Lizard Cage

(မြန်မာပြည်အကြောင်း စာအုပ်ကို မိတ်ဆက်ထား သုံးသပ်ထားတာဗျာ။ ဧရာဝတီက ဆောင်းပါး။)

ချောက်ချားဖွယ့် ရုဒ္ဒသစ္စာ
ကေလတ် သြဂုတ် ၃၁၊ ၂၀၀၇


တရားမဲ့ ရက်စက်ကြမ်းတမ်းပြီး ပျင်းရိငြီးငွေ့ဖွယ် ကောင်းလှသော မြန်မာ့နိုင်ငံရေး အကျဉ်းသားများအကြောင်း အင်္ဂလိပ် ဘာသာဖြင့် ထိထိမိမိရေးသားထားသော စာအုပ်စာတမ်း၊ ၀တ္ထုများ ကျနော်တို့တွင် များစွာမရှိလှပါ။ ကာရင် ကော်နယ်လီ (Karen Connelly) ရေးသားသော “အိမ်မြှောင်လှောင်ချိုင့်” (The Lizard Cage) စာအုပ်ကဲ့သို့ စူးရှထိမိစွာ သရုပ်ဖော် ရေးသားနိုင်သော စာအုပ်မျိုးဆိုလျှင် ပို၍ပင် ရှားပါသည်။

တနည်းဆိုရလျှင် ကော်နယ်လီက မြန်မာနိုင်ငံရှိ နိုင်ငံရေးအကျဉ်းသားအားလုံး၏ အကြောင်းကို အသေးစိတ် ရှုထောင့်မျိုးစုံမှ တင်ပြရေးသားသွားခြင်း ဖြစ်ပါသည်။ ကြိုတင်ခန့်မှန်းမထားနိုင်သော ခုံရုံးများ၏ သဘာဝ၊ ရက်စက်ကမ်းကြုတ်ပြီး တပါးသူ မျက်ရည်ပေါက်ကြီးငယ်ကျမှ အာသာပြေလေ့ရှိကြသော ထောင်မှူး ထောင်ပိုင်များနှင့် “အိမ်မြှောင်လှောင်ချိုင့်” ထဲမှဘ၀ကို လွှမ်းမိုးနေသော စိတ်ပိုင်းဆိုင်ရာ ဖိစီးနှိပ်စက်မှုတို့ကို ကွက်ကွက်ကွင်းကွင်း ဖော်ပြသွားပါသည်။

ကော်နယ်လီသည် ကာရန်၊ နရီကျွမ်းကျင်လှသော ကဗျာဆရာမတဦးဖြစ်သည်နှင့်အညီ သူမ၏ အရေးအဖွဲ့မှာ ဇာတ်လမ်းပါ ရက်စက်ယုတ်မာမှုများက လွှမ်းမိုးမထားနိုင်လောက်အောင် လှပလွန်းလှပါသည်။ တေးရေးဆရာ တေဇာ၏ဘ၀ အကျဉ်း ထောင်ထဲတွင် မျှော်လင့်ချက်မဲ့ နစ်မြုပ်သွားရသည့် ဇာတ်ကြောင်း၏အစကို ထင်မှတ်မထားနိုင်လောက်သော တင်ပြပုံမျိုးဖြင့် တင်ပြသွားခဲ့ပါသည်။ အခြား မြန်မာအကျဉ်းသားများနည်းတူ ဒုက္ခတွင်းနက်ထဲ နစ်မြုပ်ကျဆင်းသွားရရှာသော သူတို့ အားလုံး၏ ဘ၀ဇာတ်ကြောင်းကို ဒီမိုကရေစီလှုပ်ရှားမှုကြီးမှ အစပြုထားပါသည်။

သို့သော်စာအုပ်တွင် အကြောင်းရင်းထက် အကျိုးဆက်ကိုသာ ပိုမိုအာရုံစိုက်ထားသည်ကို တွေ့ရပါသည်။ စာရေးသူက ဇာတ်ကြောင်းပြောသူအဖြစ် ၀င်ပြောသောအကြောင်းအရာအများစုသည် တေဇာ၏ အကျဉ်းပိတ် တိုက်ခန်းအတွင်းထဲ၌သာ လှည့်ပတ်မွှေနှောက်နေခဲ့ပြီး မျှော်လင့်မထားနိုင်သည့် သူ၏ကိုယ်စိတ်နှစ်ပါး ကျန်းမာရေးကို ခြိမ်းခြောက်နေသော ဖိစီးမှု များကို အားပြုတင်ပြထားပါသည်။ သံတိုင်အပြင်ဘက်မှ ရက်စက်ယုတ်မာလှသော ထောင်ဝါဒါများ၏ အနိုင်ကျင့် နှိပ်စက် မှုကို မခံနိုင်တော့သည့်အဆုံး တိုက်ခန်းထဲမှ အိမ်မြှောင်ကိုပင် လိုက်လံဖမ်းဆီး စားသောက်ရဲသော သတ္တိပေါ်လာသည့် အခြေအနေအထိ ဖြစ်လာပုံကို လှုပ်ခတ်ရုန်းကြွအောင် တင်ပြသွားခဲ့ပါသည်။
ဝတ္ထုတပုဒ်လုံးတွင် တေဇာအား အကျဉ်းထောင်ကြီးက သေခြင်းနှင့် ရှင်ခြင်းကို နေ့စဉ်ရွေးခိုင်းနေကြောင်းကို စာရှုသူများ မေ့မသွားစေရန်အတွက် တချိန်လုံး သတိပေးနေသည်မှာ ကန့်လန့်ကာနောက်ကွယ်မှ ဇာတ်ကောင် အိမ်မြှောင်ပင် ဖြစ်ပါတော့သည်။ အိမ်မြှောင်တို့က သူ၏ မလောက်မငှ ရိက္ခာရာရှင်ကို ပိုများလာစေသည်။ ထိုမှရလာသော အင်အားများဖြင့် သူ၏ ရှည်လျားငြီးငွေ့ စိတ်ပျက်စရာကောင်းသော အကျဉ်းစံဘ၀ကို လွှဲဖယ် မေ့ပျောက်ထားနိုင်ရန် အတွက် သူ့စိတ်ကို အလုပ်ပေးစွမ်းနိုင်ရန်လည်း အိမ်မြှောင်က ကူညီပေးပြန်သည်။ သို့သော် သူ၏မသတီစရာ ထောင်ပုံစံခွက်ထဲတွင် ဖုံးဖိ
ဝှက်ထားရန် သူကြိုးစားနေသော အရိုးချောင်းငယ်များက သူ့ကို ပြန်၍ လှောင်ပြောင်နေပြန်ပါသည်။ ယင်းသည် နေ့စဉ် သူ့ကိုယ်သူကာကွယ်ရန် အားထုတ်မှုများနှင့် အတူတွဲပါနေသော ရှက်ရွံ့အားငယ်ရမှု ဖြစ်ပါသည်။

ကော်နယ်လီသည် ပြင်ပကမ္ဘာနှင့် အဆက်အသွယ်ရရန် အကျဉ်းသားတို့က ကြိုးစားအားထုတ်မှုများကို တိတိကျကျ ရေးသားထားနိုင်ခဲ့သည့်အပြင် ထောင်မှူးထောင်ပိုင်များက ၎င်းကဲ့သို့ ပြင်ပကမ္ဘာနှင့် အဆက်အသွယ်ရလိုမှုကို အခွင့် ကောင်းယူပြီး အကျဉ်းသားများအပေါ် ပိုမိုရက်စက်ယုတ်မာစွာ မည်သို့ပြုကျင့်လေ့ရှိသည်ကိုလည်း ဖော်ပြသွားနိုင်ခဲ့ပါသည်။ တေဇာသည် သူများဒုက္ခရောက်မှ အာသာပြေတတ်သူတို့၏ လက်ချက်ကြောင့် ရှိသမျှ စွမ်းအင်အားလုံး ကုန်ခမ်းသွားခဲ့ဖူး ပါသည်။ ထိုစဉ်က သူနှင့်သူ့အဖော်များအဖို့ ထိန်းသိမ်းကာကွယ်ရန်ဆို၍ သူတို့ကိုယ်ပိုင်စိတ်၏ အချုပ်အခြာ အာဏာ ပိုင်ခွင့်သာ ကျန်ရစ်ပါတော့သည်။

တေဇာက သူ့လှောင်အိမ်ထဲမှ အိမ်မြှောင်ငယ်များကို ချောင်းမြောင်းဖမ်းဆီးနေစဉ်တွင် အညှာတာမဲ့ သူ့အချစ်တော်
ထောင်ဝါဒါ ကိုတော်ချောကလည်း သူ့ကိုဒုက္ခပေးရန် အလစ်ချောင်းနေပါသည်။ အခွင့်အရေးရသည်နှင့် တခါတည်း ရက်စက်ပါတော့သည်။ အဆုံးသတ်တွင် ဆုံးရှုံးသွားခဲ့သော သူ့ စွမ်းအင်တချို့ပြန်ရလာစေရန်အတွက် တေဇာက အစာငတ်ခံ ဆန္ဒပြပါတော့သည်။ သူ့ဆန္ဒပြမှုမှ ဘာဆက်ဖြစ်သည်ကို ၀တ္ထုအဆုံးသတ်တွင် ဆက်လက်မဖော်ပြတော့ခြင်း သည်လည်း တမျိုးကောင်းသည်ဟု ဆိုနိုင်ကောင်းပါသည်။ အကြောင်းမှာ စာရေးသူက ယခုတိုင် ထိုအိမ်မြှောင် လှောင်ချိုင့်ထဲတွင် ပိတ်မိနေဆဲ နိုင်ငံရေးအကျဉ်းသား ၁,၀၀၀ ကျော်၏ဘ၀များအကြောင်းကို တေဇာ၏ဇာတ်လမ်းနှင့် ယှက်နွယ်ပေါင်းစပ် ဆက်လက်တင်ပြသွားသောကြောင့် ဖြစ်ပါသည်။

