Wednesday, August 22, 2007

small talk with Zinn Mel god ( part 184 )

ချင်းမိုင်ရုက္ခစိုးနှင့် ထွေရာလေးပါး (အပိုင်း - ၁၈၄)
ရန်ကုန်သားတာတေ | သြဂုတ် ၂၂ ၊ ၂၀၀၇

ချင်းမိုင်၌ လွန်ခဲ့သည့် ရက်များက နံနက် သို့မဟုတ် ညနေပိုင်းတွင် မိုးမနည်းမများ ရွာတတ်သော်လည်း ယနေ့တွင် ရာသီဥတုက ကြည်လင်နေသည့်အတွက် နံနက်စောစောကပင် ချင်းမိုင်သားများသွားလာနေကြ သည်။

ဒွိုင်ဆူထေ့တောင်သည်လည်း သာသာယာယာဖြစ်လို့နေသည်။ ထိုသို့ သောအခြေအနေတွင် ရုက္ခစိုး တဦးတည်း တောင်အောက်သို့ လမ်းလျှောက်ဆင်းလာခဲ့သည်။

ရုက္ခစိုး၏ ခေါင်းထဲတွင်တော့ မြန်မာပြည်တွင်း၌ ပြီးခဲ့သည့် ရက်ပိုင်းတွင် စစ်အစိုးက လောင်စာဆီဈေး တိုးမြှင့် လိုက်မှု ကြောင့် လူအများ အခက်အခဲအကြပ်အတည်းဖြစ်နေသည့် ပြဿနာ ဖြေရှင်းရေးလှုပ်ရှားမှုများက ရောက်ရှိလို့နေသည်။ ရာသီ ဥတုက ကြည်လင်သာယာသော်လည်း သူ့မှာ သာယာမှုမရှိပါ။

ယခု လမ်းလျှောက်လာခြင်းသည်ပင် အကြောင်းမဲ့မဟုတ်….

ထိုစဉ် သူကောင်းသား နှစ်ယောက်နှင့် လမ်းခုလတ်တွင်ဆုံတော့သည်။

ကြွက်စုတ်။ ။ ဟာ ဦးရုက္ခစိုး…ကျနော်တို့နဲ့ လွဲအောင်လို့ တမင် တောင်အောက်ကိုကြိုပြီး လမ်းလျှောက် ဆင်းလာတာလား…

ကြွက်စုတ်က မြင်မြင်ချင်း ရုက္ခစိုးကို ထေ့သလိုငေါ့သလို ပြောဆိုလိုက်သည်ကို ရုက္ခစိုးကလည်း ချက်ချင်းပင် ပြန်ပြောလိုက်သည်။

ရုက္ခစိုး။ ။ ဟေ လွဲအောင်လို့ ဟုတ်လား…ငါ့ကို မင်းတို့လိုများ သောက်တလွဲမှတ်နေလို့လား…ငါ အခု လမ်းလျှောက် ဆင်းလာတာ မင်းတို့ကို စောင့်ရတာ စိတ်မရှည်လို့ ဆင်းလာတာကွ…

ရုက္ခစိုး၏ မာကျောသည့် လေသံကြောင့် ဖိုးရှုပ်က ၀င်၍ လေပြည်ထိုးလိုက်သည်။

ဖိုးရှုပ်။ ။ ကျနော်တို့က မသိလို့ပါ ဦးရုက္ခစိုးရဲ့…ဘာဖြစ်လို့ အခုလိုမျိုး စိတ်စောနေရတာလဲ ခင်ဗျ…
ဖိုးရှုပ်၏ ရိုကျိုးစွာ ပြောဆိုလိုက်သည့် စကားကြောင့် ရုက္ခစိုး တင်းမာမှု အနည်းငယ်လျော့သွားသည်။

