Network of People living with HIV/AIDS

from irrawaddy magazine

လူနာကွန်ရက် မြို့ကလေး
ဖြူဖြူသင်း

အညာဒေသ ကျောက်ပန်းတောင်းမြို့ကလေးဟာ စီးပွားရေး အချက်ချာကျပြီးတော့ အတော်လေးပဲ စည်ကားတယ် ဆိုရမှာပါ။ ပုပ္ပားတောင် အရိပ်ကြောင့်လည်း အခြားမြို့တွေထက် စာရင် အပူသက်သာတယ် ပြောရမှာပါ။ ချမ်းသာ ကြွယ်ဝ သူတွေလည်း လာရောက် စီးပွားရေးတွေ မြှုပ်နှံပါတယ်။

ဒီမြို့ကလေးမှာ လုပ်ငန်းရှင် တချို့က ဆယ်ဘီးကား ဘယ်နှစ်စီး ပိုင်တယ် ဆိုတာနဲ့ သူတို့ကြွယ်ဝမှုကို တိုင်းတာလေ့ ရှိတာက တော့ ထူးခြားနေပါတယ်။ တချို့ဆိုရင် ဒီလို ကုန်တင်ယာဉ် အစီး ငါးဆယ်၊ တရာလောက်ထိ ရှိတယ်လို့ ဆိုပါတယ်။ ဒီတော့ ဒီမြို့သား အတော်များများဟာ ယာဉ်မောင်း၊ ယာဉ်နောက်လိုက်အဖြစ်နဲ့ အသက်မွေးမှု လုပ်ကြပါတယ်။ အဲ့ဒီမှာတင် နယ်အနှံ့ကို ခြေဆန့်ဖို့ အကြောင်းဖန်လာတော့ပါတယ်။

သူတို့က တခါတရံ ကားမောင်းထွက်သွားလိုက်ပြီဆိုရင် ကုန်တွေကို ဟိုကနေ ဒီကို၊ ဒီကနေ ဟိုကိုပို့ ဆိုတာမျိုးတွေရှိတော့ လပေါင်းများစွာ ကြာအောင် အိမ်ပြန်မရောက်တဲ့ရက်တွေ ရှိပါတယ်။

သူတို့က သုံးဖြုန်းနိုင်တဲ့ ဝင်ငွေလည်း ရှိတော့ သူတို့ သွေးသား တောင့်တမှု ဖြစ်လာပြီ ဆိုရင် အဆင်ပြေတဲ့ မိန်းမနဲ့ အိပ်ကြတော့ တာပဲ။ ဒီတော့ ကျန်းမာရေးအသိကလည်း မရှိ၊ ကွန်ဒုံ ဆိုတာလည်း အလွယ် မရနိုင်တဲ့ လမ်းခရီးလို နေရာမျိုးမှာ အကာကွယ် မပါဘဲ ဆက်ဆံကြတယ်။ ခုခံကျရောဂါ ကူးစက်ပျံ့ပွားဖို့ သိပ်လွယ်တာပေါ့။ အိမ်ပြန်ရောက်ချိန်မှာ သူတို့က ကိုယ့်အမျိုးသမီးနဲ့ လည်း အကာအကွယ် မပါဘဲ ဆက်ဆံကြတယ်ဆိုတော့ ရောဂါပိုး ရှိရင် ကူးပြီပေါ့။ ကူးတာတွေလည်း အများကြီး ရှိပါတယ်။ အလုပ်တွေ ပင်ပင် ပန်းပန်း လုပ်ကိုင်၊ အိပ်ရာထဲ လဲ၊ အဲ့ဒီလို အဖြစ်များပါတယ်။

အရင်ကဆို ကလေးတွေကိုပါ ကူးတယ်။ အခုတော့ အသိရှိရှိ သတိရှိရှိနဲ့ နေထိုင်ကြဖို့ ကျမတို့က တပ်လှန့်ထားပေးတော့ သူတို့ရဲ့ ရင်သွေးတွေကို မကူးစက်အောင် အတော်အတန် ထိန်းသိမ်းနိုင်ပါပြီ။ ပွင့်ပွင့် လင်းလင်း ပြောဆိုဖို့ကိုလည်း ပညာပေးလိုက်တော့ သူတို့အတွက် အေကိုက်နေတယ် ဆိုတဲ့စကားကို နောက်ပြောင်စရာလိုလိုနဲ့ အတည်ပြောနေကြပါတယ်။ အေကိုက်တယ် ဆိုတာ အေအိုင်ဒီအက်စ် လို့ခေါ်တဲ့ ခုခံအားကျရောဂါရရှိတာကို ပြောတာပါ။

အဲ့ဒါကြောင့်လည်း ဒီမြို့က ဝေဒနာသည်တွေဟာ တခြားမြို့တွေထက် များနေသလားလို့ စဉ်းစားမိပါတယ်။ သူတို့တွေဟာ မီဒီယာ မှာ ပြောရမှာလည်း မကြောက်ကြပါဘူး။ သတင်းဌာနများက စာနယ်ဇင်းကျင့်ဝတ်အရ အမည်နာမ မတပ်ဘဲ အသံလွှင့်ရင် သူတို့ က တအား စိတ်ဆိုးကြပါတယ်။ မြို့ကလူတွေသိအောင်လို့ သတင်းဌာနနဲ့ အင်တာဗျူးတာ ဆိုပြီး သူတို့က ပြောချင်တာပါ။

ဒါဆိုရင် ပူပြင်းခြောက်သွေ့မိုးခေါင်တတ်တဲ့ ဒီမြို့ကလေးက ဝေဒနာသည်တွေ ဘယ်လောက် ပွင့်လင်းမှု ရှိသလဲ ဆိုတာ သိလောက် ပါပြီ။

အခြားမြို့တွေမှာ စီစဉ်ရ မလွယ်ကူတဲ့ လူနာကွန်ရက်တခုကို အဲ့ဒီမြို့မှာ ကျမတို့ လုပ်ထားပါတယ်။ လူနာတွေဟာ တဦးနဲ့ တဦး သိယုံမကပါဘူး။ သူတို့ အေကိုက်နေပြီ ဆိုပြီး တမြို့လုံးကိုလည်း သူတို့က ကြွေးကြော်ပါတယ်။ ဒါဟာ တစုံတရာ လိုချင်လို့ မဟုတ်ပါဘူး တဲ့၊ အကြောင်း အမျိုးမျိုးနဲ့ ရောဂါကူးစက်ခံရတယ် ဆိုရင် သူတို့ဆီ လာရောက် ဆက်သွယ်နိုင်အောင်လို့ပါ တဲ့။

တကယ်ကို မွန်မြတ်တဲ့ စိတ်ဓာတ်ပါ။ သူတို့ချင်း နားလည်မှု ကောင်းကောင်း ထားကြပါတယ်။ ဥပမာ ကျမတို့က သောက်ရမယ့် ဆေးတော့ ပို့လိုက်ပါရဲ့၊ အကြောင်း အမျိုးမျိုးကြောင့် ဆေးကမရောက်ဘူး၊ ကားက ပျက်နေတယ် ဆိုရင် သူတို့တွေက ကျမဆီ ဖုန်းဆက်ပါတယ်။ ဒီအခါမျိုးမှာ သူနဲ့ ထပ်တူညီမျှတဲ့ဆေး သောက်နေတဲ့တယောက်ဆီ လွှတ်လိုက်ပြီး ယူသောက်ခိုင်းလိုက်တာပဲ။ နောက် သူ့ဆေးရောက်တော့မှ သူက ပြန်ပေးပေါ့လေ။ အဲ့ဒါကြောင့် အတော်လေး အဆင်ပြေပါတယ်။