စာဖတ်သူ၏ အာရုံကိုဖမ်းစားနိုင်သော ၀တ္ထုပါနိမိတ်ပုံများကို ကျော်ကြည့်လျှင် ဇာတ်လမ်းသည် ထိုနိုင်ငံရေး အရှုပ် အထွေးကြီးတွင် ပျောက်ဆုံးသွားသော ညီအစ်ကိုနှစ်ယောက်၏ သာမန်ဇာတ်လမ်းမျှသာ ဖြစ်ပါသည်။ ထိုနိုင်ငံရေး ရှုပ်ထွေးမှုသည် မြန်မာနိုင်ငံသားတို့၏ဘ၀ကို ဆယ်စုနှစ်ပေါင်းများစွာ ပုံဖော်နေခဲ့ပါသည်။ ကာရင် ကော်နယ်လီက ဤစာအုပ်သည် အောင်ဇော်နှင့် ကျော်စွာမိုးတို့ ညီအစ်ကိုသို့ ရည်ညွှန်းရေးသားသည်ဟု ဖော်ပြထားပြီး မူရင်းဖြစ်ရပ်မှန် အဖြစ်အပျက်ကို ခပ်ပါးပါးသာ ဇာတ်လမ်းဆင် ဖုံးကွယ်ထားသည်ကို တွေ့ရသည်။ ထိုညီအစ်ကိုနှစ်ဦးသည် ၎င်းတို့၏ နိုင်ငံရေးလှုပ်ရှားမှု ကြောင့် လိုက်လံဖမ်းဆီး ထောင်ချခံရပြီးနောက် မြန်မာနိုင်ငံနယ်စပ် တနေရာတွင်ပြန်လည်ဆုံတွေ့ ခဲ့ကြရပါသည်။ အခြား စာဖတ်သူများ၏ အဖြစ်အပျက်နှင့်လည်း ခပ်ဆင်ဆင် တူကောင်းတူနေနိုင်ပါသည်။ တေဇာ၏ ကိုယ်ရေးဖြတ်သန်းမှုနှင့် အသေးစိတ်ဖြစ်ရပ်များတွင် ကျနော်ကိုယ်တိုင်၏ ဖြတ်သန်းမှု အစိတ်အပိုင်းများကိုလည်း ရှာတွေ့ခဲ့ရပါသည်။

ကော်နယ်လီ၏ စံဇာတ်ကောင်ကဲ့သို့ပင် ကျနော်လည်း အိမ်မြှောင်လှောင်ချိုင့်ထဲတွင် ပိတ်မိခဲ့ဖူးပါသည်။ အစ်ကိုဖြစ်သူ နှင့်လည်း ကွဲကွာခဲ့ရပါသည်။ အစ်ကိုက သူ၏ဒီမိုကရေစီတိုက်ပွဲကို ဆက်တိုက်ရန်အတွက် အိန္ဒိယနယ်စပ်သို့ ထွက်ပြေး ရောက်ရှိသွားပါသည်။ ကျနော့်မှာမူ ထောင်တွင်းဖိနှိပ်မှု၊ ရက်စက်မှုများကို ပြင်ပကမ္ဘာသို့ အသိပေးဖြန့်ဝေရန် စာထုတ်မှုနှင့် မိသားစုနှင့်အဆက်အသွယ်ရရန် ကြိုးစားမှုတို့ဖြင့် ထောင်တွင်းမှ နောက်အမှုတက်ပြီး ပြစ်ဒဏ်အတိုးခံခဲ့ရပါသည်။

တေဇာနည်းတူ ကျနော်လည်း ဒေါ်အောင်ဆန်းစုကြည်အပေါ် နက်နက်ရှိုင်းရှိုင်း ယုံကြည်လေးစားမှု ရှိပါသည်။ သူ၏အနီး တွင် ကာလတခုကြာ လုပ်ကိုင်ခွင့်ရရှိခဲ့ဖူးသည်မှာ မိမိအတွက် တန်ဖိုးမဖြတ်နိုင် ဂုဏ်ယူနေရဆဲ ဖြစ်ပါသည်။ ကျနော် သည်လည်း ၀တ္ထုထဲမှ ဇာတ်ကောင်ကဲ့သို့ပင် ထောင်ဝင်စာမရှိဘဲ သီးခြားအကျဉ်းပိတ်ပြစ်ဒဏ်ကို ခံခဲ့ရဖူးပါသည်။ ထို့အပြင် ထောင်အတွင်းသို့ ပစ္စည်းမှောင်ခိုအသွင်းအထုတ်လုပ်ရန် ကုလားလေးကဲ့သို့သော ရာဇ၀တ်သားများကိုလည်း စွန့်စား ခိုင်းစေခဲ့ရဖူးပါသည်။

ကော်နယ်လီသည် တေဇာ၏ဇာတ်ရုပ် အသက်ဝင်လာစေရန်အတွက် အထက်ပါ အသေးစိတ် အဖြစ်အပျက်များနှင့် စရိုက်များကို ဇာတ်လမ်းဇာတ်ကွက်ဆင် တင်ပြရာတွင် စူး၊ ဆောက်၊ ပစ္စည်းများအဖြစ် အသုံးပြုခဲ့ခြင်း ဖြစ်ကောင်း ဖြစ်နိုင်သော်လည်း ထိုအဖြစ်အပျက်များနှင့် စရိုက်လက္ခဏာများသည် မြန်မာအဏာရှင်အစိုးရ လက်အောက်တွင် ကျနော်တို့အားလုံး ခါးသီးစွာ ရင်ဆိုင်ခံစား ဖြတ်ကျော်ခဲ့ရသည့်၊ ရင်ဆိုင်ဖြတ်ကျော်နေရဆဲ ဖြစ်သည့် ခြောက်ခြားဖွယ့် ရုဒ္ဒသစ္စာတရားပင် ဖြစ်ပါတော့သည်။

စာအုပ်တွင် အကြောင်းအရာအချို့ မှားယွင်းနေသည်ကိုလည်း တွေ့ရပါသည်။ မြန်မာအကျဉ်းထောင် အားလုံး ညဘက်တွင် ဘယ်သောအခါမှ အမှောင်မချပါ။ မီးမပျက်ပါ။ လုံခြုံရေးအတွက်အမြဲတမ်း မီးဖွင့်ထားပါသည်။ ထိုအချက်ကြောင့်ပင် တေဇာအတွက် လိင်အာသာ ဖြေဖျောက်ရန် အကောင်းဆုံးအချိန်သည် ညနေစောင်းချိန်ကို ရွေးရခြင်း ဖြစ်ပါသည်။ ထို အချိန်များတွင် ထောင်ဝါဒါများက အိပ်ငိုက်နေလေ့ ရှိကြပါသည်။

ထောင်ဝါဒါတဦးသည် သူမ၀တ္ထုတွင် ဖော်ပြခဲ့သလို မည်သို့သောအခါမျှ အကျဉ်းသားများ၏ ပစ္စည်းများကို ကိုယ်တိုင် တလာစီလေ့ မရှိပါ။ သူတို့ကိုယ် သူတို့ ဤလောကတွင် ဘုရင်တပါးကဲ့သို့ မှတ်ထင်ထားပြီး ရာထူးအဆင့်နိမ့်သော လက်အောက်ငယ်သားများကိုသာ တလာစီ ရှာဖွေခိုင်းလေ့ရှိပါသည်။ ထို့အပြင် အကျဉ်းသားများအား အုပ်ချုပ်ရန် ထောင်မှခန့်အပ်သော အကျဉ်းသားတန်းစီး အပါအ၀င် မည်သည့်အကျဉ်းသားမျှ လက်ပတ်နာရီ ပတ်ခွင့်မရှိပါ။

အထက်ပါ မဖြစ်စလောက် အချက်အလက် မှားယွင်းမှုက ကော်နယ်လီ၏ ရုန်းကြွနေသော ဇာတ်လမ်းကို မည်သို့မျှ မထိခိုက်စေနိုင်ပါ။ သူမ၏ အိမ်မြှောင်လှောင်ချိုင့်သည် အပြစ်မဲ့သူတဦး နေ့စဉ် ကိုယ်စိတ်နှစ်ပါး ဖိစီးနှိပ်စက်ခံနေရသော ကျဉ်းကျပ်လှသည့် ရူးသွပ်ချောက်ချားဖွယ် အကျဉ်းခန်းတခန်းထက်များစွာ ပိုလွန်၍ တာသွားသော နိမိတ်ပုံသင်္ကေတ ဖြစ်ပါသည်။ ထိုမျှမက ကော်နယ်လီ၏ စာအုပ်သည် အာဏာရှင်အစိုးရတရပ်က နိုင်ငံတခုလုံးကို ပြန်ပေးဆွဲထားသည့် သဖွယ် ထိန်းသိမ်းအကြပ်ကိုင်ထားသည့် အခြေအနေနှင့် ၎င်းနိုင်ငံသားများ၏ ဂုဏ်သိက္ခာနှင့် ထိုက်တန်သည့် အဆင့်နေရာကို ပြန်လည်ရရှိရန်အတွက် ကြိုးပမ်းအားထုတ်နေပုံများကိုပါ ပုံဖော်ခြယ်မှုန်း သွားခဲ့ပါသည်။ ။

၂၀၀၇ ခုနှစ် သြဂုတ်လထုတ် ဧရာဝတီ မဂ္ဂဇင်းမှ Kay Latt ရေးသည့် Telling Dreadful Truths ကို ဆီလျော်အောင် ပြန်ဆိုဖော်ပြပါသည်။

(ကေလတ်သည် နိုင်ငံရေးအကျဉ်းသားဟောင်းတဦးဖြစ်ပြီး စစ်အစိုးရ၏ နာမည်ဆိုးဖြင့်ကျော်ကြားလှသော အင်းစိန်နှင့် သရက်အကျဉ်းထောင်တို့တွင် ၁၉၉၀ မှ ၁၉၉၉ ခုနှစ်အထိ ရှစ်နှစ်ကျော် ထောင်ကျခဲ့ဖူးသူ ဖြစ်ပါသည်)

(ဘလော့ဂါမှတ်ချက် - ဒီသတင်းကို http://www.irrawaddy.org/bur/bshelf/2007/bshelf_aug_31_2007.html ကနေ ယူတယ်။)

review on nu nu yi innwa's book

ထွက်ပေါက်တခုရဲ့ လားရာကိုရှာဖွေခြင်း သို့မဟုတ် တောင်ပြုန်းပွဲယဉ်ကျေးမှု
မောင်ဖူးတင့်

စာအုပ်အမည်။ ။ ပြုံး၍လည်း ကန်တော့ခံတော်မူပါ၊ ရယ်၍လည်း ကန်တော့ခံတော်မူပါ
ရေးသူ ။ ။ နုနုရည် (အင်းဝ)
ထုတ်ဝေသူ ။ ။ ဦးကျော်ဆန်း (ရဲအောင်စာပေတိုက်)
ထုတ်ဝေခုနှစ်။ ။ ၂၀၀၇ ခု၊ မေလ၊ အုပ်ရေ (၅၀၀)
တန်ဖိုး ။ ။ ၁၅၀၀ ကျပ်