ရုက္ခစိုး။ ။ မင်းတို့လည်း သိတဲ့အတိုင်း…အခု ပြည်တွင်းမှာဖြစ်နေတာလေ…အစိုးရက လောင်စာဆီဈေး အဆမတန် မြှင့်တင်လိုက်လို့ လူထုမှာ ရေနစ်သူ ၀ါးကူထိုး ဆိုသလိုဖြစ်နေတာ…အဲဒီကိစ္စကွာ…

ကြွက်စုတ်။ ။ ဦးရုက္ခစိုးပြောတာ ဟုတ်ပါတယ်…ကျနော်တို့လာတာလည်း အဲဒီကိစ္စတွေကို သိမြင်သမျှ ဖလှယ်ဖို့လာတာပါ…ကိုထင်ကျော်တို့ အဖွဲ့တွေကလည်း ကုန်ဈေးနှုန်းကျဆင်းရေး ဒီနေ့ ဆန္ဒပြမယ်တဲ့…

ဖိုးရှုပ်။ ။ ဟုတ်တယ်…ဟုတ်တယ်…အာဏာပိုင်တွေက ကြံ့ဖွံ့တွေ စွမ်းအားရှင်တွေ ဘာတွေနဲ့ အရင်နေ့တွေက လှုပ်ရှားသူတွေကို နှိပ်ကွပ်တယ်တဲ့…ဒိထက်လည်း ပိုနှိပ်ကွပ်ဖို့ စီမံထားတယ်တဲ့…

ကြွက်စုတ်။ ။ ဟ အဲဒီလိုနှိပ်ကွပ်ရုံတင် ဘယ်ကမလဲ…မနေ့ည သန်းခေါင်လောက် မှာ ၈၈ ကျောင်းသား ခေါင်းဆောင် တွေအပါအ၀င် လူ ၂၀ လောက်ကို စစ်အာဏာပိုင်တွေက ဖမ်းသွားတယ်လေ… လောင်စာဆီဈေး မြင့်လို့ဆန္ဒပြတာကို NC ကို နှောင့်ယှက်ဖျက်ဆီးတယ်ဆိုတဲ့ စွပ်စွဲချက်နဲ့ ဖမ်းတာ… လောင်စာဆီနဲ့ NC ထိပ်တိုက် တိုးမှုပဲ…

ဖိုးရှုပ်။ ။ ပြီးခဲ့တဲ့ တနင်္ဂနွေ ကလည်း ၈၈ အဖွဲ့က ဦးဆောင်ပြီးတော့ လမ်းလျှောက်ဆန္ဒပြတဲ့ လှုပ်ရှားမှုတွေ လုပ်တယ် မဟုတ်လား…

ရုက္ခစိုး။ ။ မနေ့က လမ်းလျှောက်လှုပ်ရှားတဲ့သူတွေကို ကြံ့ဖွံ့နဲ့စွမ်းအားရှင်တွေက တုတ်တွေ ဓားတွေ လက်နက် တွေနဲ့ ပြီးတော့ ဒီနေရာကအမြန်ထွက်မသွားရင်ရိုက်သတ်မယ်လို့လည်း ခြိမ်းခြောက် နှောင့်ယှက်ကြတယ်လေ…

ကြွက်စုတ်။ ။ အံမယ်… အမျိုးသားရေး ဦးဝင်းနိုင်တို့အဖွဲ့ကိုလည်း လေးဂွတွေနဲ့ ပစ်တယ်တဲ့…“တောက်” အဲဒီ ကြံ့ဖွံ့တွေ စွမ်းအားရှင်တွေက သူတို့ကို မထိသေးတော့ စွာနေတာပေါ့…သူတို့ကိုလည်း ၈၈ အရေးအခင်း တုန်းကလို ငါကတော့ ဂျင်ကလိနဲ့ ဆော်ချင်တယ်…ဘယ်က လာမှန်းမသိဘဲ…တခါတည်း မာလကီးယားသွား မယ်…