တယောက်နဲ့တယောက် ဖေးဖေးမမလည်း ရှိကြပါတယ်။ တယောက်ယောက်က ၀မ်းပျက် ၀မ်းလျှောနေတယ်၊ ညီအစ်ကို မောင်နှမတွေက ရွံတယ် ဆိုပြီး မလုပ်ပေးရင် သူတို့ထဲက တယောက်ယောက်က အဲ့ဒီလို အခြေအနေဆိုးနေတဲ့လူကို အားပေး စကား သွားပြောပေးတာ ပုဆိုး ထဘီ လျှော်ပေးတာမျိုး၊ ဓာတ်ဆား ၀ယ်ပြီးတော့ ဖျော်တိုက်တာမျိုး တနေကုန် လုပ်ကိုင်ပေးပြီး ညအိပ်ချိန်ရောက်မှ ကိုယ့်အိမ်ကိုယ် ပြန်အိပ်တာပါ။

တကယ်လို့များ မြန်မာနိုင်ငံ မြို့တော်တော် များများကသာ ဒီလောက် ပွင့်လင်းမယ်ဆို ရောဂါဆိုး တိုက်ဖျက်ရေးမှာ ပိုမို ထိရောက် မယ်လို့ ကျမတော့ ထင်မြင်နေမိပါတယ်။ အခုဆို ကျောက်ပန်းတောင်းမြို့လေးကနေ စလိုက်တဲ့ လူနာကွန်ရက်ဟာ အောင်လံ၊ တောင်တွင်းကြီး၊ ရေနံချောင်း၊ မကွေး၊ ၀မ်းတွင်း နောက် ဒီရန်ကုန်မှာပါ အောင်မြင်နေပြီ။ နောက်လည်း လူနာများတဲ့ နေရာတွေမှာ အောင်မြင်အောင် လုပ်ကိုင်နိုင်မယ်လို့ မျှော်လင့်ပါတယ်။

နောက်တခုက မြန်မာပြည်က စီးပွားရေးက အင်မတန် ကျပ်တည်းပါတယ်။ ဒီတော့ လူနာအသစ်တွေ ဆေးဝါးကုသမှု ခံယူချင် တယ်ဆို ကျောက်ပန်းတောင်းက လူနာဟောင်းတွေက အလှူငွေ လိုက်ကောက်ပြီး အင်တိုက် အားတိုက်လုပ်ပါတယ်။

ရန်ပုံငွေကို များများ တခါ ကောက်လိုက်ပြီးတော့ မသုံးပါဘူး။ ဈေးထဲမှာ ကုန်စုံဆိုင်လေး ဖွင့်ပြီး လူနာတွေ အလှည့်ကျ ထိုင်ပါ တယ်။ ကြီးကြပ်တာကတော့ ကျမတို့ အဖွဲ့ဝင် နှစ်ယောက်ပါ။ သူတို့ဆီမှာ ငွေအပ်၊ နောက် ဒီကို မလာနိုင်တဲ့လူနာတွေကို သူတို့ နှစ်ယောက်ဆီ လွှတ်ပြီး လမ်းစရိတ် တောင်းခိုင်းပြီး ရန်ကုန်ကို လွှတ်တတ်ကြပါတယ်။ ဒါကိုတော့ ရေနံချောင်း တမြို့တည်းပဲ လိုက်လုပ်နိုင်ပါသေးတယ်။

တောင်တွင်းကြီးလည်း ရံဖန်ရံခါတော့ လုပ်ပါတယ်။ ဒါပေမယ့် ကျောက်ပန်းတောင်းလောက် စိတ်ကူး စိတ်သန်း မကောင်းသေးပါ ဘူး။ ကျမကလည်း ကျောက်ပန်းတောင်းကို စံထားပြီး အခြားမြို့လေးတွေကို ပြုပြင်စရာရှိတာ လိုက်ပြုပြင်ပေးနေတာပါ။ ကျမ ဆရာလို ဖြစ်နေတာပေါ့။ ကျမ သွားလို့ ရဲရဲတင်းတင်း ကြိုဆိုရဲတာလည်း ဒီတမြို့ပဲ ရှိပါသေးတယ်။

ကျမ အဲ့ဒီကို နှစ်ခေါက် ရောက်ပါတယ်။ တခေါက်က ပညာပေး စည်းရုံးရေး ထွက်တာပါ။ နောက်တခါကတော့ ကျမ တိမ်းရှောင် နေရင်းနဲ့ ဘုရားဖူး ခရီးစဉ်တခုမှာ ရောက်သွားတာပါ။ ကျမကို နေရာအနှံ့ သူတို့ကိုယ်တိုင် လိုက်ပို့ပါတယ်။ မြို့ပေါ်က နာမည်ကြီး သူဌေးတွေဆီလည်း ခေါ်သွားပြီးတော့ မိတ်ဆက်ပေးတာပေါ့လေ။ သူတို့ အလှူခံကောင်းအောင်လားတော့ ကျမ မပြောတတ်ပါ ဘူး။

အဲ့ဒီမြို့ကနေ ပြန်ထွက်တော့ ညပိုင်းပေါ့။ မီးရောင် တထိန်ထိန်အောက်မှာ လက်ဖက်ရည်ဆိုင်တွေ၊ စားသောက်ဆိုင်တွေ ကာရာအိုကေ ခန်းတွေမှာ လူငယ်လေးတွေ ကွန်ဒုံ ဆောင်ပြီး နောက်ပြောင်နေတာတွေကို ကျမ မြင်ရ ကြားနေရပါတယ်။ မြို့လေးက နှုတ်ခွန်း ဆက်သပါတယ် ဆိုတဲ့ ဆိုင်းဘုတ်လေးကို ကြည့်ပြီး ကျမ လူနာတယောက် ပြောတာ သွားသတိရမိတယ်။ သူကတော့ အားပါးတရကြီးကို ပြောတာပါ၊

"မမဖြူရေ ကျမတို့ ရပ်ကွက်မှာတော့ တအိမ်ကျော် မုဆိုးမတွေချည်းပဲ" တဲ့။

interview with NEJ

HIV ဝေဒနာသည်တွေ သေဆုံးသွားလို့သာ လျော့နည်းသွားတာ ဖြစ်နိုင်တယ်
NEJ / ၂၂ ဒီဇင်ဘာ၂၀၀၉

အမျိုးသားဒီမိုကရေစီအဖွဲ့ချုပ်၏ HIV/AIDS ဝေဒနာရှင်များ ကူညီစောင့်ရှောက်ရေးနှင့် ပညာပေးရေး လုပ်ငန်းစဉ်များတွင် ဦးဆောင်လုပ်ကိုင်နေသူ မဖြူဖြူသင်းနှင့် ခေတ်ပြိုင် ဆက်သွယ်မေးမြန်းချက်။

မေး။ ။ မဖြူဖြူသင်းအနေနဲ့ HIV/AIDS ဝေဒနာရှင်တွေ ကူညီရေး လုပ်ငန်းစဉ်မှာ ဘယ်အချိန်က စတင်ပါဝင်လုပ်ဆောင်ခဲ့ပြီး ဘာကြောင့် ဒီလိုလုပ်ဆောင်ဖို့ ဆုံးဖြတ်ခဲ့တာပါလဲ။