(က)
မသီတာတို့ တိုက်ခန်းကို မရောက်ခင် ဓာတ်ရထားမှတ်တိုင်တတိုင်အကွာတွင် တရားရုံးချုပ် အဆောက်အဦတခုရှိ၏။ ထိုနေ့က တရားရုံးရှေ့တွင် လူ (၅၀) ခန့် စုရုန်းနေကြ၏။ ဓာတ်ရထားက တရားရုံးရှေ့တွင် ရပ်လိုက်သည်။ ကျနော်ထိုင်နေရာဘက်ခြမ်းမှာ တရားရုံးကို ရှင်းရှင်းလင်းလင်း မြင်ရသည့်ဘက်ဖြစ်၏။ တရားရုံးရှေ့တွင်ရှိသည့် လူအုပ်မှာ ပျော်ရွှင်နေကြပုံရ၏။ ၀တ်ကောင်း စားလှများကိုယ်စီဝတ်ထားကြ၏။ (အမှန်အားဖြင့်ဆိုလျှင် အော်စလိုမြို့ လူထုမှာ ၀တ်ကောင်း စားလှများကို ၀တ်ဆင်သွားလာလေ့မရှိကြပါ။ အနောက်တိုင်းဝတ်စုံပြည့်ဝတ်ပြီး အမျိုးသမီး များမှာလည်း သစ်လွင်သည့်အ၀တ်အစားများဝတ်ကာ၊ ချယ်ကာသကာ သွားလေ့မရှိလှပါ။
အများစုမှာ သာမန်အ၀တ်အစားများဖြင့်သာ သွားလေ့ရှိ၏။) ကျနော်က တရားရုံးရှေ့က လူအုပ်ကို အနည်းငယ် စိတ်ဝင်စားသွားရလေသည်။

“ဦးငြိမ်း၊ အဲဒါ မင်္ဂလာဆောင်လေ၊ ရုံးမှာလာပြီးလက်မှတ်ထိုးကြတာ”

“အော်…အေး၊ ဟုတ်မယ်”

“ဒီမင်္ဂလာဆောင်က ထူးတယ်ဦးငြိမ်းရ၊ ယောင်္ကျားချင်းမင်္ဂလာဆောင်ကြတာလေ”

“ဘာမ်”

ပထမတုန်းက ဘယ်လိုမှ သိပ်ပြီးစိတ်ထဲတွင် မ၀င်စားခဲ့မိပေမယ့် ဒုတိယစကားကိုကြားတော့ ကျနော့်ကျောမှာ အလိုလိုဆန့်သွားရ၏။

“ဟုတ်တယ်လေ၊ ယောင်္ကျားချင်းမင်္ဂလာဆောင်ကြတာ”

“ဟုတ်ရဲ့လား မသီတာရယ်”

“အော်…ဟုတ်ပါတယ်ဆို၊ နော်ဝေနိုင်ငံမှာ မနှစ်ကနဲ့တူတယ်။ လိင်တူချင်းအချစ်တော်ထားခွင့်၊ လက်ထပ်ခွင့်ကို ဥပဒေပြဋ္ဌာန်းပြီးခွင့်ပြုခဲ့တာ၊ အဲဒီ မင်္ဂလာဆောင်ကို သီတာ့အသိတယောက်လည်း သွားတက်တယ်လေ။ သီတာတောင် ဒီဗွီဘီအတွက် သတင်းသွားယူမလား စဉ်းစားသေးတယ်။ အလုပ်မအားတာနဲ့”

တရားရုံးရှေ့က လူအုပ်ကို ကမန်းကတန်း ကျနော်လိုက်ကြည့်သည်။ ထိုစဉ်…ဓာတ်ရထားက ထွက်ခွာလာခဲ့၏။ ကျနော့် မြင်ကွင်းထဲ မင်္ဂလာဆောင်ကြသူ သူတို့သား၊ သူတို့သမီးစုံတွဲကို မြင်ရလိုမြင်ရငြား လိုက်ကြည့်မိသေး၏။ ကျနော် အံ့သြသွားရသည်။ ငေးငိုင်သွားရသည်။ ရှော့ဖြစ်သွားရသည်။

(ခ)
၁၉၈၄ ခုနှစ်လောက်ဖြစ်သည်။ ကျနော်နှင့်ကိုတင်ဦး (မာန်သစ်စာပေ၊ ဖြူး) တို့ အင်းစိန်လမ်းဆုံတွင် “ရိုးမအရှေ့” ကားကို စောင့်စီးကြ၏။ ညကတည်းက ကားလက်မှတ်ကြိုဖြတ်ထားပြီး၊ မနက် (၄း၃၀) အင်းစိန်လမ်းဆုံမှ ကားစောင့်စီးကြခြင်းဖြစ်သည်။

(၄း ၃၀) တွင် “ရိုးမအရှေ့” ကားကို မီးရောင်တ၀င်းဝင်းနှင့် လှမ်းတွေ့ရသဖြင့် ကျနော်တို့နှစ်ယောက် လက်ပြပြီးတားကြ၏။ “ရိုးမအရှေ့” ကားက ကျနော်တို့ကိုကျော်ကာ ၀ါးတရိုက်နှစ်ရိုက်အကွာတွင် လမ်းဘေးသို့ ထိုးရပ်လေသည်။ ကျနော်နှင့် ကိုတင်ဦးတို့ ကားရှိရာပြေးသွားကြ၏။ ကျနော်က ကားရှေ့အပေါက်ကတက်ပြီး ကိုတင်ဦးက ကားနောက်တံခါးမှ တက်လေသည်။ ကျနော်တို့နှစ်ဦး အမောတကောနှင့် ကားခြေနင်းပေါ် ရောက်ရောက်ချင်း ကားတံခါးများအလိုအလျောက် ပြန်ပိတ် သွားကြ၏။ ကားတစင်းလုံး မီးများအပြည့်ဖွင့်ထားသဖြင့် ခရီးသည်အားလုံးကို အထင်အရှားပင် တွေ့ရ၏။ ခရီးသည်အားလုံးကလည်း ခေါင်းကိုယ်စီဆန့်ကာ ကျနော်တို့ကိုလှမ်းကြည့်နေလေသည်။

“ဟိုက်”

ကျနော်တို့ နှစ်ယောက်စလုံး ပါးစပ်ကပြိုင်တူလိုလို ဘာတွေ အသံထွက်လိုက်မှန်းပင်မသိ။ ထိုင်နေ သည့်ခရီးသည်များကို ကျော်ကာ တယောက်နှင့်တယောက်မျက်လုံးချင်း စကားပြောလိုက်ကြ၏။ ကားမှားပြီးတော့ တားစီးမိသည်အထင်နှင့် အောက်ကို ပြန်ဆင်းဖို့ ဟန်ပြင်ပြန်တော့ ကားကအရှိန်
ပြင်းနေပြီ။ တခါးတွေပိတ်ထားပြီ။ ကားဆရာကိုကြည့်တော့ ကားဆရာက ကားမောင်းရင်း ပြုံးလျက်။

“လာပါ၊ ကိုယ့်နေရာကို လာထိုင်ကြပါ”

“နေ…နေ…နေပါစေ၊ ဒီလိုပဲလိုက်လို့ ရပါတယ်”

“မဟုတ်ဘူးလေ၊ ဖြူးအထိ စီးကြမှာမို့လား၊ နွဲ့တို့က ကားတစီးလုံးငှားလာကြတာလေ။ ရှင်တို့ နှစ်ယောက်ပဲ တခြားလူ ဖြစ်နေတာ။ ရှင်တို့က ဒီကားကိုကြိုပြီး လက်မှတ်ဖြတ်ထားတာ။ လာပါ… လာထိုင်ကြပါ။ မကြောက်ပါနဲ့ …ဟင်း…ဟင်း၊ ကိုက်မစားပါဘူး ရှင်တို့ရယ်…ဟင်း…ဟင်း…ဟင်း ”
ကားတစင်းလုံးရယ်သံများ လွှမ်းမိုးသွားခဲ့၏။ ကျနော်တို့နှစ်ယောက်မှာ ကြံရာမရဖြစ်နေကြ။ ပြေးပေါက်ကို မသိမသာ ရှာနေကြဆဲ။

“ကဲ၊ ဒီလိုလုပ် ကိုယ်တော်တို့က ဟောဒီကားဆရာဘေးကခုံမှာ အတူတူလာထိုင်ကြ။ ကျမတို့က ရှင်တို့နေရာမှာ ပြောင်းထိုင်မယ်၊ ကဲ…ဒါဆိုရင် အဆင်ပြေသွားမှာပါ ဟင်း…ဟင်း…ဟင်း ”
ကျနော်တို့ နေရာချင်းလဲထိုင်လိုက်ကြသည်။ ကားဆရာကမူ အပြုံးကို မရုပ်သိမ်းသေး။ ကျနော်နှင့် ကိုတင်ဦး နာရီဝက်နီးပါးမျှ စကားမပြောနိုင်ကြ။ ဘေးဘီကိုမကြည့်ရဲကြ။ ကားတစင်းလုံး စကား ပြောသံ၊ သီချင်းသံများ လွှမ်းမိုးလျက်။

“ကားဆရာရေ…ပဲခူးကြရင် စားစရာဆင်းဝယ်မယ်၊ ကားဆရာအတွက်တော့ ကျမတာဝန်ယူတယ်၊ ဟို…နှစ်ယောက် အတွက်တော့ ဘယ်သူတာဝန်ယူမှာလဲဟေ့”

“ကိုယ်ယူမယ်…ကျမယူမယ် ၊ အိုင် ယူမယ် ”

ကားပေါ်တွင် ရယ်သံများ ထွက်ပေါ်လာရပြန်သည်။ ကျနော်နှင့်ကိုတင်ဦးမှာ ပေါက်သည့်နဖူး မထူးတော့ပြီဟု တွေးကာ၊ သည်အတိုင်းငြိမ်ပြီး ပေခံနေကြရ၏။ ထိုနေ့က ကံအားလျော်စွာ
လမ်းတွင် သားရေစာဖိုး၊ ထမင်းဖိုး၊ မကုန်ခဲ့ကြပါ။ ကားပေါ်တွင် အတူပါလာသည့် “မိန်းမလျာ”
များက သူ့ထက်ငါ ၀ယ်ကျွေးသွားကြသဖြင့် ကျနော်တို့နှစ်ဦးစလုံး တွက်ခြေကိုက်ခဲ့ကြ၏။ မိန်းမလျာများမှာ “တောင်ပြုန်းပွဲ” သို့ ချီတက်ကြမည့် နတ်ကတော်များအဖွဲ့ ဖြစ်လေသည်။

ဖြူးမြို့ ကားဂိတ်တွင် ကျနော်နှင့်ကိုတင်ဦး၊ ကားပေါ်ကဆင်းသောအခါ နတ်ကတော်မိန်းမလျာများက အော်ဟစ်လက်ပြ နှုတ်ဆက်ရင်း ခရီးဆက်ကြလေသည်။

(ဂ)
နုနုရည် အင်းဝ၏ “ပြုံး၍လည်း ကန်တော့ခံတော်မူပါ၊ ရယ်၍လည်း ကန်တော့ခံတော်မူပါ” ၀တ္ထုကို
ဖတ်တော့ မိမိဘ၀ထဲက “မိန်းမလျာ” များနှင့်ပတ်သက်သည့် အတွေ့အကြုံတချို့ကို ပြန်တွေးမိသည်။ တဦးတည်းပြုံးမိ၏။

