သားချော့တေး
သစ်ကောင်းအိမ်
ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…
မင်းသင်ရတဲ့ ပထ၀ီဝင်ထဲ
တို့နိုင်ငံရဲ့
မြေပုံချပ်ကိုဖြန့်ခင်း
နှစ်ခြောက်ဆယ်စစ်တလင်းကိုတွေ့လိမ့်မယ်
ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…
မင်းသင်ရတဲ့သမိုင်းကတော့
ကမ္ဗည်းမတင်ရသေးတဲ့
သူရဲကောင်းတွေရဲ့သွေးသမိုင်းနဲ့
ရိုင်းစိုင်းနေလိမ့်မယ်
ကိုယ့်ကလောင်ကို
ချိုးဖြူငှက်အတောင်လုပ်လို့
ပျံသန်းလိုက်စမ်းပါ ငါ့သား…
မင်းသင်ရမယ့်ကမ္ဘာ့မြေပုံမှာ
သံလွင်ခက်ပေါ်ဓားစိုက်
ကမ္ဘာကျော်လူမိုက်တို့
မိုက်ကြေးခွဲကြ
ကမ္ဘာ့တိုက်ကြီး (၇) တိုက်ဟာ (ကမ္ဘာ့တိုက်ကြီး (၇) တိုက်ဟာ)
မှောင်မိုက်နေလိမ့်မယ်
ပျံသန်းလိုက်စမ်းပါ ငါ့သား…။ ။
ခေတ်ပြိုင်အွန်လိုင်းစာမျက်နှာပေါ်က ရက်စွဲမဲ့ကဗျာ။
No comments:
Post a Comment