ဖြေ။ ။ ၂၀၀၂ ခုနှစ်ကစပြီးတော့ အမျိုးသားဒီမိုကရေစီအဖွဲ့ချုပ်ရဲ့ လူငယ်ရေးရာတာဝန်ခံ ဒေါ်အောင်ဆန်းစုကြည်က HIV နဲ့ ပတ်သက်တဲ့သင်တန်းကို UNDP မှာ လူငယ် (၁၉) ဦးကို သင်တန်း တက်ခိုင်းတယ်။ သင်တန်းပြီးတဲ့အချိန်ကစပြီးတော့ ရုံးမှာ HIV-AIDS prevention and care ဆက်ရှင်လေးတခု ဖွင့်လိုက်တယ်။ လွန်ခဲ့တဲ့ (၇) နှစ်ကပေါ့။ ဒီလို ဆက်ရှင်လေး ကျမတို့ စဖွင့်လိုက်တယ်ဆိုကတည်းက လူနာတွေကလာရောက်ပြီး အကူအညီတောင်းကြတယ်။ ကျမတို့ကလည်း အဲဒီအချိန်က ပညာပေးဖို့ပဲ တတ်တယ်လေ။ ဆေးဝါးကုသမှုအပိုင်းဆိုတာ ကိုယ်နဲ့ စိမ်းနေတဲ့အနေအထားမှာ ရှိပါတယ်။ ဒါပေမယ့် သူတို့ကြုံလာတာက ဆေးဝါးကုသမှုအပိုင်း။ အဲဒီအချိန်မှာ ဒီလူနာတွေကို မြင်ပြီးတဲ့နောက် ကျမတို့ဘာလုပ်ရမလဲဆိုတာ စပြီးသိသွားပြီးနောက် သူတို့ရဲ့ ဆေးဝါးကုသမှုအခက်အခဲတွေ၊ သူတို့မိသားစုအခက်အခဲတွေကို ကူညီဖြေရှင်းပေးရင်းနဲ့ပဲ ဒီအလုပ်ကို လုပ်ကိုလုပ်ရမယ်ဆိုပြီး ဆုံးဖြတ်ချက်ချ လုပ်ခဲ့တာပါ။

မေး။ ။ ဒီအကူအညီပေးမှု လုပ်ငန်းကို ဘယ်လိုရပ်တည်နေပါသလဲ။

ဖြေ။ ။ ကျမတို့ ၂၀၀၂ ခုနှစ်ကစပြီး ဒီလုပ်ငန်းကို လုပ်ကတည်းက အချိန်တော်တော်များများထိ ၂၀၀၆၊ ၂၀၀၇ ခုနှစ်လောက်အထိ ကျမတို့တွေ စုပြီး ကိုယ့်အားကိုယ်ကိုး ကိုယ့်ငွေကြေးကိုယ် အကုန်လုံးရပ်တည်ရတယ်။ ကျမတို့ ဒီသင်တန်းတက်ထားတဲ့ သူတွေထဲက တတ်နိုင်တဲ့သူတွေရော၊ မတတ်နိုင်တဲ့သူတွေလည်း ဆွဲခေါ်ပေါ့။ အဲလိုနဲ့ ကိုယ့်ဘာသာစုပေါင်းပြီး ကိုယ့်ဘာသာ အကုန်ကျခံလုပ်လာတာပါ။ အခုနောက်ပိုင်း ဒီနှစ်ပိုင်းလေးကျမှသာ ကျမတို့ လုပ်ကိုင်ဆောင်ရွက်လာတာကို သိလာတဲ့ မိတ်ဆွေအပေါင်းအသင်းတွေက စိတ်ဝင်စားလာကြပြီး လှူကြတာမျိုးရှိလာတာပါ။

မေး။ ။ အစိုးရအနေနဲ့ရော ပူးပေါင်းဆောင်ရွက်မှု ရှိပါသလား။

ဖြေ။ ။ သူတို့ပူးပေါင်းဆောင်ရွက်ဖို့မပြောနဲ့ ကျမတို့ စလုပ်တဲ့ ၂၀၀၂ ခုနှစ်ကစပြီး ဒီနေ့အချိန်ထိပေါ့၊ တချိန်လုံး အနှောင့်အယှက် အမြဲတမ်းခံနေရတယ်။ ဝေဒနာသည်တွေကို ကျမတို့ စုပြီး အိမ်တွေငှားထားပေးရင်လည်း အိမ်တွေမှာ မနေရအောင် အမျိုးမျိုးနှောင့်ယှက်တာမျိုးတွေ၊ လူနာတွေအလှူအတန်းလုပ်ရင် လုပ်ခွင့်မပေးဘဲ အလှူအတန်းကို ပိတ်ပစ်တာမျိုးတွေ၊ ကျမတို့ ပညာပေးသူတွေကို ဖမ်းတာဆီးတာတွေ တလျှောက်လုံးလုပ်လာခဲ့တာပါ။ အခု ဒီနှစ်ပိုင်းလေးကျမှာပဲ သူတို့သိပ်အနှောင့်အယှက် မပေးတော့တာ။ အဲဒါတောင် သူတို့ဧည့်စာရင်းစစ်တာမျိုးတွေ လူနာတွေအိမ်ကို အမြဲတမ်းစောင့်ကြည့်တာမျိုးတွေကတော့ လုပ်နေဆဲပဲဆိုတော့ ပူးပေါင်းဆောင်ရွက်ဖို့ကတော့ ပိုဝေးတာပေါ့။

မေး။ ။ အစိုးရတရပ်အနေနဲ့ ဘာကြောင့် ပူးပေါင်းကူညီမှု မလုပ်တာလို့ မြင်ပါသလဲ။

ဖြေ။ ။ ကျမအမြင်ပေါ့နော်၊ အခု HIV/AIDS ကိစ္စမှ မဟုတ်ပါဘူး။ မြန်မာပြည်တွင်းမှာ ဘယ်ဟာနဲ့မှပတ်သက်ပြီး ဘာကိုမှ အကူအညီပေးတာ သိပ်မတွေ့ရဘူးလေ။ မြန်မာပြည်မှာဖြစ်နေတဲ့ ကျန်းမာရေး၊ ပညာရေး၊ လူမှုရေး၊ စီးပွားရေး အကုန်လုံးပါပဲ။ အားလုံးမှာ သူတို့ကိုယ်တိုင်က ပူးပေါင်းဆောင်ရွက်မှုမရှိဘူးလေ။ တခြားကိစ္စတွေမှာလည်း အစိုးရတရပ်အနေနဲ့ သူတို့က လုပ်ဆောင်ချက်က သိပ်မရှိဘူး။

မေး။ ။ ဒါပေမယ့် စစ်အစိုးရက မြန်မာနိုင်ငံမှာ HIV/AIDS ရောဂါဖြစ်ပွားမှုနှုန်း ကျဆင်းခဲ့တယ်လို့ ဒီနှစ် ကမ္ဘာ့ HIV/AIDS ရောဂါတိုက်ဖျက်ရေးနေ့မှာ ကြေညာခဲ့ပါတယ်။ ဒီလိုပြောဆိုတဲ့အပေါ် ဘယ်လိုမြင်ပါသလဲ။