ယခုတော့ “မိန်းမလျာ” နှင့် ပတ်သက်သည့် မိမိ၏အယူအဆမှာ ယခင်ကလို မဟုတ်တော့ပါ။ မိန်းမလျာအပေါ် လူတွေထားရှိသည့် သဘောထားတချို့မှာ ပြောင်းလဲစပြုပြီဟုထင်ရ၏။
“မိန်းမလျာ” များသည် လူ့အခွင့်အရေးနယ်ပယ်၌ တထောင့်တနေရာ ၀င်ယူလာခဲ့ကြပြီလောဟု တွေးမိသည်။

“ပြုံး၍လည်း ကန်တော့ခံတော်မူပါ၊ ရယ်၍လည်း ကန်တော့ခံတော်မူပါ” ၀တ္ထုမှာ “တောင်ပြုန်းပွဲ
တော်” နောက်ခံနှင့် နတ်ကတော်မိန်းမလျာများ၏ဘ၀ကို အသေးစိပ်ရေးထားခြင်းဖြစ်သည်။
ဝတ္ထုတပုဒ်ဖြစ်စေရန်အတွက်ကိုမူ နတ်ကတော်မိန်းမလျာ “ဒေစီဂျိန်း”၊ ဒေစီဂျိန်း၏လင်ယောင်္ကျား “မင်းမင်း” နှင့် မင်းမင်း၏ချစ်သူ သူတောင်းစားမလေး “ပန်းညို” တို့ သုံးပွင့်ဆိုင် မေတ္တာဘွဲ့ကို ဖွဲ့စည်းတည်ဆောက်ထား၏။
အမှန်အားဖြင့် ၀တ္တုတပုဒ်လုံး အသားပေးဖော်ပြသည်မှာ “တောင်ပြုန်းပွဲ” ယဉ်ကျေးမှုကို စနစ်တကျ၊ အဆင့်လိုက် အသေးစိပ်ရေးထားခြင်းသာဖြစ်သည်။ မျက်မှောက်ခေတ်မြန်မာ့လူ့အဖွဲ့အစည်းအတွင်း နက်ရှိုင်းစွာတည်ရှိနေသည့် နတ်ကိုးကွယ်ပသခြင်း ယဉ်ကျေးမှုကို အပြည့်အစုံသတင်းအချက်
အလက် ပေးခြင်းသာဖြစ်၏။ နှစ်စဉ် ၀ါခေါင်လဆန်း (၈) ရက်နေ့မှ ၀ါခေါင်လဆန်း (၁၅) ရက်အထိ၊ ကျင်းပပြုလုပ်သည့် တောင်ပြုန်းပွဲယဉ်ကျေးမှုကို ကိုယ်ကိုယ်တိုင် ရောက်ရှိနွှဲပျော်နေရသလို ဆွဲဆောင်မှုအားကောင်းလှသည့် ၀တ္ထုဖြစ်၏။

သည်ဝတ္ထုထဲမှ ကျနော်နှိုက်ယူရရှိသည့် အချက်တချို့ရှိပါသည်။ တောင်ပြုန်းပွဲဘာ့ကြောင့် တနှစ် ထက်တနှစ် ပို၍ပို၍ စည်ကားသိုက်မြိုက်လာနေရသနည်း။ တောင်ပြုန်းပွဲ စည်ကားသထက် စည်ကားလာစေရန် မည်သည့်အကြောင်းအရာများက တွန်းပို့နေသနည်း။
ဝါခေါင်လဆန်း (၁၃ ) ရက်နေ့တွင်ပြုလုပ်သည့် “ယုန်ထိုး” ပွဲအကြောင်းရေးထားသည့် စာမျက်နှာ များမှာ စိတ်ဝင်စားစရာ။ “ဒီနယ်မြေဟာ မင်းနှစ်ပါးက ဖန်ဆင်းပေးထားတဲ့ စိတ်လွတ်လပ်မှုနယ်မြေ” ဟု ဆို၏။ “လူတွေရဲ့ စိတ်ကလေးတွေဟာ သနားစရာ ကောင်းလောက်အောင် သိပ်ကို မွန်းကြပ် ပိတ်လှောင်ခံထားရတာ။ ကဲ…အဲဒီစိတ်ကလေးတွေကို လွှတ်ပေးလိုက်ကြစမ်း” ။ ပညာတတ် နတ်မင်းသားလေး မိန်းမလျာသင်းသင်းကြိုင်ရဲ့ စကား ။

လူတွေ တောင်ပြုန်းပွဲတွင် စိတ်လွတ်ကိုယ်လွတ် အပျော်ကျူးကြသည့်သတင်းမှာ မည်သူမဆို ကြားဖူးပြီးဖြစ်သည့် သတင်းပင်ဖြစ်သည်။

ဝတ္တုတပုဒ်လုံးမှာ၊ အတိုချုပ်ပြီးလွယ်လွယ်နဲ့ပြောလို့ရသည့် ဇာတ်လမ်းဖြစ်၏။ သက်ကြီးရွယ်အို နတ်ကတော်မိန်းမလျာ “ဒေစီဂျိန်း” သည် ငယ်ရွယ်နုပျိုသူ “မင်းမင်း” ဆိုသည့် ဆင်းရဲသား လူငယ် တဦးနှင့် လင်မယားအဖြစ်နေထိုင်ခဲ့ရင်းက “မင်းမင်း” က သူနှင့်ရွယ်တူ သူတောင်းစားမလေး
“ပန်းညို” နှင့် ချစ်ကြိုက်မိသွား၏။ နောက်ဆုံးတွင် “မင်းမင်း” မှာ နတ်ကတော်မိန်းမလျာ
“ဒေစီဂျိန်း” ၏ ရင်ခွင်တွင်သာ မူးမေ့လဲလျောင်းရင်း ၀တ္ထုကိုနိဂုံးချုပ်ထားလေသည်။

လူတို့၏ မွန်းကြပ်ပိတ်လှောင်နေသောစိတ်ကို ထွက်ပေါက်ပေးပို့ရန်ကိစ္စမှာ အမှန်တကယ် လိုအပ် ပါသည်။ “တောင်ပြုန်းပွဲ” သည် လူတချို့အတွက် စိတ်ထွက်ပေါက်ပေးရာ အပေါက်တပေါက်ဖြစ် သည်ဟု ဆို၏။ ဗမာတပြည်လုံးကလူတွေ တနှစ်တခါ တောင်ပြုန်းပွဲတက်ကာ စိတ်ထွက်ပေါက် ပေးကြ၏။ ထွက်ပေါက်ရှာကြ၏။

ကျနော်တို့သည် မွန်းကြပ်ပိတ်လှောင်နေသောစိတ်ကို ထွက်ပေါက်ပေးရန် မုချလိုအပ်သည်မှာ အမှန်ပင်ဖြစ်သည်။ သို့သော်…ယင်းထွက်ပေါက်မှာ ယာယီထွက်ပေါက်၊ ဘေးထွက်ပေါက်၊ ထွက်ပေါက်အမှားဖြစ်လျှင်မူ မကောင်း။

မည်သို့ပင်ဖြစ်စေ… ၀တ္တုတပုဒ်ကိုဖတ်ကာ၊ စိတ်ထွက်ပေါက်ပေးခြင်းကိစ္စ အလိုလို ဆက်စပ်တွေးမိ လာအောင် ဖြစ်စေသည့်စာရေးဆရာ နုနုရည်အင်းဝ၏ စာပေဒါနကိုမူ ကျေးဇူးတင်ရမည်ပင်ဖြစ်
သည်။ သာဓုခေါ်ရမည်ဖြစ်သည်။ ။

(ဘလော့ဂါမှတ်ချက် - ဒီသတင်းကို http://www.khitpyaing.org/bookreviews/august_2007/10-8-07_mgphutint.php ကနေ ယူတယ်။)

A Half-Stocked Marketplace of Ideas

ဧရာဝတီဝက်ဆိုက်က စာအုပ်ဝေဖန်ချက် (မြန်မာပြည်အကြောင်း စာတမ်းပေါင်းချုပ် စာအုပ်ကို သုံးသပ်ထားတာပါ။ စာတမ်းရှင်တွေ ဖတ်မိရင်တော့ လဲသေချင်စိတ် ပေါက်နိုင်သဗျာ။)

တ၀က်တပျက် အိုင်ဒီယာများ

ဒေးဗစ် စကော့ မက်သီဆင် ဇူလိုင် ၁၉၊ ၂၀၀၇

ဤစာအုပ်က မြန်မာနိုင်ငံ၏လက်ငင်းအခြေအနေကို ဖော်ပြရုံထက်တော့ ကျော်လွန်သည်။ ခေတ်သစ်ပညာရပ်ပိုင်းဆိုင်ရာ အတွက် မှတ်တိုင်တခုတော့ ဖြစ်လိမ့်မည်ဟု ယူဆရသည်။ မြန်မာနိုင်ငံနှင့်ပတ်သက်၍ ပညာရပ်ပိုင်းဆိုင်ရာ ဝေဖန် ပိုင်းခြား သုံးသပ် ထုတ်ဝေမှုများသည် အပြည့်အစုံမဖြစ်နိုင်လျှင်သော်မှ အလွန်ငတ်မွတ်ရှားပါးနေသောအချိန်တွင် ထမင်းရေ တခွက်ကဲ့သို့ အရေးပါတန်ဖိုးရှိသည်ဟု ဆိုရပေလိမ့်မည်။ တကယ်တော့ ဤနိုင်ငံမှ များစွာကြွယ်ဝလှသော အသိသုတများ ပို၍ ထုတ်ဝေသင့်သော အချိန်လည်း ဖြစ်သည်။

အန် ဂဲနက်ဆန် (N. Ganesan) နှင့် ကျော်ရင်လှိုင်တို့ ပူးတွဲတည်းဖြတ်ထုတ်ဝေသော “မြန်မာနိုင်ငံ၊ နိုင်ငံတော်၊ လူမှုအဖွဲ့အစည်းနှင့် တိုင်းရင်းသားလူမျိုးရေးရာ (Myanmar: State, Society and Ethnicity)” ဟူသော စာတမ်းများ စုစည်း ထုတ်ဝေမှုစာအုပ်က ဤပညာရပ်ဆိုင်ရာစာပေများ စာရင်း၏လိုအပ်ချက်ကို ထပ်မံ ဖြည့်ဆီးပေးခဲ့သည်။ သို့သော်လည်း ၀မ်းနည်းစိတ်မကောင်းဖွယ်ရာပင်။ အခြေခံ လိုအပ် သောအဟာရဓာတ်ကိုတော့ ပေးနိုင်ပါသည်။ သို့သော်လည်း ပညာရပ်ပိုင်း ဆိုင်ရာငတ်မွတ် တောင့်တနေမှုအတွက် အာသာမပြေစေပါဟု ဆိုရပါလိမ့်မည်။

