိုင်ငံမှာ အေအာဗီ ဆိုတာ ကြားတောင် မကြားဘူးသေးလို့ပါ။ ရောဂါသည် အများစုက ရောဂါအဆင့်လွန်ပြီးတော့မှ ဝေဘာဂီ ကူးစက် ဆေးရုံရောက်၊ ရောက်ပြန်တော့လည်း ပိုးသတ်ဆေးကအစ ဆေး နဲ့ ဆေးပစ္စည်းမျိုးစုံ ဝယ်ယူရလေ တော့ လူနာ အများစုက အသက် ဆုံးရှုံးရပါတယ်။

အခုကျတော့ အေအာဗီဆေးက အရင်ကထက်စာရင် အများကြီးသက်သာတဲ့ ဈေးတွေနဲ့ ဝယ်သောက်လို့ ရလာ ပါပြီ။ ဒါပေမယ့် ပျောက်စေဆရာတွေ၊ တိုင်းရင်းဆေးယောင်ယောင် ဘီးဇပ်ရွက်လို အရွက်တွေနဲ့ ဒီရောဂါပျောက် တယ်၊ ဒီရောဂါဟာ တနေ့ ခွေးတကောင်စားရင် ပျောက်တယ် ဆိုတဲ့ လွဲမှားတဲ့ အယူအဆတွေကိုတော့ တိုက် ဖျက်ရဦးမှာပါ။

မဖြူဖြူသင်းသည် ပြီးခဲ့သည့် ၁၀ နှစ် ဝန်းကျင်မှစတင်၍ အမျိုးသား ဒီမိုကရေစီအဖွဲ့ချုပ် ၏ HIV/Aids ဝေဒနာရှင်များ ကူညီစောင့်ရှောက်ရေး နှင့် ပညာပေးရေး လုပ်ငန်းစဉ်များတွင် ဦးဆောင် လုပ်ကိုင်နေသူ တဦး ဖြစ်သည်။