ဖြေ။ ။ ကျမတို့မြန်မာပြည်မှာ HIV/AIDS နဲ့ ပတ်သက်ပြီး ပွင့်ပွင့်လင်းလင်း အခုအချိန်အထိ ဆွေးနွေးတာမျိုးတွေ၊ ပညာပေးတာမျိုးတွေ၊ သွေးစစ်တာမျိုးတွေ၊ နောက် တနိုင်ငံလုံးအတိုင်းအတာနဲ့ စာရင်းဇယား သေချာကောက်ယူတာမျိုးတွေ၊ စနစ်တကျ ဆေးဝါးကုသမှု ပေးနေတာမျိုးတွေက လုံးဝမရှိသေးဘူး။ မရှိသေးတဲ့အတွက် HIV နဲ့ ပတ်သက်ပြီး လျော့နည်း သွားတယ်ဆိုရင် HIV ဝေဒနာသည်တွေ သေဆုံးသွားလို့သာ လျော့နည်းသွားတာ ဖြစ်နိုင်တယ်။ သူတို့က ဘယ်စာရင်းကို ယူပြီးတော့ ဘယ်လိုလျော့နည်းသွားတယ်လို့ ပြောသလဲဆိုတာတော့ ကျမနားမလည်ဘူးပေါ့နော်။ ဒါက ကျမတို့ တကယ်လက်တွေ့ ဆောင်ရွက်လုပ်ကိုင်နေတဲ့ ပြည်တွင်းက လူတွေအမြင်ပါ။ ရန်ကုန်နဲ့ အနီးစပ်ဆုံးဒေသတွေ ခရမ်း၊ သုံးခွလို ဒေသမျိုးမှာတောင် ကွန်ဒုံသုံးစွဲရမှန်းမသိဘဲ ရောဂါကူးစက်နေတာတွေ အများကြီးရှိနေပါသေးတယ်။ အဲဒါတွေကို ကြည့်ခြင်းဖြင့် လျော့နည်းသွားတယ်လို့ မမြင်မိဘူး။

မေး။ ။ ဒါဆို အခုလက်ရှိ မြန်မာနိုင်ငံတွင်းမှာ HIV/AIDS ကူးစက်ရောဂါနဲ့ ပတ်သက်ပြီး ဘာတွေလုပ်ဖို့ လိုအပ်နေပါသလဲ။

ဖြေ။ ။ အစိုးရအနေနဲ့ ဒီရောဂါနဲ့ပတ်သက်လို့ ပညာပေးမှုတွေကို သတ်မှတ်တဲ့ နေရာလေးမှာပဲ လုပ်နေလို့ကတော့ အဆင်မပြေဘူး။ ဒါကို သူတို့ စီမံချက်တရပ်အနေနဲ့ ရေးဆွဲပြီးတော့ တိုင်းနယ်ပြည်နယ်အသီးသီးကိုရော ပညာပေးဖို့လိုတယ်။ ဒါပေမယ့် ကျမတို့မြန်မာပြည်က ပညာပေးမှုတခုတည်းနဲ့ သွားလို့မရတော့ဘူး။ ဘာဖြစ်နေလဲဆိုတော့ HIV နဲ့ပတ်သက်ပြီး မြန်မာပြည်မှာ လူတော်တော်များများ သေဆုံးနေကြတယ်။ ဒီလူတွေ အသက်ကယ်ဖို့အတွက်က ဆေးဝါးက လိုအပ်နေပြီ။ ပညာလည်းပေး၊ ဆေးဝါးလည်းကုမယ်ဆို တနိုင်ငံလုံးအတိုင်းအတာနဲ့ ထိထိရောက်ရောက်လုပ်မှပဲ အောင်မြင်မှာပါ။ အစိုးရတရပ်အနေနဲ့ ဦးဆောင်ပြီးလုပ်ဖို့ လိုအပ်နေသလို လုပ်လည်းလုပ်သင့်နေပါပြီ။ လုပ်မှလည်း ဒီရောဂါအခြေအနေကို ထိန်းချုပ်လို့ရပြီး လျော့နည်းသွားမှာပါ။

ဘိုကလေးဘက်တွေမှာဆို အပ်ပုန်းဆေးထိုးအပ်တွေကနေ HIV ကူးစက်မှုတွေ ဖြစ်နေတယ်။ ဒါမျိုးတွေကို ဥပဒေပြဋ္ဌာန်းရမှာ ဖြစ်ပါတယ်။ နောက်ပြီး လိင်ပိုင်းဆိုင်ရာကူးစက်မှုတွေ ရှိနေသေးတယ်။ ဆေးဝါးသုံးစွဲမှုကြောင့်၊ နောက်ပြီး မိခင်ကနေ ကလေးကို ကူးစက်မှု စတဲ့ အဆင့်ဆင့်ကူးစက်မှုတွေ အများကြီးရှိနေပါသေးတယ်။ တချို့ဒေသတွေမှာဆို အပ်ပုန်းသမားတွေက အာဏာပိုင်တွေနဲ့ပေါင်းပြီး ဆေးထိုးအပ်တချောင်းတည်း သုံးတာမျိုးတွေရှိနေပါတယ်။ sex worker တွေကို ဆေးစစ်ဆေးမှု လုပ်ပေးဖို့၊ တနိုင်ငံလုံးအတိုင်းအတာနဲ့ ကွန်ဒုံသုံးစွဲဖို့ ပညာပေးမယ်ဆိုတာမျိုးတွေကို အာဏာပိုင်တွေက လုပ်ဆောင်ဖို့ လိုအပ်ပါတယ်။ HIV/AIDS နဲ့ ပတ်သက်ပြီး လုပ်ကိုင်ဆောင်ရွက်ဖို့ဆိုရင် အစိုးရတရပ်အနေနဲ့ရော၊ အန်ဂျီအိုတွေအနေနဲ့ရော၊ ပြည်သူလူထုအားလုံးရော အသိစိတ်ဓာတ်ရှိရှိနဲ့ ပူးပေါင်းဆောင်ရွက်မှာပဲ ထိန်းချုပ်လို့ရမှာပါ။ HIV/AIDS ကိစ္စဟာ တကယ့်အမျိုးသားရေးကိစ္စ၊ လူသားတွေရဲ့ကိစ္စဖြစ်နေပါတယ်။ ပူးပေါင်းဆောင်ရွက်ကြဖို့လိုပါတယ်။

မေး။ ။ အခု အဖွဲ့ချုပ်ရဲ့ HIV/AIDS ဝေဒနာရှင်များ ကူညီစောင့်ရှောက်ရေးနဲ့ ပညာပေးရေး လုပ်ငန်းစဉ်အရ လုပ်ကိုင်ဆောင်ရွက် နေတဲ့အခါမှာ တွေ့ကြုံရတဲ့ ဝေဒနာရှင်တွေရဲ့ လက်ရှိအခြေအနေကို သိပါရစေ။

ဖြေ။ ။ ကျမတို့တွေ့တာတော့ ဧရာဝတီတိုင်းဘက်က တောချုံအုံကြား ရန်ကုန်နဲ့လည်း အလှမ်းဝေးတဲ့ နေရာတွေမှာ ဆေးထိုးအပ်တွေနဲ့ ကူးစက်နှုန်း အရမ်းများတာ တွေ့နေရတယ်။ မြန်မာပြည်အလယ်ပိုင်းတလျှောက်ဆိုလို့ရှိရင် လိင်နဲ့ပတ်သက်ပြီးတော့ အပျော်အပါးလိုက်စားရာကနေ ကူးစက်မှုနှုန်းတွေကို အများအပြားတွေ့နေရတယ်။ အရင်က အမျိုးသားတွေ ဖြစ်တာပိုများတယ်။ အခုနောက်ပိုင်းတော့ အမျိုးသား၊ အမျိုးသမီး တန်းတူလောက်ပဲ တော်တော်များမှာ တွေ့လာတယ်။ နောက် ကိုယ်ဝန်ဆောင်သယ်တွေရော၊ ကလေးတွေမှာပါ တော်တော်များများ တွေ့လာရတယ်။ ကျမတို့ဆီမှာ လူနာအသစ်တွေကတော့ နေ့စဉ်နဲ့အမျှ ရောက်နေတာပါပဲ။ ဖျာပုံတို့၊ ကျောက်ဆည်ဘက်တို့ စတဲ့ဒေသအသစ်တွေကပါ အခုလာနေကြတယ်။ တနေ့ကို (၂) ဦး၊ (၃) ဦး အနည်းဆုံးကတော့ ပုံမှန်ကိုရောက်တယ်။ အခုနောက်ပိုင်းဆို ကယားပြည်နယ်တို့၊ ချင်းပြည်နယ်တို့ဘက်တွေကတောင် လာကြတယ်။

မေး။ ။ မဖြူဖြူသင်းတို့အနေနဲ့ လာရောက်တဲ့ HIV/AIDS ဝေဒနာရှင်တွေကို ဘယ်လိုအကူအညီမျိုးတွေ ဆောင်ရွက်ပေးတာပါလဲ။

ဖြေ။ ။ ကျမတို့လက်ရှိလုပ်နေတာက ကုသမှုအပိုင်းကို ဦးစားပေးပြီတော့မှ ပညာပေးမှုအပိုင်းက နောက်ကလိုက်တာပါ။ ကျမတို့ မြန်မာနိုင်ငံကတော့ တခြားနိုင်ငံတွေနဲ့မတူဘူး။ ကျမတို့က ပညာပေးမှုက အရမ်းကိုနောက်ကျနေပြီ။ အခုလက်ရှိ အခြေအနေမှာ ကျမတို့က ပညာပေးတာကို ဦးစားပေးလုပ်နေမယ်ဆိုရင် အခု HIV ဝေဒနာခံစားနေရတဲ့သူတွေက သေဆုံးကုန်တော့မယ်။ ဒါကြောင့် ကျမတို့က ဒီလူနာတွေရဲ့အသက်ကို ကယ်ပြီး ပညာပေးမှုကို လုပ်နေမယ်ဆိုရင်တော့ အဆင်ပြေမယ်။ ပညာပေးမှုချည်း သွားလုပ်နေမယ်ဆိုရင်တော့ HIV နဲ့ ပတ်သက်ပြီး မြန်မာပြည်မှာ သိပ်ထိရောက်မှု ရှိလိမ့်မယ်လို့ မမြင်ဘူး။ ဆေးဝါးကုသမှုကနေ ပညာပေးသွားလို့ရပါတယ်။ ကျမတို့ ဖွင့်ထားတဲ့ အိမ် (၃) အိမ်မှာ လက်ရှိ လူနာအယောက် (၁၀၀) နီးပါးရှိပါတယ်။

နယ်ကလူနာတွေ တည်းခိုဖို့ နောက်ကုသမှုနဲ့ပတ်သက်လို့ ဆရာဝန်တွေ ရှိတယ်။ ဆက်သွယ်ပေးတယ်။ နောက်လိုအပ်တာတွေ ဆေးဝါးပေးနိုင်သလောက်ပေးတယ်။ ဆေးဝါးကုသရာမှာ မှန်ကန်တဲ့လမ်းကြောင်းပေါ်ကို ရောက်ဖို့ရော အားလုံးကို ကူညီဆောင်ရွက်ပေးပါတယ်။ အန်ဂျီအိုတွေဆီလည်း ပို့ပေးပါတယ်။ ARV ဆေးရနိုင်တဲ့ နေရာတွေကိုပေါ့နော်။ သူတို့ ဆေးဝါးကုသမှုအပိုင်းကို ကျမတို့အားလုံး ပူးပေါင်းဆောင်ရွက်ပေးပါတယ်။ ကျမတို့ဆီရောက်လာသူတွေက
ရောဂါတွေကလည်း အနည်းဆုံး သုံးလေးမျိုးလောက် ဖြစ်နေကြတယ်။ မိသားစုက စွန့်ပစ်လိုက်တဲ့သူတွေတောင်ရှိပါတယ်။ အဲဒါမျိုးဆို သေဆုံးသွားတဲ့အထိ ကျမတို့က အားလုံးတာဝန်ယူ လုပ်ဆောင်ပေးပါတယ်။

သူတို့က ဒီမှာ ဆေးဝါးကုသမှုယူတယ်။ သက်သာသွားရင်၊ ကျန်းမာရေးကောင်းရင် သူတို့ဒေသပြန်ပြီး လုပ်လက်စအလုပ်တွေ ပြန်လုပ်ကြပါတယ်။ သူတို့ကို လက်ရှိတော့ ကျန်းမာရေးကောင်းတဲ့အထိ ဒီမှာထားထားတယ်။ နောက် အန်ဂျီအိုတွေ၊ ဆေးခန်းတွေ၊ ဆေးရုံတွေကို ကျမတို့လိုအပ်သလို ပို့ပေးပြီး ARV ဆေးသောက်ပြီး စိတ်ချရပြီဆိုရင် သူတို့နေရပ်ကို ပြန်ကြတာပေါ့။ ကျမတို့ အကူအညီပေးခဲ့တဲ့ ဝေဒနာရှင်ပေါင်းဟာ အခုအချိန်ထိဆို (၃) ထောင်နီးပါးရှိနေပါပြီ။ ဒါက ကျမတို့နဲ့ တိုက်ရိုက်ထိတွေ့ပြီး ဆက်သွယ်မှုယူတာကို ပြောတာပါ။

မေး။ ။ အခုလုပ်ဆောင်နေတဲ့ လုပ်ငန်းမှာ ၀န်ထမ်းအင်အားနဲ့ ထိရောက်မှုအတိုင်းအတာကို သိပါရစေ။

ဖြေ။ ။ အခုလောလောဆယ်တော့ အဖွဲ့ချုပ်က လူငယ်တွေ ရှိပါတယ်။ တိုင်းနယ်ပြည်နယ်အသီးသီးက လူငယ်တွေ (၅၈) ယောက်ရှိပါတယ်။ ဆရာဝန်အနေနဲ့ စေတနာ့ဝန်ထမ်းဆရာဝန်နဲ့ အဖွဲ့ထဲက ဆရာဝန်တွေရှိပါတယ်။ လူနာပြုစုစောင့်ရှောက် တာကတော့ ကျမတို့အဖွဲ့ဝင်တွေက လူနာရှင်တွေနဲ့ ပေါင်းပြီး လုပ်ကိုင်ဆောင်ရွက်ကြတယ်။ အခုလက်ရှိအခြေအနေမှာ လူနာတွေနဲ့ပတ်သက်လို့ ကျမတို့အနေနဲ့ ထိထိရောက်ရောက်နဲ့ မြန်မြန်ဆန်ဆန် လုပ်ကိုင်ဆောင်ရွက် တတ်လာတဲ့အခါကျတော့ စလုပ်တဲ့အချိန်က အခုချိန်ထိ လူနာတွေအတွက် ပိုအဆင်ပြေလာတယ်လို့ မြင်ပါတယ်။

မေး။ ။ အဓိက ရင်ဆိုင်နေရတဲ့ အခက်အခဲတွေ ရှိပါသလား။

ဖြေ။ ။ ကျမတို့ရင်ဆိုင်နေရတဲ့ အဓိက အခက်အခဲကတော့ ငွေကြေးအခက်အခဲပါပဲ။ ငွေကြေးမလုံလောက်တဲ့အခါကျ ကျမတို့အရမ်းပင်ပန်းတယ်။ လူနာတွေအတွက် ပင်ပန်းတာပါ။ ဒိထက်ပိုလုပ်ရမယ့်အလုပ်တွေ၊ လုပ်နိုင်တာတွေ အများကြီး ရှိတယ်။ ဒါပေမယ့် ထင်သလောက် မလုပ်နိုင်ဘူး။ တနိုင်ငံလုံး အတိုင်းအတာနဲ့ စနစ်တကျလုပ်မယ်ဆိုရင်တော့ အများကြီး လိုအပ်နေပါသေးတယ်။

မေး။ ။ ဒီ HIV/AIDS နဲ့ပတ်သက်ပြီး အဓိက ဘာပြောချင်ပါသလဲ။

ဖြေ။ ။ ခြုံငုံသုံးသပ်ရရင် ဒီရောဂါနဲ့ပတ်သက်လုိ့ လျော့ပါးသွားတယ်မဟုတ်ဘဲ ဆက်ပြီးကူးစက်နှုန်းရှိနေတယ်လို့ မြင်တယ်။ လက်ရှိမှာတော့ ARV ဆေးရသူတွေ သောင်းချီရှိပေမယ့် လိုနေတာက သိန်းချီလိုအပ်နေတာပါ။ ဒီရောဂါကူးစက်နှုန်းရော၊ သေဆုံးနှုန်းရော အခုထိ မြင်တွေ့နေရသေးတယ်။ ဒီရောဂါနဲ့ လူတော်တော်များများက သေဆုံးနေကြတယ်။

အစိုးရပိုင်းဆိုင်ရာကတော့ သတင်းစာတွေထဲမှာ ဘာတွေလုပ်တယ်၊ ဘယ်လိုလုပ်တယ်ဆိုတာ ပြောတာပေါ့။ ကျမတို့ မြင်တာကတော့ ထိရောက်မှုမရှိဘူးလို့မြင်တာပဲ။ အမှန်တကယ် ထိထိရောက်ရောက် လုပ်ဆောင်တယ်ဆိုရင် ဒီရောဂါဟာ တန့်သွားရမှာ။ အခုက ရောဂါလည်း တန့်မနေဘူး၊ ရောဂါဖြစ်တဲ့သူတွေကလည်း များလာတယ်။ နောက်နှစ်တွေမှာ ဘယ်လောက်ထိ တိုးလာမယ်ဆိုတာ ခန့်မှန်းလို့မရသေးဘူး။ ဒါကြောင့် မြန်မာပြည်မှာ ဒီရောဂါအခြေအနေဟာ ဒီအတိုင်း ဆက်သွားနေရင် အတော်ကို စိုးရိမ်ရတဲ့အခြေအနေမှာ ရောက်နေပါတယ်။

news from New Era Journal

အိပ်ခ်ျအိုင်ဗွီ ဝေဒနာရှင်များအတွက် ARV လိုအပ်ဆဲ
အောင်ထက်/ ၉ ဒီဇင်ဘာ ၂၀၀၉ ခေတ်ပြိုင်
http://www.khitpyaingnews.org/news/Dec09/091209f.php

အိပ်ခ်ျအိုင်ဗွီ ကူးစက်ခံရသူများအရေး ဆောင်ရွက်နေကြသည့် ရန်ကုန်မြို့အခြေစိုက် အန်ဂျီအိုများသည် တဖွဲ့နှင့်တဖွဲ့ ပွင့်လင်းရိုးသားစွာ အပြန်အလှန် ပူးပေါင်းဆောင်ရွက်ကြပြီး ARV ဆေးများ ပိုမိုဖြန့်ဖြူးနိုင်စေရန် ဆောင်ရွက်သင့်ကြောင်း အိပ်ခ်ျအိုင်ဗွီ/အေအိုင်ဒီအက်စ် ဝေဒနာရှင်များကို ကူညီစောင့်ရှောက်နေသူ မဖြူဖြူသင်းက ပြောသည်။

“3D Fund အနေနဲ့ အန်ဂျီအိုတွေကို ပံ့ပိုးနေတာ ဘယ်လောက်ကြာပြီလဲ မသိပါဘူး။ ဒါပေမယ့် AZG သဇင်ဆေးခန်းတွေကို ARV ချပေးတာ (၂) လလောက်ပဲ ရှိပါသေးတယ်။ ဒါကလည်း အကန့်အသတ်နဲ့မို့ လူနာတွေအတွက် ထိရောက်မှု အားနည်းနေပါသေးတယ်” ဟု ၎င်းက ပြောသည်။

ဗြိတိန်၊ သြစတြေးလျ ဦးဆောင် အန်ဂျီအိုတခုဖြစ်သည့် 3D Fund သည် မြန်မာပြည်အခြေစိုက် အန်ဂျီအိုများ၊ AZG ကဲ့သို့ သာကေတ (သဇင်)၊ လှိုင်သာယာ (သဇင်)၊ အင်းစိန် (သဇင်) ဆေးခန်းများသို့ ယခုလပိုင်းများအတွင်း ARV ဆေးဝါးများ ထောက်ပံ့လျက်ရှိသည်။

လက်ရှိအခြေအနေတွင် သာကေတ (သဇင်) ဆေးခန်းရှေ့၌ ARV ဆေးဝါးရရှိရေးအတွက် ကြိုတင်စာရင်းပေးသွင်းရန် စောင့်ဆိုင်းနေသော ဝေဒနာရှင်တို့မှာ နံနက် (၅) နာရီခန့်ကတည်းက ရောက်ရှိနေကြကာ နံနက် (၈) နာရီ ဆေးခန်းဖွင့်သည်နှင့် စုပြုံတိုးဝှေ့ပြီး ARV စာရင်းဝင်ရန် နေ့စဉ် ကြိုးစားနေရသည်ဟု အိပ်ခ်ျအိုင်ဗွီ ဝေဒနာရှင်များက ပြောသည်။

လာရောက်တန်းစီနေကြသော ဝေဒနာရှင်အများစုမှာ ရန်ကုန်မြို့ရှိ ရတနာ့မေတ္တာ၊ ပဲခူးမြို့ရှိ မာရီစတုတ် အင်တာနေရှင်နယ်၊ ဖျာပုံမြို့ရှိ SEG ကဲ့သို့ အန်ဂျီအိုများနှင့် ဆေးဝါးရယူရာတွင် အဆင်မပြေ၍ ယခုကဲ့သို့ ရောက်ရှိလာကြသူများဖြစ်သည်။

“အေအိုင်ဒီအက်စ်လူနာ ဘယ်လောက်များများ တနေ့မှ (၁၀) ယောက်ပဲ စာရင်းသွင်းနိုင်တယ်။ တခါတရံ ဆရာဝန်နည်းတဲ့ ရက်ဆို (၅) ယောက် (၆) ယောက်ပဲ စာရင်းဝင်တယ်” ဟု တာဝန်ကျ သူနာပြုတဦးက ပြောသည်။

ARV စာရင်းဝင်ပါက ဆေးစမ်းပြီး တလအတွင်း ARV ဆေး ရာသက်ပန်ရရှိမည်ဖြစ်သည်။

အင်းစိန် (သဇင်) ဆေးခန်း၌ ဒီဇင်ဘာလကုန်အထိ လူနာစာရင်းပြည့်နေပြီး လှိုင်သာယာ (သဇင်) နှင့် သာကေတ (သဇင်) ဆေးခန်းတို့၌ ဆေးဝါးကိုယ်တာ အနည်းငယ် ကျန်ရှိနေသေးသည်ဟု သိရသည်။

အဆိုပါ အခြေအနေကြောင့် အိပ်ခ်ျအိုင်ဗွီ/အေအိုင်ဒီအက်စ် ဝေဒနာရှင်တို့သည် အစိုးရအသိအမှတ်ပြု သဇင်ဆေးခန်းများ၌ ARV ရရှိနိုး၊ အန်ဂျီအိုများထံမှ ARV ရရှိနိုး စမ်းတ၀ါးဝါးဖြင့် အခက်အခဲမျိုးစုံကို ရင်ဆိုင်နေရသည်။

“အန်ဂျီအို အတော်များများဟာ လူနာတွေကို အတင်းကာရော Collect သာ လုပ်နေကြတယ်။ ARV ဆေးကို အလျဉ်မီအောင် ပေးနိုင်တာ မဟုတ်ဘူး။ သူတို့ကိုယ်တိုင် အလုံးစုံ အထောက်အပံ့ မပေးနိုင်ဘဲ လူနာတွေကို ဘယ်ကို မသွားရ၊ ဘယ်သူနဲ့ မဆက်သွယ်ရနဲ့ ချုပ်ကိုင်ထားကြတယ်။ ဒီတော့ ARV နဲ့ သက်တမ်းထိန်းနေရတဲ့ လူနာတွေဟာ စိတ်ဓာတ် တစစပျက်ယွင်းလာပြီး တဖြုတ်ဖြုတ်သေနေတယ်” ဟု မဖြူဖြူသင်းက ပြောသည်။

ရန်ကုန်မြို့၌ အိပ်ခ်ျအိုင်ဗွီ ဝေဘာဂီ ကူးစက်ဆေးရုံ၊ မင်္ဂလာဒုံ ကူးစက်ဆေးရုံတို့ရှိပြီး တနေ့လျှင် ပျမ်းမျှ လူနာ (၅၀) ခန့် သေဆုံးလျက်ရှိကြောင်း၊ ဆေးရုံဆေးခန်းမရောက်ဘဲ လူမသိ သူမသိ အသေခံနေသူတို့နှင့်ဆိုလျှင် တနိုင်ငံလုံး အတိုင်းအတာအရ နေ့စဉ် လူနာ ထောင်ချီ သေဆုံးဖွယ်ရှိသည်ဟု ပြည်တွင်းမှ အထူးကုဆရာဝန်ကြီးတဦးက သုံးသပ်သည်။

The faces of two HIV positive patients

by Phyu Phyu Thin
http://www.mizzima.com/edop/commentary/3089-the-faces-of-two-hiv-positive-patients.html

Friday, 27 November 2009 07:58

I would like to tell you the stories of two hapless and vulnerable HIV patients in Burma.

The first is a female farmer hailing from Magwe Division. She contracted the deadly virus from a blood transfusion after being admitted to a hospital for a miscarriage. Not knowing how she contracted HIV, she accused her husband of having unprotected extra-marital sex. She did not accept her husband's protestations and continued with her accusations against him.

The truth only set in once two visitors appeared at their home with frail bodies covered with sores. They had come to apologize and disclose that they had donated blood to the hospital before learning of their own HIV positive status. Both husband and wife were shocked and stunned. Our network member, Ko Parlay, then visited them and provided counseling services. After that, they were sent to me.

In this way, this lady reached me in Rangoon. She had no place to stay. Staying at a monastery was not convenient, so she was sent to a home owned by my father and to the AZG clinic run by Medicines Sans Frontier (MSF) – where she was provided with ARV, an HIV medication.

Initially, the medicine drove her insane. She would run through the streets naked.

At the time of the blood transfusion she received six bottles of blood. The hospital charged 20,000 kyats (US$ 20) for a screening test per bottle. So, she had to pay a total of 120,000 kyats to the hospital for this service.

"I can't understand. I can't understand the virus infected me through the blood transfusion. You said the virus infected me through a blood transfusion. It means I bought this disease with my 120,000 kyats," she told me.

Unfortunately, as I came to learn, the tainted blood was in a 'window period' with no detectable anti-bodies at the time of the screening test.

The second story I wish to relate involves a little child. He was only five when I met him, and had also contracted the virus through a blood transfusion. He was so lovely. His father is a Lance Corporal and his mother a school teacher. He had been admitted to Mingaladon Military Hospital with dengue fever.

His blood donor was a friend of his father’s and an individual donor on some 60 previous occasions. But no one knew he had unprotected sex with a sex worker before he gave his blood to this little child. The blood donor did not reveal the incidence to the doctors on duty, and the blood of such a well-known and regular donor was assumed to be safe.

A blame game ensued between the child's father and doctors. The hospital claimed the parents had infected the child.

I rushed with the parents to the National Blood Test Centre in order to protect them from an incorrect blood test report by the hospital. The subsequent blood tests came back negative.

I assisted them in suing the doctors and lodging a complaint with a child rights organization.

Eventually, his nun grandmother took him from us, saying everything that had happened to him was due to his pre-determined destiny. I was taken aback by the passivism of our people.

These stories are but two of the multitude of cases that have been brought to by attention.

(The writer is a member of the National League for Democracy (NLD) and a leading member of an HIV/AIDS awareness program)

RFA news on Dec 01, 2009

NLD အေအိုင်ဒီအက်စ်နေ့ အခမ်းအနား
2009-12-01 RFA

ဒီဇင်ဘာလ ၁ ရက်နေ့ ကျရောက်တဲ့ ကမ္ဘာ့အေအိုင်ဒီအက်စ်နေ့မှာ မြန်မာနိုင်ငံအတွင်း အိပ်ခ်ျအိုင်ဗီ ဝေဒနာသည်တွေကို အကူအညီပေးနေတဲ့ အန်အယ်လ်ဒီအဖွဲ့ဝင် လူငယ်တွေဖြစ်တဲ့ ကိုရာဇာနဲ့ မဖြူသင်းတို့က ခုခံအားကျဆင်းမှုရောဂါ ကူးစက်ခံရတဲ့ ဝေဒနာသည်တွေအတွက် အခမ်းအနားတရပ်ကို အမျိုးသားဒီမိုကရေစီအဖွဲ့ချုပ် ဗဟိုရုံးချုပ်မှာ ကျင်းပပေးခဲ့ပါတယ်။

ဒီအခမ်းအနားမှာ ရောက်နေတဲ့ ကိုရာဇာက သူတို့ ကြိုးပမ်းလုပ်ဆောင်နေရပုံနဲ့ တွေ့ကြုံနေရတဲ့ အခက်အခဲကို အာအက်ဖ်အေကို အခုလိုပြောပြပါတယ်။

ကိုရာဇာ။ ။'အခုလက်ရှိ ကျနော်တို့မြန်မာနိုင်ငံမှာ တခြားအဖွဲ့အစည်းတွေတော့ မပြောတတ်ဘူးဗျ။ လူသားချင်း စာနာမှုဆိုင်ရာ ဖြစ်စဉ်ကြီးထဲကနေ ကျနော်တို့ကို ဖယ်ထုတ်တယ်။ အစိုးရကလည်း ဖယ်ထုတ်တယ်၊ အန်ဂျီအိုတွေကလည်း ဖယ်ထုတ်တယ်။ ထုနဲ့ထည်နဲ့ ကျနော်တို့ ဒီထဲမှာ ပါဝင်ပတ်သက်နေတယ်။ ကျနော်တို့ကို အတင်းဖယ်ထုတ်လို့ မရဘူး။ ကျနော်တို့ကို ဖယ်ထုတ်လိုက်ရင် ဆိုးကျိုးတွေ အများကြီး ဖြစ်လာလိမ့်မယ် ဆိုတဲ့ရည်ရွယ်ချက်နဲ့ ဒီအခမ်းအနားလေးကိုလုပ်တာပါ။ လူတွေစိတ်ထဲမှာ ရှိနေတဲ့ ဒီရောဂါဝေဒနာသည်တွေအပေါ် မြင်တဲ့ ဆိုးရွားနေတဲ့အမြင် တွေကိုလည်း ဖယ်ထုတ်ဖို့လိုတယ်။ အများကြီးပဲ လိုအပ်တာတွေက။ ကျနော်တို့ အကုန်လုပ်ရမယ်ဗျ။ ကျနော်တို့ကို အန်အယ်လ်ဒီက နိုင်ငံရေးသမားတွေ ဘာညာ ဖြစ်နေတဲ့အခါကျတော့ ကျနော်တို့ကို ဘယ်အဖွဲ့အစည်းကမှ မချဉ်းကပ်ဘူး၊ ဘယ်သူကမှလည်း ပူးပေါင်းဆောင်ရွက်လိုစိတ် ရှိဟန်မတူဘူး။ အဲလို ဖြစ်နေတယ်။ ကျနော်တို့ကတော့ မည်သူနဲ့မဆို ပေါင်းမယ်။ အစိုးရနဲ့လည်း ပေါင်းမယ်။ အန်ဂျီအိုနဲ့လည်း ပေါင်းမယ်။ နိုင်ငံခြားရောက်နေတဲ့ မြန်မာမိတ်ဆွေတွေနဲ့လည်း ပေါင်းမယ်။ သို့သော် ကျနော်တို့ဆီကို မချဉ်းကပ်ကြဘူး၊ အဲလို ဖြစ်နေတယ်'

AIDS ဝေဒနာသည်တွေကိုအကူအညီပေးနေတဲ့ အန်အယ်လ်ဒီလူငယ် ကိုရာဇာပြောသွားတာပါ။

မဖြူဖြူသင်းကလည်း လူနာတွေအတွက် သူတို့အကူညီပေးနေတဲ့ နေရာမှာ အင်အား မလုံလောက်တာကြောင့် အစိုးရအနေနဲ့ရော နိုင်ငံတကာ အနေနဲ့ပါ အကူအညီတွေ ပေးစေချင်ကြောင်း ပြောပြပါတယ်။

မဖြူဖြူသင်း။ ။'ဝေဒနာ ခံစားနေရတဲ့ လူတွေအတွက်ကို အကူအညီ အများကြီး လိုအပ်နေတာ ရှိပါသေးတယ်။ အဓိကကတော့ အေအာရ်ဗွီ ဆေးဝါးတွေ အများကြီး လိုအပ်နေသေးတယ်။ နောက် အခုလက်ရှိ အခြေအနေကတော့ 3 D Fund ဝင်နေတယ် ဆိုပေမယ့်လည်း ကျမတို့ လူနာတွေအတွက်ကို ထင်ထင်ရှားရှားပေါ့နော်။ ထူးထူးခြားခြား ဖြေရှင်းပေးနိုင်တာ သိပ်မရှိသေးဘူးပေါ့။ ဒီတော့ ဝေဒနာ ခံစားနေတဲ့ သူတွေအတွက်ကို ဆက်လက်ပြီးတော့ ဒီ ARV ဆေးဝါးတွေ ရရှိအောင်၊ တခြားနိုင်ငံတွေကလည်း ကူညီဆောင်ရွက် ပေးစေချင်ပါတယ်။ လုပ်ရမယ့် တာဝန်တွေရှိတာကတော့ အာဏာပိုင်အစိုးရတွေက ထိပ်ဆုံးပဲ။ ဒါပေမယ့် သူတို့က မလုပ်တဲ့အခါကျတော့ ကျမတို့မှာက ဘယ်လိုမျိုး လုပ်ကိုင် ဆောင်ရွက်နေရလဲဆိုတော့ ကိုယ့်အသိစိတ်နဲ့ ကိုယ်ပေါ့နော်။ ကိုယ်လုပ်နိုင်သလောက်ကို ကြိုးစားပြီးတော့ လုပ်နေရတာ။ ထိရောက်မှု အတိုင်းအတာကတော့ တနိုင်ငံလုံး အတိုင်းအတာနဲ့က အများကြီး လိုအပ်ပါသေးတယ်။ အစိုးရအနေနဲ့က သူတို့ လုပ်မယ်ဆိုရင်တော့ သူတို့တနိုင်ငံလုံး အတိုင်းအတာနဲ့လုပ်ဖို့ အများကြီး လိုအပ်နေသေးတယ်'

ဒီကနေ့ အခမ်းအနားကို တက်ရောက်ခဲ့တဲ့ အောင်လံမြို့နယ်က အိပ်ခ်ျအိုင်ဗီရောဂါ ကူးစက်ခံထားရတဲ့ ဝေဒနာရှင်တဦးက သူ ကူးစက်ခံခဲ့ရပုံနဲ့ တခြား ရောဂါခံစားနေရသူတွေရဲ့ ကိုယ်စား တွေ့ကြုံရင်ဆိုင်နေရတဲ့ အခက်အခဲတွေကို ခုလို ပြောပြပါတယ်။

ဝေဒနာရှင်တဦး။ ။'ကျနော် မိန်းမကိစ္စ ရှုပ်တာတို့၊ အရုပ်ထိုးတာတို့နဲ့ ပတ်သက်ပြီးတော့ အဲ့ဒါနဲ့ ရခဲ့တာပါ အကို။ ကျနော်တို့ လိုအပ်တာတော့ အများကြီးပဲ အကိုရ။ လောလောဆယ်တော့ မဖြူဖြူသင်းဆီကနေ ကျနော်တို့ကို ပေးနေတာ။ အခု လောလောဆယ်တော့ အမတို့ကနေ ပေးနေတာကတော့ နေရာထိုင်ခင်းကတော့ ကြပ်တာပေါ့။ အခုက လူက များလာတော့ နေရာထိုင်ခင်းက မရှိဘူး။ နေရာထိုင်ခင်း ခက်တယ်။ သူတို့ကတော့ ကျနော်တို့ စားဖို့ဘာဖို့ ဆန်တို့ ဆီ၊ ဆား၊ အချိုမှုန့် အကုန်လုံး ချက်ပြုတ်စရာတွေ ဘာတွေကအစ ဝယ်ခြမ်း ပေးပါတယ်။ မဖြူဖြူသင်းက ပေးတာပါ။ ဘာမှ ပံ့ပိုးမှု မရှိပါဘူး အကို။ လောလောဆယ် ကျနော်တို့က မဖြူဖြူသင်းဆီက သောက်နေရပါတယ်။ ဟုတ်ကဲ့ မဖြူဖြူသင်းဆီက လောလောဆယ် ပုံမှန် သောက်နေရပါတယ်။ တနေ့ကို နှစ်ကြိမ်သောက်ရတယ်၊ မနက် ၈ နာရီနဲ့ ည ၈ နာရီ သောက်ရပါတယ်။ ဒီဆေး ပြတ်သွားလို့ရှိရင်တော့ ကျနော်တို့အကုန် ဒုက္ခရောက်သွားမှာပေါ့ အကိုရာ'

ဒီကနေ့ကျင်းပတဲ့ ကမ္ဘာ့ အေအိုင်ဒီအက်စ်နေ့ အခမ်းအနားကို အန်အယ်လ်ဒီ ပါတီဝင်တွေ၊ ဝေဒနာရှင်တွေ စုစုပေါင်း လူ ၂ဝဝ ကျော် တက်ရောက်ခဲ့ပြီး လူကြီးပိုင်း ခေါင်းဆောင်တွေက ဝေဒနာသည်တွေကို အားပေးစကား ပြောကြားခဲ့တယ်လို့ သိရပါတယ်။