ဤစာတမ်းများက ၂၀၀၅ ခုနှစ်တွင် ကျင်းပသော ဟီရိုရှီးမား ငြိမ်းချမ်းရေးသိပ္ပံ (Hiroshima Peace Institute) ၏ ဆွေးနွေးပွဲတွင် တင်ပြချက်များကို စုစည်းထား ခြင်းဖြစ်ပြီး မှတ်သားဖွယ် ထူးခြားသည့် ထပ်မံညွှန်းဆိုအကြံပြုဖွယ် အချက်အချို့ကို ထပ်မံဖြည့်စွက်ထားပါသည်။ ဤသို့ဖြင့် ဤစာအုပ်က အတွင်းသား အနှစ်သာရကို ပေးမည်ဟု ကတိက၀တ်ပြုဖော်ပြသော်လည်း နောက်ဆုံး ထူးမခြားနား ဖန်တရာ တေနေသော ငြီးငွေ့ဖွယ်တင်ပြချက်များနှင့်သာ ပြည့်နေပြီး ချေးငှားထားသော သုတေသနပြုချက်များနှင့် ပေါင်းစည်း၍ ခြုံငုံကောက်ချက်ဆွဲမှုများကိုသာပေးနိုင်သည့် စာအုပ်တွဲများအပုံထဲသို့ နောက်ထပ် တအုပ်အဖြစ် ထပ်မံတိုးလာစေပါတော့သည်။

အန် ဂဲနက်ဆန်ရေးသော “အရှေ့တောင်အာရှဒေသရှိ နိုင်ငံတော်နှင့် လူမှုအသိုင်းအ၀န်း ဆက်ဆံရေးများ(State- Society Relations in Southeast Asia) ” စာတမ်းနှင့် ရေချယ် ဆပ်ဖ်မင်း (Rachel Safman) ရေးသားသော “ပင်မအရှေ့တောင် အာရှဒေသမှ လူနည်းစုများနှင့် နိုင်ငံတော်တည်ဆောက်ရေး (Minorities and State-building in Mainland Southeast Asia)” စာတမ်းတို့က မြန်မာနိုင်ငံကို ပို၍ကျယ်ပြန့်သော ပညာရပ်ပိုင်းဆိုင်ရာ ဆွေးနွေးငြင်းခုန်မှုများဖြစ်သည့် ဗဟိုချက်မ နှင့် အစွန်အဖျား ဆက်ဆံရေးကိစ္စများနှင့် ချိတ်ဆက်၍တင်ပြနိုင်ရန်နှင့် နိုင်ငံတော်တည်ဆောက်ရေးတွင် ကြုံတွေ့ရမည့် စိန်ခေါ်ချက်ပြဿနာများအား တင်ပြနိုင်ရန် ကြိုးပမ်းထားသည့် စာတမ်းများ ဖြစ်ပါသည်။

သို့သော် ကံမကောင်း အကြောင်းမလှစွာပင် ဤစာတမ်းများတွင် အသစ်တင်ပြချက်များမပါရှိဘဲ ၁၉၉၂ ခု ၀န်းကျင်က ဘွဲ့လွန်ကျောင်းသား တဦး၏ စာပေဝေဖန်ချက်ကို ပြန်လည်ဖတ်ရှုရသကဲ့သို့ ဖြစ်နေသည်။ ခေတ်သစ်ပညာရပ်ပိုင်းဆိုင်ရာ ထိတွေ့မှုအနံ့အသက်မျိုးပင် မပါဝင်ကြပါ။

ဒေးဗစ် စတိန်းဘာ့ဂ် (David Steinberg) ရေးသည့် “မြန်မာနိုင်ငံ၏ တရားဝင်ဖြစ်မှုပြဿနာ (Legitimacy of Burma-Myanmar)” အခန်းသည်လည်း ဤအကြောင်းအရာကိုပင် အကျယ်ရေးသားထားသည့် မကြာသေးခင်ကမှ ထုတ်ဝေခဲ့ သော သူ၏စာအုပ်ကို ပြန်၍အချုပ်ရေး ဖော်ပြထားသည့်နှယ် ရှိနေသည်။ ဖတ်ရသည်မှာလည်း မသွက်မလက်နှင့် လေးလေး လံလံ ရှိလွန်းလှသည်။

မူတီယာ အလာဂါပါ (Muttiah Allagapa) ၏ တရားဝင်ဖြစ်မှုဆိုင်ရာ စံထားသတ်မှတ်ချက် အဆင့် (၄) ဆင့်ကို အသုံးပြု ထားပြီး အဆင့် (၃) ဖြစ်သော လူထုများသို့ ကုန်ပစ္စည်းများနှင့် ၀န်ဆောင်မှုများ ထောက်ပံ့ပေးရာတွင် လျော်ကန်သော အဆင့်များရှိမှု အပိုင်း၌မူ စတိန်းဘာ့ဂ်က မြန်မာစစ်အစိုးရသည် အနောက်တိုင်းစံနှုန်းနှင့် ယှဉ်လျှင် အရည်အချင်း မပြည့်မီ သော်လည်း အခြေခံအဆောက်အဦများ (လမ်း၊ တံတား၊ ရေကာတာများ) တည်ဆောက်ရေး လုပ်ငန်းများတွင် ဆောင်ရွက် နိုင်ခဲ့သော အောင်မြင်မှုများမှာ “ဖြစ်အပ်သည့် အတိုင်းအတာ မရောက်လျှင်သော်မှ အသိအမှတ်ပြုဖွယ်ရှိသည်”ဟု စောဒက တက်ထားပါသည်။

စတိန်းဘာ့ဂ်က အခကြေးငွေမရသော ဆင့်ဆိုလုပ်အားကိစ္စ (corvee labour) နှင့် ပတ်သက်သောသတင်းများကို ကိုးကား ညွှန်းဆိုခဲ့သေးသည်။ ဤနေရာ၌ သူဆိုလိုသည်ကို မိမိယူဆသည်မှာ ပြည်သူများကို သေနတ်နှင့်ထောက် စုစည်းမောင်း နှင်၍ အကြမ်းဖက်မည်ဟူသော ခြိမ်းခြောက်မှုများနှင့် လမ်းများဖောက်စေခြင်း၊ စစ်တပ်အတွက် မြေမြုပ် မိုင်းရှင်းပေးရခြင်း ကိစ္စများကို ဆိုလိုခြင်း ဖြစ်ပါလိမ့်မည်။ ဤကိစ္စများကို အခြားသောသူများက “အဓမ္မလုပ်အား ခိုင်းစေမှု”ဟု ခေါ်ဆို ကြောင်းလည်း သူသဘောပေါက်ထားရန် လိုအပ်လိမ့်မည် ဖြစ်ပါသည်။ သူက သတိကြီးကြီးဖြင့် လွန်စွာဂရုစိုက် ရွေးချယ် သုံးထားသော အနှောင့်အသွားလွတ်မည့် ဝေါဟာရမျိုးသည် တိုင်းပြည်အတွင်း စစ်ခင်းနေကြသည့် တိုင်းရင်းသားလူမျိုးစု များ၏ တရားဝင်ဖြစ်မှုဆိုင်ရာကိစ္စများကို ရှင်းလင်းဖော်ပြနိုင်ခြင်း မရှိခဲ့ပါ။

ရောဘတ် အိပ်ခ်ျ တေလာ (Robert H Taylor) ရေးသားသော မြန်မာ-ဗြိတိသျှဆက်ဆံရေးအကြောင်းမှာ စိတ်ပျက်ဖွယ် ထပ်ကျော့သုတေသန အစုအပုံမျိုးဖြစ်သည်။ ဤလိုစာတမ်းမျိုးကို သက်သက်ညှာညှာခေါ်ဆို နာမည်ပေးရမည်ဆိုလျှင်ဖြင့် မိုက်ကရိုဝေ့ဖ်စက်ဖြင့် ဟင်းအလွယ်ချက်တတ်သည့် မြန်မာပြည်အကြောင်း ထမင်းချက်ပညာရှိဟုသာ ခေါ်ရန်သင့်ပါလိမ့် မည်။ အလားတူပင် ကေ နီမိုတို (Kei Nemoto) ၏ မြန်မာ-ဂျပန်ဆက်ဆံရေးသည်လည်း အလွန်ယေဘုယျကျလွန်းပြီး အတွင်းသားမပါလှပါ။ ထို့အပြင် ပြီးစလွယ် ကောက်နုတ်ချက်အနည်းအကျဉ်းမျှဖြင့် ကိုးကားရေးသားထားပါသေးသည်။

ဤသို့အတွင်းသား မပါလှသော အတိတ်ကိုပြန်ပြောသော စာအုပ်၏အားသာချက်အဖြစ် ဖော်ပြရန်အချို့လည်း ရှိပါသေး သည်။ ဖော်ပြရမည်ဆိုလျှင် ကျော်ရင်လှိုင်၏ “မြန်မာနိုင်ငံတွင် အဖွဲ့အစည်း၊ အသင်းအပင်းနှင့် လုပ်ကိုင်နေထိုင်မှုဘ၀ (Associational Life in Burma/ Myanmar) ”ကျမှသာ ကောင်းကွက်ကို စတွေ့ရပါသည်။ နိုင်ငံတော်အပိုင်းမဟုတ်သည့် လူမှုအရပ်ဘက်အသင်းအဖွဲ့များ၏ အသုံးဝင်လှသော သမိုင်းကို တွေ့ရပြီး ၎င်းတို့က နိုင်ငံတော်အပိုင်းကို စိန်ခေါ်ကာ မြန်မာ လူမှုအဖွဲ့အစည်း၏ စရိုက်လက္ခဏာအမှန်ကို ထိန်းသိမ်းထားကြပုံ၊ ထွေပြားစွာ တည်ရှိဖြစ်ပေါ်နေပုံကို တွေ့ကြရပါသည်။ ကျော်ရင်လှိုင်က အသေးစိတ်သမိုင်းအချက်အလက်များမှ ဆွဲထုတ်ဖော်ပြခဲ့ပြီး သူ၏တင်ပြချက်များကို ခိုင်လုံစေရန် အင်တာဗျူးများဖြင့်လည်း ဖြည့်စွက်ထားပါသည်။ ဤအခန်းတွင် ဆွေးနွေးချက်များသည် မြန်မာများမှဖြစ်စေ၊ နိုင်ငံခြားသား များမှဖြစ်စေ ပို၍သုတေသနပြုဖြည့်ဆည်းသင့်သည့် ခေါင်းစဉ်အကြောင်းအရာလည်း ဖြစ်ပါသည်။

တင်မောင်မောင်သန်းရေးသားသော လူသားလုံခြုံရေးဆိုင်ရာ စိန်ခေါ်ချက်ပြဿနာများ စာတမ်းမှာလည်း ပြည့်စုံ၍ အထူး အသေးစိတ်ဖော်ပြထားပါသည်။ အစိုးရ၏ အမြင်၊ နိုင်ငံတကာအဖွဲ့အစည်းများ၏ အမြင်၊ ပြည်ပရောက် အတိုက်အခံ အင်အားစုများ၏အမြင် စသဖြင့် ချိန်ညှိမျှတစွာ ဖော်ပြထားသည်ကို ရှားရှားပါးပါး တွေ့ရပါသည်။ ထို့အပြင် ဤရေးသားဖော် ပြချက်သည် မြန်မာပြည်သူများခံစားနေကြရသော လူမှုဒုက္ခအပေါင်းကို ပညာရပ်ဆိုင်ရာ ဆွေးနွေးပွဲများအတွင်းသို့ ဆွဲသွင်း ရန် ကြိုးပမ်းလာသော ဆောင်ရွက်ချက်တခုလည်း အနည်းဆုံး ဖြစ်နိုင်ပါလိမ့်မည်။ ဤအခန်း ၂ ခန်းသည်သာ စာအုပ်၏ အဓိကကျသော တင်ပြချက်များဖြစ်ပြီး ၎င်းစာတမ်းများပါနေသောကြောင့်သာ ၀ယ်သိမ်းထားသင့်သောစာတအုပ်ဖြစ်လာ စေပါသည်။

နောက်ပိုင်းအခန်းများတွင် ကာလကြာရှည်ဖိနှိပ်ချိုးနှိမ်ထားခံရသော တိုင်းရင်းသားလူမျိုးစုများ၏အသံကို နိုင်ငံတော်၊ လူမှု အဖွဲ့အစည်း အယူအဆနှင့်ယှဉ်၍ တင်ပြခဲ့ပါသည်။ ရပ်ရွာအတွင်း စီမံခန့်ခွဲမှုလုပ်ငန်းများ၏ အကျိုးဖြစ်ပုံကိုလည်း ဖော်ပြ နိုင်ခဲ့ပါသည်။ အလန်စောဦးက ရန်ကုန်နေကရင်လူထုများ၏ ငြိမ်းချမ်းရေး ဖြစ်ပေါ်လာစေရေးအတွက် ကြိုးပမ်းဆောင်ရွက် ချက်များကို အသေးစိတ်ဖော်ပြထားပါသည်။ အလားတူ ဂျနန် လာထော်ကလည်း ကချင်လူမျိုးများဖွဲ့စည်းထားသော “ရှာလုံ ဖောင်ဒေးရှင်း”အကြောင်းနှင့် ကချင်ပြည်နယ်အတွင်း ငြိမ်းချမ်းရေးဆွေးနွေးပွဲများနှင့် ဖွံ့ဖြိုးရေးလုပ်ငန်းများတွင် ၎င်း၏ အခန်းကဏ္ဍကို ဖော်ပြခဲ့ပါသည်။

ဤဖော်ပြချက်များသည် အလျင်စလိုထုတ်လာသော ဖော်ပြသုံးသပ်ချက်များဖြစ်ပြီး စာတမ်း ၂ စောင်လုံးက လက်ခံနိုင်ဖွယ် တင်ပြချက်များကို ပြုခဲ့ကြပါသည်။ ဤအမြင်များသည် နယ်စပ်နှင့် ပြည်ပရှိ အတိုက်အခံများ၏ အမြင်များနှင့် တူညီမှု ရှိနေပြီး မြန်မာနိုင်ငံ၏ ဆင်းရဲမွဲတေမှုကြီးထွားနေသောအခြေအနေနှင့် လူ့အဖွဲ့အစည်းအတွင်း ယုံကြည်မှုကင်းမဲ့နေ ကြသော အခြေအနေပပျောက်စေရန် အဖြေအဖြစ် အနာဂတ်ဖွံ့ဖြိုးရေး လုပ်ငန်းများတွင် စုပေါင်းညှိနှိုင်းနည်းကို သုံးရန် လိုမည်ဟုလည်း ဖော်ပြခဲ့ ကြပါသည်။
စိုင်းခမ်းမုန်းက ရှမ်းပြည်နယ်နှင့်ပတ်သက်၍ တင်ပြလာသည်။ ဆယ်စုနှစ်ပေါင်းများစွာကြာ ရှုပ်ထွေး မသဲမကွဲမြင်နေရသော အခြေအနေများအပြီးမှ ပေါ်ထွက်လာခြင်းဖြစ်၍ များစွာကြိုဆိုဖွယ်ဖြစ်သော်လည်း ကံမကောင်းအကြောင်းမလှစွာပင် ထင်သည့်အတိုင်း မဖြစ်ခဲ့။ ၀နှင့် ကိုးကန့်ဒေသများ အပစ်အခတ်ရပ်စဲရေးပြီးနောက်ပိုင်း အခြေအနေကိုသာ ပို၍ အလေးပေး ဖော်ပြထားခဲ့ပြီး ရှမ်းပြည်နယ်၏ ရှုပ်ထွေးများပြားလှသော တိုင်းရင်းသားလူမျိုးများ အခြေအနေနှင့် မပြီးမစီးနိုင် ပဋိပက္ခများ အကြောင်းကိုမူ မျှတအောင် သုံးသပ်ဖော်ပြမှုအနည်းငယ်သာ တွေ့ခဲ့ရပါသည်။

စာတည်းဖြတ်သူ ပညာရှင် ၂ ဦးကလည်း ဤရွေးချယ်ဖော်ပြထားသော စာစုပေါင်းကို ဦးတည်ချက်ဆုံရပ်တခုသို့ရောက်စေ ရန် ဆောင်ကြဉ်းပေးနိုင်ရေးအတွက် ပျက်ကွက်ခဲ့ပါသည်။ ထို့အပြင် မကြာခဏဆိုသလို သဒ္ဒါအထားအသိုနှင့် အခြားအမှား များကိုလည်း တွေ့ကြရပါသေးသည်။ ဥပမာအားဖြင့်- ဒေါ်အောင်ဆန်းစုကြည်ကို “ပြစ်မှုကျူးလွန်သော ဒီမိုကရေစီ ဘက်တော်သား” ဟု ဖော်ပြခြင်းမျိုး ဖြစ်ပါသည်။ (မြန်မာနိုင်ငံတွင် ဤသို့သောဥပဒေပြဌာန်းချက်ရှိသည်ဟု မိမိ မထင်ပါ) ထို့အပြင် ဒေါ်အောင်ဆန်းစုကြည် နိုဘဲလ်ဆုရသောခုနှစ်ကိုလည်း ၁၉၉၅ ခုနှစ်ဟု ဖော်ပြထားပါသည်။ အမှန်မှာ ၁၉၉၁ ခုနှစ် ဖြစ်ပါသည်။
အမှန်ပြောရလျှင် ဤစာတမ်းပေါင်းချုပ်သည် နောက်ဆုံးအခန်းများ၌ ၎င်း၏အနှစ်သာရ ပျောက်သွားသည်ဟု ဆိုရပါလိမ့် မည်။

ခင်ဇော်ဝင်း၏ စိတ်အလိုလိုက်၍ ရှေ့နောက်မညီသော၊ စီးပွားရေး ပိတ်ဆို့အရေးယူမှုကို ဆန့်ကျင်ဖော်ပြထားသော ထိုးဇာတ်သဖွယ် စာတမ်းမှာ စီးပွားရေးပညာသဘောအရ မေးခွန်းများစွာ ကျန်ရှိပါသည်။ ယဉ်ကျေးမှုကို အဓိကထားသည့် အမျိုးသားရေးဝါဒဘက် ကဲလွန်းနေပြီး (နိုင်ငံခြားသားမုန်းတီးရေးဘက်သို့ပင် ယိမ်းနေသည့်သဘော ရှိနေပါသည်။) စွန့်စား ရေးကဲသော ပညာရှိပဏ္ဍိတ်၏ဟောချက်သဖွယ် ဖြစ်နေသည်။ ငါ့စကားနွားရ ပြောရေးဆိုခွင့်ရထားသယောင် ဟန်ဆောင် နေသည်ဟုထင်မြင်မိပါသည်။

ဤသို့ကြမ်းတမ်းပြင်းထန်သည့် စကားလုံးများက ညနေစာစားပွဲတွင် ရှည်လျားစွာ စကားကောင်းပြောဆိုပြေလည်လာကြပြီး မှ အဆုံးတွင် ငြင်းခုန်မှုတချို့ကြောင့် ရုန်းရင်းဆန်ခတ် အဆုံးသတ်ရလိုက်ပုံမျိုး၊ နောက်တနေ့မှ နောင်တပြန်ရနေရမည့် အဖြစ်မျိုးနှင့် ဆင်တူနေပါသည်။ မည်သို့ပင်ဖြစ်စေ ဤအခန်း၏ ချို့ယွင်းအားနည်းချက်တခုတည်းကြောင့် မဟုတ်ပါ။ အခြား အားနည်းချက်များကြောင့်လည်း ဤစာအုပ်သည် နောက်ဆုံး အပြည့်အစုံမတင်ပြနိုင်သည့် တ၀က် တပျက် စုဆောင်းထား ရသည့် အိုင်ဒီယာများကို ပြီးစလွယ်လွှတ်လိုက်ရသည့် အခြေအနေမျိုး ဖြစ်သွားစေခဲ့ပါသည်။

၂၀၀၇ ခုနှစ် ဇူလိုင်လထုတ် ဧရာဝတီ မဂ္ဂဇင်းမှ David Scott Mathieson ရေးသားသော A Half-Stocked Marketplace of Ideas ကို ဆီလျော်အောင် ပြန်ဆိုဖော်ပြပါသည်။

ဒေးဗစ်စကော့ မက်သီဆင်သည် နယူးယောက်မြို့ အခြေစိုက် လူ့အခွင့်အရေးလေ့လာစောင့်ကြည့်ရေးအဖွဲ့ (Human Rights Watch) တွင် မြန်မာနိုင်ငံရေးရာ အကြံပေးအဖြစ် တာဝန်ယူနေသူ ဖြစ်ပါသည်။

book review by Ko Ko Thet 1

ပြန်လမ်းမရှိသောမြစ်
ကိုကိုသက် ဇူလိုင် ၁၉၊ ၂၀၀၇

၁၈၈၉ ခုနှစ်တွင် အင်္ဂလိပ် စာရေးဆရာကြီး ရုဒယပ် ကစ်ပလင်က ဧရာဝတီမြစ်မကြီးကို ဦးစွာတွေ့မြင်ခဲ့စဉ် “ခြေရာဖျောက် မြစ်တစ်စင်းကို ကြည့်နေရသည်ဟု ကျနော်၏စိတ်အာရုံတွင် ထင်မြင်လာပါ သည်။ လွန်ခဲ့သောသုံးနှစ်အတွင်းက ကျနော်နှင့် ရင်းနှီးကျွမ်းဝင်သူ လူများစွာတို့ ဤလမ်းကြောင်းအတိုင်း ခရီးသွားခဲ့ကြသည်။ ဘယ်သောအခါမှ ပြန်လာကြမည် မဟုတ်တော့” ဟု လွမ်းမောဖွယ် ရေးခဲ့ဖူးသည်။

ဤသို့ အဓိပ္ပာယ်ထွေပြား၍ ကဗျာဆန် လှပသည့် “ခြေရာဖျောက်မြစ်” ဟူသော စကားစုသည် သန့်မြင့်ဦးရေးသားသော ကိုယ်တိုင်ရေး အတ္ထုပ္ပတ္တိဆန်ဆန် မြန်မာ နိုင်ငံသမိုင်းစာအုပ်သစ်အတွက် စာအုပ်ခေါင်းစဉ်ဖြစ်လာပါသည်။ စာရေးသူသည် ပညာရှင်ဆန်သည့်အပြင် အလွန်လည်းခန့်ညားလှသော “ခေတ်မီမြန်မာနိုင်ငံကို တည်ဆောက်ခြင်း” (The Making of Modern Burma) ဟူသည့် စာအုပ်ကိုလည်း ရေးသားခဲ့သူဖြစ်ပါသည်။ (ထိုစာအုပ်ကို ကိန်းဘရစ်တက္ကသိုလ် ပုံနှိပ်တိုက်က ၂၀၀၁ ခုနှစ်တွင်ထုတ်ဝေခဲ့သည်။)

သာမန်စာဖတ်ပရိသတ်အတွက် ဦးတည်ထုတ်ဝေသော သူ့စာအုပ်သစ်တွင် သန့်မြင့်ဦးသည် မြန်မာ့သမိုင်း နောက်ခံကားကို သမိုင်းဝင်မှတ်တမ်းများ၊ ခရီးသွား အတွေ့အကြုံများနှင့် မျိုးရိုးစဉ်ဆက် သမိုင်းကြောင်း လေ့လာချက်တို့ဖြင့် နှိုင်းယှဉ်ချိန် ထိုး တင်ပြထားပါသည်။

၁၈၂၀ ခုနှစ်များ နှောင်းပိုင်းတွင် ဖြစ်ပွားခဲ့သော ပထမ အင်္ဂလိပ်-မြန်မာ စစ်ပွဲသည် ကုန်းဘောင်မင်းဆက်အတွက် ကနဦး ထိုးနှက်ချက်ဖြစ်ပါသည်။ ထိုစစ်ပွဲပြီး နောက်တွင် အင်းဝနန်းတော်မှပညာရှင်များနှင့် ဗုဒ္ဓဘာသာဘုန်းတော်ကြီးများက ဦးကုလား၏ မြန်မာမင်းများမဟာရာဇာဝင် ကို ပြန်လည်သုံးသပ်တည်းဖြတ်ကာ အသစ်ပြန်လည်စီရင်ခဲ့ကြပါသည်။ သို့ဖြင့် မှန်နန်းမဟာရာဇ၀င်ကျမ်း ပေါ်ထွက်လာခဲ့ ရပါသည်။

သန့်မြင့်ဦးကလည်း “တိုင်းပြည်ရဲ့အနာဂတ် မရေမရာဖြစ်နေတဲ့အချိန်၊ ပစ္စုပ္ပန်မှာလည်း အရမ်းခက်ခဲကျပ်တည်းနေတဲ့ အချိန်မျိုးမှာဆိုရင်တော့ အံဝင်ခွင်ကျလုပ်ရမယ့်အလုပ်က အတိတ်သင်ခန်းစာတွေကို ပိုပြီးသေသေချာချာ လေ့လာသုံးသပ် ဖို့ပဲ ဖြစ်ပါတယ်”ဟု အားတက်သရော ပြောပါသည်။ ထိုအယူအဆသည်ပင် ဤစာအုပ်ရေးသားရခြင်းအတွက် သန့်မြင့်ဦး ကိုယ်တိုင်၏ ယုံကြည်ချက်လည်း ဖြစ်နေနိုင်ပါသည်။

ဤစာအုပ်၏အခန်းတခန်းတွင် မြန်မာနိုင်ငံ၏ လူ့ယဉ်ကျေးမှု ဖြစ်ပေါ်တိုးတက်မှုအခြေခံနှင့်ပတ်သက်၍ ရေးသားထားရာ တွင် မှန်နန်းမဟာရာဇ၀င်ကို မြန်မာစာဖတ်ပရိသတ်၏ ရင်ထဲသို့ ပြန်လည်စွဲထင်လာရန် သမိုင်းဆရာ၏ အားထုတ်မှုကို တွေ့ရပါသည်။ သူက မြန်မာလူမျိုးတို့၏ ရှေးပဝေသဏီကပင် စတင်လာခဲ့သော သမိုင်းထိုးမှတ်တမ်းတင်ကြသည့် အစဉ် အလာကို အတည်ပြုခဲ့ပြီး သုတေသန တွေ့ရှိချက်များနှင့် နှိုင်းယှဉ်ချိန်ထိုးပြီး ပံ့ပိုးထောက်ပြခဲ့ပါသည်။ သူ၏ တွေ့ရှိချက် များက ဧရာဝတီမြစ်ဝှမ်းလွင်ပြင်၏ လူ့ယဉ်ကျေးမှုဖြစ်ပေါ်တိုးတက်မှုသည် လွန်ခဲ့သော နှစ်ပေါင်း ၃,၅၀၀ ကတည်းက တည်ရှိခဲ့ သော ရှေးဟောင်းအီဂျစ်ဘုရင်နိုင်ငံများနှင့် သက်တမ်းတူသည်ဟု ညွန်ပြထားပါသည်။

သန့်မြင့်ဦးသည် ထိပ်ဆုံးမှထင်ရှားကြီးကျယ်သောပုဂ္ဂိုလ်များ၏ရုပ်ပုံလွှာများမှတဆင့် သမိုင်းကို ချဉ်းကပ်သည့်နည်းကို အသုံးပြု၍ အတိတ်နှင့်ပစ္စုပ္ပန်၊ ပုဂ္ဂိုလ်ရေးနှင့် နိုင်ငံရေး၊ ပြည်တွင်းနိုင်ငံရေးနှင့် ကမ္ဘာ့နိုင်ငံရေးဖြစ်စဉ်များ အကြား လူးလာ ခေါက်တုံ့ အပြန်အလှန်သုံးသပ်ပြီးနောက် မြန်မာနိုင်ငံ၏အနေအထားကို ကမ္ဘာ့ရေးရာ အဖြစ်အပျက်များအကြားတွင် ထားရှိ ချိန်ထိုး ပြခဲ့ပါသည်။ တင်ပြပုံတွင်လည်း ဆရာကြီး ဂျီ-အီး-ဟာဗေး (G E Harvey) ၏ ဂန္ထ၀င်မြောက် မြန်မာနိုင်ငံ သမိုင်း (Classic History of Burma) နှင့် အေ-တီ-ကျူ စတူးဝပ် (A T Q Stewart) ၏ စေတီပုထိုးများတိုက်ပွဲ (The Pagoda War) စာအုပ်များကို အမှတ်ရစေလောက်သော သူတို့၏သြဇာရိပ်လွှမ်းနေသေးသော အရေးအသား တင်ပြဟန် မျိုးတို့ဖြင့် ရှေးခေတ်မြန်မာဘုရင်နိုင်ငံများ၏ အတက်နှင့် အကျကို ထင်လင်းစွာ သရုပ်ဖော်သွားခဲ့ပါသည်။

၁၉ ရာစုအလယ်ပိုင်းလောက်တွင် မင်းတုန်းမင်းကြီးက “တဆင့်ထက်တဆင့်ပို၍ ဥရောပလွှမ်းမိုးမှု များလာနေသော၊ အမြန်အဆန်ဖြစ်ပေါ်ပြောင်းလဲလာနေသော ကမ္ဘာကြီးနှင့် လိုက်လျောညီထွေဖြစ်ရန် လိုအပ်ကြောင်း”ကို နားလည်နေခဲ့ပြီ ဖြစ်သည်။ သမိုင်းဆရာက မင်းတုန်းမင်းကြီး၏ ခေတ်မီရေးပြုပြင်ပြောင်းလဲမှုသည် ထိုစဉ်က ကမ္ဘာတ၀န်းမှ ခေတ်ပြိုင်နိုင်ငံ များ၏ ပြုပြင်ပြောင်းလဲမှုများနှင့်တပြိုင်နက်တည်းဖြစ်ကြောင်းကို ထောက်ပြထားပါသည်။ ဂျပန်နိုင်ငံ၏ ၁၈၆၈ ခုနှစ် မေဂျီ ပြုပြင်ပြောင်းလဲရေး၊ မောင်းကွတ်ဘုရင်၏ ထိုင်းနိုင်ငံခေတ်မီရေး ပြုပြင်ပြောင်းလဲမှု၊ အီဂျစ်နိုင်ငံမှ မာမက်အလီဘုရင်၏ ပြုပြင်ပြောင်းလဲမှုများနှင့် မင်းတုန်းမင်းကြီး၏ ခေတ်မီရေးဆောင်ရွက်မှုသည် တချိန်တည်းတပြိုင်နက်တည်းဖြစ်သည်ကို လည်း ထောက်ပြသွားခဲ့ပါသည်။

မြန်မာမင်းများ၏ ပြုပြင်ပြောင်းလဲမှုများ မအောင်မြင်ရခြင်းသည် ဗြိတိသျှတို့က လွတ်လပ်စွာကုန်သွယ်ခွင့်ရရန် အတင်း အကျပ်တောင်းဆိုနေမှု၊ နန်းတွင်းအရှုပ်တော်ပုံများနှင့် ယူနန်ပြည်နယ်မှ ချင်မင်းဆက်တို့၏ ပန်းသေးလူမျိုးငယ်တို့အား လူမျိုးတုန်း သုတ်သင်ရှင်းလင်းမှုတို့ကြောင့် ဖြစ်ရသည်ဟု စာရေးသူကဆိုပါသည်။ ကံမကောင်းအကြောင်းမလှရှာသော ခေတ်မီရေးပြုပြင်ပြောင်းလဲမှုသည် မင်းတုန်းမင်းကိုဆက်ခံသော သီပေါမင်းလက်ထက်အရောက်တွင် အချုပ်အချာ အာဏာပိုင်စိုးမှု ဆုံးရှုံးခြင်းဆီသို့ ဦးတည်သွားခဲ့ရပါတော့သည်။

စာရေးသူက ၁၈၈၅ ခုနှစ်တွင် မြန်မာနိုင်ငံအား ဗြိတိသျှအိန္ဒိယအောက်သို့ ကိုလိုနီအဖြစ် သွတ်သွင်းသိမ်းပိုက်ပြီးနောက် ဖြစ်ပွားခဲ့သော နယ်ချဲ့ဆန့်ကျင်ရေးလှုပ်ရှားမှုများကိုလည်း ယခု အီရတ်တွင်ဖြစ်ပျက်နေသော အဖြစ်အပျက်များနှင့် နှိုင်းယှဉ်တင်ပြထားပါသည်။ ဗြိတိသျှအရာရှိတယောက်က “ဤနိုင်ငံသားများသည် အချို့က မင်းဆိုးမင်းညစ်များမှ လွတ်မြောက်အောင် ကယ်တင်သူများအဖြစ် မျှော်လင့်ခဲ့ကြသည့်အတိုင်း ကျွန်ုပ်တို့အား မကြိုဆိုခဲ့ကြပါ” ဟု နာကြည်း စကားဆို ခဲ့ပုံကိုလည်း ထည့်သွင်းဖော်ပြထားပါသေးသည်။ ထိုမှတ်ချက်သည် ယခုအီရတ်တွင်ဖြစ်ပျက်နေသော အနေအထားနှင့် ခပ်ဆင်ဆင် တူနေပါသည်။

စာအုပ်တွင်ပါသော စာရေးသူ၏ ကိုယ်တိုင်ရေးအတ္ထုပ္ပတ္တိတွင် သူ့ဘ၀ဖြစ်စဉ်၏ အမှတ်ရဖွယ်ရာများကို မကြာသေးမီက သူရင်ဆိုင်ခဲ့ရသည့် အတွေ့အကြုံများနှင့်လွန်းထိုးရက်ရှယ် တင်ပြသွားပါသည်။ သူ့စာဖတ်ပရိသတ်အား သူ့ဘ၀ကို ဒေါ်အောင်ဆန်းစုကြည်၏ ဘ၀နှင့်ယှဉ်ကြည့်စေလိုဟန်လည်း တူပါသည်။ သူသည် ကုလသမဂ္ဂ အထွေထွေ အတွင်းရေး မှူးချုပ်ဟောင်း ဦးသန့်၏မြေး ဖြစ်သည်။ ထို့အတွက်ကြောင့် သူနှင့် ဒေါ်အောင်ဆန်းစုကြည်တို့သည် မြန်မာ နိုင်ငံ၏ ထင်ရှားကြီးကျယ်သော နိုင်ငံခေါင်းဆောင်များ၏ မျိုးဆက်များမှ ဆင်းသက်လာသူများ အဖြစ် မျိုးရိုးဇာတိကို ပို၍ အသိအမှတ်ပြုခံလိုဟန်လည်း ရှိပါသည်။

၎င်းတို့နှစ်ဦးစလုံးမှာ အနောက်နိုင်ငံများတွင် ကြီးပြင်းခဲ့ကြပြီး အထူးအဆင့်မြင့် သော အနောက်တိုင်းပညာကိုလည်း လေ့လာဆည်းပူးခွင့်ရခဲ့သူများ ဖြစ်သည်။ သို့သော် ထို နေရာတွင်ပင် သူတို့၏တူညီမှု များ နိဂုံးကမ္ပတ် အဆုံးသတ်သွားပါသည်။ ယခုမူ ၎င်းတို့နေထိုင်ကြသော ပတ်ဝန်းကျင်နှင့် မြန်မာနိုင်ငံပြဿနာကို ချဉ်းကပ်ဖြေရှင်းပုံတို့သည် ဖြောင့်ဖြောင့်ကြီး ဆန့်ကျင်နေပါတော့သည်။
သန့်မြင့်ဦးက ၁၉၉၁ ခုနှစ်တွင် သူ ကိန်းဘရစ်တက္ကသိုလ်ရှိ ထရီနီတီကောလိပ်သို့ တက်ရောက်ခဲ့စဉ်က တက္ကသိုလ်တခု လုံးတွင် သူသိသောအခြားမြန်မာတဦးမှာ ပါစကယ် ခူးသွယ်တဦးတည်းသာရှိသည်။ ပါစကယ်ခူးသွယ်က နောက်ပိုင်းတွင် လူအများအံ့သြချီးမွမ်းကြရသော သူ၏အမှတ်ရချက်များကို စုစည်းတင်ပြထားသည့် “နတ်စိမ်းတို့၏မြေမှ သို့မဟုတ် မြန်မာ တဦး၏ စွန့်စားခန်း” (From The Land of Green Ghosts: A Burmese Odyssey) စာအုပ်ကိုရေးသားခဲ့သူ ဖြစ်ပါသည်။ ၂၀ ရာစုသို့ ရောက်လာသောအခါ ကိန်းဘရစ်တွင် မြန်မာကျောင်းသားဦးရေ ဒါဇင်ပေါင်းများစွာရှိလာပြီး ကိန်းဘရစ်မြန်မာ အသင်းကိုပင် ဖွဲ့စည်းထားနိုင်ခဲ့ကြပြီ ဖြစ်ပါသည်။

သန့်မြင့်ဦးသည် ဒေါ်အောင်ဆန်းစုကြည်၊ ပါစကယ်ခူးသွယ်တို့နှင့် ခြားနားသောအချက်မှာ ၁၉၈၈ ခုနှစ် အရေးတော်ပုံကို ပါဝင်ဖြတ်သန်းခွင့် မရလိုက်ခြင်းပင်။ အရေးအခင်းတွင်ဝင်မပါလိုက်ရခြင်းကြောင့် ထိုင်း-မြန်မာ နယ်စပ်သို့ သွားရောက်ခဲ့ပြီး ကျောင်းသားသူပုန်တပ်ဖွဲ့များနှင့်အတူနေထိုင်လှုပ်ရှားခဲ့ပါသည်။ ထိုကျောင်းသားသူပုန်တပ်ဖွဲ့ ၀င်များသည် သူ၏အဆိုအရ “မြန်မာအာဏာပိုင်တို့လက်မှ ထွက်ပြေးကြခြင်းမျိုးမဟုတ်ဘဲ အနောက်နိုင်ငံများမှ ၎င်းတို့အား လက်နက်တပ်ဆင်ပေးပြီး မြန်မာအစိုးရကို တိုက်ခိုက်ဖြုတ်ချရန် ကူညီလိမ့်မည်ဟူသော အားကိုးရာမဲ့ မျှော်လင့်ချက်ဖြင့် နယ်ခြားဒေသများသို့ ရောက်ရှိလာခဲ့ကြခြင်း” ဖြစ်ပါသည်။

သူနားလည်သည့် နယ်ပယ်၏ ပြင်ပမှကိစ္စရပ်များနှင့်ပတ်သက်၍ သန့်မြင့်ဦး၏ ရှုမြင်ကိုင်တွယ်ပုံမှာ အပေါ်စီးဆန်ပြီး အဆက်အစပ်ကင်းမဲ့လှပါသည်။ ထို့အပြင် တခါတရံ အထင်သေးသည့်အရိပ်အယောင်ပင် ပြလိုက်သေးသည်။ သို့သော် သူ့စာအုပ်သည် စိတ်ဝင်စားစရာ ဇာတ်လမ်းဇာတ်ကွက်များဖြင့် ပြည့်နှက်နေသည်မှာ အမှန်ပင်ဖြစ်ပါသည်။ စာရေးသူက “ဤစာအုပ်ကို ပညာရှင်များအတွက် ရည်ရွယ်ရေးသားခြင်း မဟုတ်။ ထို့အပြင် ယနေ့ မြန်မာနိုင်ငံ ပြဿနာကို အဓိက အားပြု ဝေဖန်ပိုင်းခြားထားသည့် စာအုပ်လည်းမဟုတ်ပါ။ မြန်မာနိုင်ငံ၏ အတိတ်ကာလဖြစ်ရပ်များအတွက် အညွှန်းမျှသာ ဖြစ်သည်။ မြန်မာနိုင်ငံ၏ လောလောလတ်လတ် ပြဿနာများကို ပိုသိကြသော်လည်း အရောင် အသွေးစုံလင်စွာဖြင့် လှပကြီးကျယ် ခမ်းနားခဲ့သော မြန်မာနိုင်ငံ၏အတိတ်သမိုင်းကို မေ့လျော့နေသူများအတွက် ရည်ရွယ် ရေးသားခြင်းဖြစ်ပါ သည်” ဟု ရှင်းလင်းစွာ မှတ်ချက်ပြုထားပါသည်။

မည်သို့ပင်ဆိုစေ နောက်ဆုံးအခန်းတွင် သမိုင်းဆရာသည် မြန်မာနိုင်ငံ၏ အနီးကပ်အနာဂတ်ကို ရဲရဲဝံ့ဝံ့ ၀င်ရောက်ခန့်မှန်း သွားပါသည်။ မြန်မာနိုင်ငံပြဿနာအပေါ် မှတ်ချက်အချို့လည်း ပြုသွားပါသည်။ ထို့အပြင် မျှော်လင့်ချက်ကင်းမဲ့နေသော မြန်မာနိုင်ငံကောက်ကြောင်းကားတချပ်ကိုပါ ရေးဆွဲသွားပါသေးသည်။

သူက ပြောသည်မှာ မြန်မာနိုင်ငံကို ဆက်၍ အထီးကျန်စေရေးအတွက် ပိတ်ဆို့ဖယ်ကြဉ်နေမည်ဆိုပါက (တနည်း သူဆိုလိုသည်မှာ အနောက်နိုင်ငံများ အနေဖြင့် သူ အကြံပြုတင်ပြထားသည့်အတိုင်း မြန်မာနိုင်ငံနှင့် ပြန်လည်ဆက်သွယ် ပူးပေါင်းဆောင်ရွက်မှုများ မလုပ်လျှင်) မြန်မာနိုင်ငံ သည် ၁၉၄၈ ခုနှစ် လွတ်လပ်ရေးရပြီး နောက်ပိုင်း မင်းမဲ့စရိုက် အခြေအနေဆီသို့ ပြန်လည်ဦးတည်သွားလိမ့်မည်ဟု ဟောကိန်းထုတ်သွားခဲ့ပါသည်။ ။

၂၀၀၇ ခုနှစ် ဇူလိုင်လထုတ် ဧရာဝတီ မဂ္ဂဇင်းမှ ကိုကိုသက်ရေးသားသော စာအုပ်ဝေဖန်ချက် River of No Return ကို ဆီလျော်အောင်ပြန်ဆိုဖော်ပြပါသည်။

ကိုကိုသက်သည် ဖင်လန် နိုင်ငံ ဟယ်လ်ဆင်ကီတက္ကသိုလ်တွင် ကမ္ဘာ့နိုင်ငံရေးကို လေ့လာနေသော မြန်မာသုတေသန ပညာရှင်တဦး ဖြစ်ပါသည်။