ဖိုးရှုပ်။ ။ ဟာ…အဲဒီလိုလုပ်ရင် မင်းအကြမ်းဖက်သမားဖြစ်သွားမှာပေါ့…အခု အကြမ်းမဖက်ရေးမူနဲ့ လုပ်နေတာ တောင် စစ်အစိုးရက အကြမ်းဖက်သမားတွေလို့ စွပ်စွဲနေတာ…

ကြွက်စုတ်။ ။ သူများကို သာ စွပ်စွဲနေတာ…သူတို့ကျတော့ အကြမ်းဖက်ရုံတင်မကဘူး…အောက်လမ်းနည်း… အထက်လမ်းနည်း…နည်းမျိုးစုံနဲ့ ဒုက္ခပေးနေတာ ဘယ်လောက်ကြာပြီလဲ…

ဖိုးရှုပ်။ ။ ကြာလည်း ဘယ်တတ်နိုင်မှာလည်း ငါ တို့က ဘာတတ်နိုင်မှာမို့လို့လဲ…ငါတို့ ချမှတ်ထားတဲ့ လမ်းစဉ် မဟုတ်ဘူးလေ…အဲဒီ အကြမ်းဖက်နည်းကတော့ နိုင်ငံတကာကလည်း လက်မခံဘူးကွ…

ကြွက်စုတ်။ ။ ဟင် အဲဒီ နိုင်ငံတကာ လူတတ် ပညာရှင်တွေပဲ ပြောတာမဟုတ်ဘူးလား…ပါဝါဘဲလင့်စ် အင်အား ချိန်ခွင်ရှာ ညီမျှမှ လေးစားတာဆို…ငါ ကတော့ ဒါ အကြမ်းဖက် သောင်းကျန်းတာမဟုတ်ဘူး…တော်လှန်ရေး တရပ်လို့ပဲထင်တယ်…

ဖိုးရှုပ်နှင့် ကြွက်စုတ်တို့ ၂ ဦး မမျှော်လင့်ဘဲ စကားထများနေကြသောကြောင့် ရုက္ခစိုးလည်း မင်တက်မိနေရာမှ အခြေအနေပိုဆိုးလာမည်ကို စိုးရိမ်သည့်အတွက် ၀င်ထိန်းလိုက်ရသည်။

ရုက္ခစိုး။ ။ ဟေ့ကောင်တွေ…ဟေ့ကောင်တွေ…တော်ပြီ…တော်ပြီ…မင်းတို့ စကားများနေတာနဲ့ စကားလမ်း ကြောင်း က ဘယ်ရောက်သွားမှန်းမသိတော့ဘူး…ငါ အခုမှ သတိရတယ်ဟေ့…တောင်ပေါ်ပြန်သွားပြီး အီးမေးလ် ချက်ရမယ်ကွ...ပြည်တွင်းမှာ ဘာဖြစ်နေသလဲလို့ သိရအောင်…

သို့ဖြင့် ဖိုးရှုပ်နှင့်ကြွက်စုတ်တို့ ၂ ဦး ယာယီစစ်ပြေငြိမ်းသွားပြီး ရုက္ခစိုးနှင့်အတူ တောင်ပေါ်တက်လိုက်လာကြ သည်။

ရုက္ခစိုးက သူ့ ဗိမာန် ညောင်ရိပ်ရောက်သည်နှင့် ကွန်ပျူတာနှင့် အလုပ်ရှုပ်ပြတော့သည်။

ရုက္ခစိုး။ ။ ဟာ ဟေ့ကောင်တွေ ဒီမှာ ကြည့်စမ်း…ဓာတ်ပုံပါ ပို့လိုက်တယ်…ရန်ကုန်မှာ ကုန်ဈေးနှုန်း ကျဆင်းရေး ဆန္ဒပြ လမ်းလျှောက်တာတွေ…တောက်…ငါ တောင် ရန်ကုန်ကို ပြန်လိုက်ချင်တယ်ကွာ…

ကြွက်စုတ်။ ။ ဦးရုက္ခစိုးက စိတ်လောနေပြန်ပြီ အဲဒီလိုမျိုးနဲ့ ပြန်သွားလို့ကတော့…အရိုက်ခံရမလား… အဖမ်းခံရ မလားဘဲ… အီးမေးလ်ကို အသေအချာဖတ်ကြည့်ပါဦး…ဒီနေ့အဖမ်းခံရတဲ့သူတွေ ၁၅၀ ကျော်ရှိတယ်တဲ့… မနေ့ညက အဖမ်းခံရတဲ့ လူတွေနဲ့ဆို ၂၀၀ လောက်ရှိမယ်တဲ့…

ဖိုးရှုပ်။ ။ အင်း အောက်မှာလည်း စစ်အစိုးရ မွေးစားထားတဲ့ ကြံ့ဖွံ့တွေ စွမ်းအားရှင်တွေကလည်း ရာနဲ့ချီပြီး စောင့်ကြည့်နေတယ်တဲ့ဗျ…အရက်သမားပုံ လူမိုက်ပုံတွေတဲ့… စစ်အစိုးရက လိုတုန်းမွေးပြီးတော့ မလိုရင်တော့ အစားခံရမယ့် သူတွေလေ…

ကြွက်စုတ်။ ။ စစ်အုပ်စုက လူထုကို ဒုက္ခပေးဖို့ အဲဒီလို စရိုက်တူ ဗာလနံတွေ ကိုပဲ ဆည်းကပ်တတ်တာလေ… ဘာသာ သာသနာ တာဝန်ထမ်းသူတွေကိုတော့ နှိပ်ကွပ်တယ်…မကြာသေးဘူး ရန်ကုန်သာသနာ့ တက္ကသိုလ်နဲ့ သံလျင်က သံဃာတွေက နှိပ်ကွပ်တာ မခံနိုင်လို့ ဆန့်ကျင်ကြတယ်လေ…

ရုက္ခစိုး။ ။ အထွေထွေ မကျေနပ်မှုတွေကတော့ များလာပြီပေါ့…နီးလာပြီထင်တာပဲ…နောက်ထပ်…အုံကြွမှုကြီး တခုတော့ လာတော့မယ် ထင်တယ်…လူတွေ သတိရှိကြမှဖြစ်မယ်…

ကြွက်စုတ်။ ။ ဒါဆိုလည်း အပြင်ကနေ လျှောက်ပြောမနေနဲ့လေ…ဦးရုက္ခစိုးရယ်…ရန်ကုန်ကိုသွားချင်ဆို သွားလေ… ဖိုးရှုပ်ကို ပါခေါ်သွား…အဝေးကနေတော့ လက်သီးထောင်မနေနဲ့ပေါ့…

ဤတွင် အတိုင်အဖောက် ညီစွာပြောနေရင်း ကြွက်စုတ်က ထ ဖောက်လိုက်ပြန်ရာ ယခု တကြိမ်တွင်တော့ ကြွက်စုတ်အတွက် ဖိုးရှုပ်တွင်မက ရုက္ခစိုးပါ ပေါင်း စစ်မျက်နှာ ၂ ဘက် ဖြစ်သွားသည်။

ရုက္ခစိုး။ ။ ဟာ ဒီ ကြွက်မသားတော့ မိရင်မလွယ်ဘူးမှတ် ဒီနေ့ ဘယ်လိုဖြစ်လို့ ချိုထောင်နေသလဲမသိဘူး…

ကြွက်စုတ်မှာ ရုက္ခစိုး၏ ဒေါသ သင့်မည့်ဘေးမှ လွတ်မြောက်ရာတောင်အောက်သို့ ညောင်ရိပ်မှ အလျင်မြန်ဆုံး ခြေလှမ်းများဖြင့် ထ၍ ပြေးလေတော့သည်။ ။

(ဘလော့ဂါမှတ်ချက် - http://www.irrawaddy.org/bur/cmnat2007/August/184.html ကနေ ယူတယ်။ )

No comments: